1 Corintios 14:1 - Kashibo-Kakataibo Biblia

¹ Usa ꞌain camina manúquinma unicama nuibati ꞌain. Nuibanan camina Nucën Papa Diosan Bëru Ñunshin Upitan mitsu bëtsi bëtsi ñumi ꞌanun ꞌamiti cuëënti ꞌain. Bëtsi ñu ꞌati cuëëncësamaira oi camina an mi sinánmicëxun aín bana upí oquin unicama ñuixunti cuëënti ꞌain.

Nukën 'Ibu Diosan ain unikama 'inan ain bana

¹ Usa 'ain camina manúquinma unicama nuibati 'ain. Nuibanan camina Nucën Papa Diosan Bëru Ñunshin Upitan mitsu bëtsi bëtsi ñumi 'anun 'amiti cuëënti 'ain. Bëtsi ñu 'ati cuëëncësamaira oi camina an mi sinánmicëxun aín bana upí oquin unicama ñuixunti cuëënti 'ain.

1 Corintios 14:1 ပူးပေါင်းရင်းမြစ်များ

Proverbios 15:9

Nukën ꞌIbu Diosan ka uni ꞌatima sinánñukama atux ꞌatimati tsókë a kuëënima; ꞌaínbi ka axa aín bana kikësoibi ꞌikë unikama a kuni nuibatia.

Romanos 12:6

Nucën Papa Diosan nu bëtsi bëtsi ñu ꞌanun caíscë ꞌixun cananuna an ꞌimicësabi oquin upí oquin ꞌati ꞌain, usoquin nun ꞌati ca Nucën Papa Dios cuëënia quixun ꞌunánquin. An aín bana ñuixunun caíscë ꞌixun cananuna an sinánmicësabi oquin aín bana unicama upí oquin ñuixunti ꞌain.

Romanos 14:19

Usa uni ꞌixun cananuna camáxbia bëtsibë nuibananun uni raíri nuibaquin ꞌaquinti ꞌain. ꞌAquianan cananuna Cristomia upiti sinánun bëtsibë bëtsibë sinánmiananti ꞌain.

Romanos 9:30

¿Usa ꞌain caranuna uisai quiti ꞌain? Cananuna quiti ꞌain, judíosma unibunën ca, judíos unibu ca usai ꞌiti ꞌicë quicë bana ꞌunáncëma ꞌixun Nucën Papa Diosan aín nuitu upí isnun a bana ꞌati sinánma ꞌicën. Sinánma ꞌicëbi ca aín ꞌuchacama tërë́nun Jesucristomi catamëcë cupíshi Nucën Papa Diosan aín nuitu upí isia.

1 Corintios 12:1

ꞌËn xucë́antu, mitsúnmi ꞌunánun cana ësaquin mitsu cain, axa Jesucristomi catamëcë unicaman ca aín Bëru Ñunshin Upitan ꞌamicësabi oquin bëtsi bëtsi ñu ꞌati ꞌicën.

1 Corintios 12:31

Camabi ñu ꞌaquinmabi camina añu ꞌaquin caramina camabi unia Jesucristomi upiti sinánun ꞌaquinti ꞌai, a ñumi ꞌanúan mi ꞌaquinun Nucën Papa Dios ñucáti ꞌain. A ñucamami upí oquin ꞌaiabi cana mitsu ꞌunánmiti ꞌain, bëtsi ñu upíirami ꞌanun.

1 Corintios 13:13

Bëtsi ñucama cëñúcëbëbi cananuna nux cëñútimoi abë ꞌaish Nucën Papa Diosmi catamëti ꞌain. —Cananuna ënë Nucën Papa Diosan nëtënuax cëñútimoi ꞌiti ꞌai —quixun ꞌunani cananuna cuëëinra cuëënti ꞌain. Anu ꞌaish cananuna camáxbi cëñútimoi bëtsibë nuibananti ꞌain. Nucën Papa Diosmi catamëti cuëëanan abë nëtë́timoi ꞌiti sinani cuëëníbi cananuna bëtsibë nuibanancë cupíira cuëëinra cuëënti ꞌain.

1 Corintios 13:2

ꞌËn Nucën Papa Diosan a sinánmicë ñu ñuiquin unicama ñuixuanan, camabi ñu ꞌunánquin uni itsin ꞌunáncëma ñuribi ꞌunánan, —Nucën Papa Diosan ca ꞌë ꞌaquinti ꞌicë —quixun sinánquin aín cushin aín bashibi amanu tacuiabi, ca uni itsi nuibaquin ꞌacëma ꞌicë Nucën Papa Diosan ꞌë upí isima.

1 Corintios 14:22

Axa Jesucristomi catamëcë uníxa unin cuacëma banan banaia cuaquinbi ca raírinën uisai cara quia quixun ꞌunánquinma a bana sinanima. An sinaniamabi ca Jesucristomi sináncëma unin a bana cuaquin sinánti ꞌicën, Nucën Papa Diosan ꞌimicëx sapi ca banaia quixun. Usa ꞌaínbi ca an sinánmicëxuan Nucën Papa Diosan bana ñuixuncë uníxa banaia cuati aín unicama upiti Jesucristomi sinánti ꞌicën. Usa ꞌaínbi ca axa ami catamëisama tancë unicaman a bana cuaquinbi asérabi ca usa ꞌicë quixun sinanima.

1 Corintios 14:37

Micama an Nucën Papa Diosan sinánmicëxun uni bana ñuixuncë ꞌimainun a aín Bëru Ñunshin Upitan sinánmicë unicama, mitsun camina ꞌunánti ꞌain, ꞌën mitsu cuënëoxuncë banacama, ënëx ca an ꞌë sinánmicëxun ꞌacë ꞌicë quixun.

1 Corintios 14:39

ꞌËn xucë́antu, cana mitsu cain, an Nucën Papa Diosan sinánmicëxun aín bana uni ñuixuncë ꞌiti camina sinánti ꞌain. Usa ꞌixunbi camina Nucën Papa Dios rabia unin cuacëma banan banaxma ꞌinun uni catima ꞌain.

1 Corintios 16:14

Uisa ñu caramina ꞌain a ꞌaquin camina uni nuibaquin ꞌati ꞌain.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

1 Tesalonicenses 5:20

Nucën Papa Diosan sinánmicëxuan unin ñuixuncëxun camina a bana cuaisama tantima ꞌain.

1 Timoteo 4:14

Axa Jesucristomi catamëcë unicamaxa timë́cë ꞌaían atun cushicaman aín mëcën minu nanxun, Nucën Papa Diosan sinánmicëxun mi cá bana a camina manutima ꞌain. Atúan cacësabi oquinmi ꞌanun ca Nucën Papa Diosan mi cushioti ꞌicën.

1 Timoteo 5:10

Upí oquian ñu ꞌaia unin ꞌunáncë ca ꞌiti ꞌicën. Cara aín tuá upí oquin canioxa, cara uni ꞌimainun xanu a isi aia upí oquin biaxa, cara axa Jesucristomi catamëcë unicama ꞌaquianxa, cara axa tëmëracë unicama chuámarua ꞌinun ꞌaquianxa, ꞌimainun cara uisa ñu upíribi ꞌaxa quixun ꞌunáncë ꞌaish ca aín anë ꞌacë ꞌiti ꞌicën.

1 Timoteo 6:11

Uni raírinëan ꞌaisamaira ñuñu ꞌianan curíquiñu ꞌiti cuëëncë cupí ꞌatima ñu ꞌacëbëbi camina mix Nucën Papa Diosmi catamëcë ꞌaish atumi ꞌunánti ꞌain. ꞌUnánquin camina upí sinánñu ꞌixun Nucën Papa Dios cuëëncësabi oquin ꞌanan, ami catamëti unicamabë nishánanima nuibananan, uisa ñu cara ꞌicëbëbi bënëtima ꞌianan, rabitima cuëmëninishi banati ꞌain.

2 Timoteo 2:22

Bëná unicaman ñunshínquin ñu ꞌacë, usaribi oquin ꞌati sinántima cupí camina atumi ꞌunánti ꞌain. Usai ꞌi camina axa aín nuitu upí ꞌaish Nucën ꞌIbu Diosbë banacë unicamabëtan upí ñuishi ꞌanan Jesucristomi catamëti, abë nuibanani pëcananíma chuámashi ꞌiti ꞌain.

Hebreos 12:14

Nishananima camina upitaxëshi bucuti ꞌain. Aín ꞌucha ëncëma unix ca Nucën Papa Diosbë ꞌitima ꞌicën. Usa ꞌain camina nishananima upitax bucuquin uisa ꞌuchabi ꞌati sinántima ꞌain.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

3 Juan 1:11

ꞌËn nuibacë xucë́n, an ñu ꞌatima ꞌacë unían ꞌacësa oquin ꞌaquinma camina an ñu upí ꞌacë unían ꞌacësa oquinshi ñu ꞌati ꞌain. An ñu upí ꞌacë uni ax ca Nucën Papa Diosnan ꞌicën. Usa ꞌaínbi ca an ñu ꞌatima ꞌacë uni an ainanma ꞌixun Nucën Papa Dios ꞌunáncëma ꞌicën.

1 Samuel 10:5

Usokin ꞌatankëx kamina matá me chairukë Diosan me ꞌikë, Guibeá kakë anua filisteo unikaman suntáru ꞌikë anu bëbati ꞌain. Bëbax a ëmanu atsini kamina an Dios kikë bana uni ñuixunkë unikamabë anuxun Dios rabiti ꞌakë anuax rikuatsinkëbë atubë mërananti ꞌain. Mëranankin kamina atux kuanmainun rëkuë́nkiani kuankin mëkën rëbun mëëkin banamikë, ꞌimainun arpakëñun, xunkakin banamikë ñukama, a banamibiani kuania isti ꞌain.