1 Corintios 13:8 - Kashibo-Kakataibo Biblia

⁸ Ënë nëtëcama cëñúcëbëtan camaxunbi a ꞌunáncë cupí ca uinu ꞌicë unínbi Nucën Papa Dios quicë bana unicama ñuixuntëcëntima ꞌicën, uinu ꞌicë uníxbi ca Nucën Papa Dios rabi unin cuatima banan banatima ꞌicën, unían bëtsi uni ꞌunánmiti ca ꞌaíma ꞌiti ꞌicën. Usai ꞌiti a ꞌaíma ꞌaínbi ca nux nuibananti ax cëñutima, bamatancëxribi cananuna Nucën Papa Diosan nëtënu ꞌaish anuaxribi bëtsibë nuibananti ꞌain.

Nukën 'Ibu Diosan ain unikama 'inan ain bana

⁸ Ënë nëtëcama cëñúcëbëtan camaxunbi a 'unáncë cupí ca uinu 'icë unínbi Nucën Papa Dios quicë bana unicama ñuixuntëcëntima 'icën, uinu 'icë uníxbi ca Nucën Papa Dios rabi unin cuatima banan banatima 'icën, unían bëtsi uni 'unánmiti ca 'aíma 'iti 'icën. Usai 'iti a 'aíma 'aínbi ca nux nuibananti ax cëñutima, bamatancëxribi cananuna Nucën Papa Diosan nëtënu 'aish anuaxribi bëtsibë nuibananti 'ain.

1 Corintios 13:8 ပူးပေါင်းရင်းမြစ်များ

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Hechos 13:1

Antioquíanu ꞌicë axa Jesucristomi catamëcë unicama raírinëx ca an Nucën Papa Diosan sinánmicëxun bana uni ñuixuncë uni ꞌiacëxa, raírinëx ca an aín bana unicama ꞌunánmicë ꞌiacëxa. Usa ꞌain ca Bernabé ꞌimainun Simeón ꞌicëbi Tunan Uni caquinribi anëcë, a ꞌimainun Cirene menu ꞌicë uni, Lucio, a ꞌimainun Manaén, axa Galilea menu ꞌicë ꞌapu Herodes, abë canicë, a ꞌimainun Saulo, acamax Antioquíanu ꞌiacëxa.

Hechos 19:6

Usa ꞌain ca a unicama Pablonën aín mëcënan ramë́cëbë atunu Nucën Papa Diosan Bëru Ñunshin Upí uacëxa. Usaría ꞌicëbë unin ꞌunáncëma banan bananan ca a unicaman, usaquian Nucën Papa Diosan sinánmicë bana unicama ñuixuancëxa.

Hechos 2:4

Usacëbëshi ca Nucën Papa Diosmi cushii aín Bëru Ñumshin Upitan ꞌimicëx anu ꞌicë unicamax bëtsi bëtsi banan banacëxa.

1 Corintios 12:10

Aín Bëru Ñunshin Upitan ꞌamicëxun ca bëtsi bëtsi unin, uni itsían ꞌacëma ñu ꞌaia. An sinánmicëxun ca bëtsi bëtsi unin Nucën Papa Diosan sinánmicësabi oquin aín bana unicama ñuixunia. An ꞌimicëxun ca bëtsi bëtsi unin, uni itsían bana ñuia cuaquin, asérabi cara Nucën Papa Diosan sinánmicëxun bana ñuia quixun ꞌunania. An sinánmicëx ca bëtsi bëtsi unix Nucën Papa Dios rabi, uni itsían cuacëma bana banaia. Banacëbëtan ca Nucën Papa Diosan aín Bëru Ñunshin Upitan sinánmicëxuan bëtsi unin uisai quicë cara a bana ꞌicë quixun uni ñuixunun ꞌunánmia.

1 Corintios 13:10

Usa ꞌaínbi cananuna ënë menuxun ꞌacësamaira oquin aín nëtënuxun upíira oquin an sinánmiti ñucama ꞌunánuxun ꞌain.

1 Corintios 13:13

Bëtsi ñucama cëñúcëbëbi cananuna nux cëñútimoi abë ꞌaish Nucën Papa Diosmi catamëti ꞌain. —Cananuna ënë Nucën Papa Diosan nëtënuax cëñútimoi ꞌiti ꞌai —quixun ꞌunani cananuna cuëëinra cuëënti ꞌain. Anu ꞌaish cananuna camáxbi cëñútimoi bëtsibë nuibananti ꞌain. Nucën Papa Diosmi catamëti cuëëanan abë nëtë́timoi ꞌiti sinani cuëëníbi cananuna bëtsibë nuibanancë cupíira cuëëinra cuëënti ꞌain.

1 Corintios 14:39

ꞌËn xucë́antu, cana mitsu cain, an Nucën Papa Diosan sinánmicëxun aín bana uni ñuixuncë ꞌiti camina sinánti ꞌain. Usa ꞌixunbi camina Nucën Papa Dios rabia unin cuacëma banan banaxma ꞌinun uni catima ꞌain.

1 Corintios 8:2

An —ꞌën cana ñu ꞌunan —quixun sináncë uni an ñu ꞌunánxunbi ca asérabi uisai ꞌiti cara quixun upí oquin ꞌunánima.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Hebreos 8:13

Ësaía Cristo cupí aín unicama aín nuitu upí ꞌiti ñui ca Nucën Papa Dios —ꞌën bëráma usai ca judíos unicama aín ꞌucha tërë́ncë ꞌiti ꞌicë quixun Moisés cuënëomia bana a camina ënti ꞌai —quiax quia. Usa ꞌaish ca a bana sënë́ntishi ꞌicën.