1 Corintios 13:6 - Kashibo-Kakataibo Biblia

⁶ Ñu ꞌatima unin ꞌacëbë ca cuëënima. Usa ꞌaish ca upí ñu cuati cuni cuëënia.

Nukën 'Ibu Diosan ain unikama 'inan ain bana

⁶ Ñu 'atima unin 'acëbë ca cuëënima. Usa 'aish ca upí ñu cuati cuni cuëënia.

1 Corintios 13:6 ပူးပေါင်းရင်းမြစ်များ

Salmos 119:136

Unin min banakama kikësokin ꞌaiama isi, ꞌitsaira anun masá nuitukëbë ka ꞌën bëunkë ax ꞌumpax ꞌikësaira ꞌinun ꞌibuaxa.

Jeremías 20:10

Usa ꞌain kana munura banai unikama ësai kanania kuatin: “¡Kamabinuax ka ꞌitsaira rakuë́kania!” Usa ꞌain ka ësai kikania: “¡Uisax karanuna a unimi manánti ꞌai isti kamina rikuatsinti ꞌain!” ꞌËn ꞌunánkë unikamanbi ka ꞌën ñu ꞌatima ꞌati kuëënkania. Usai ꞌi ka ësai kikania: “¡Parántisa ꞌikë parántankëxun kananuna nun ira a ꞌatimokin kananti ꞌai kiax ka kikania!”

Oseas 4:8

ꞌËn unikaman aín ꞌucha mëníokakin ꞌinainshikë ñukama a marui kamina mitsux tsotin; usakin ꞌakin kamina ꞌën unikamaxa abi ꞌuchanun ꞌimin.

Mateo 18:13

ꞌËn cana asérabi mitsu cain, bariquin mërax ca bëtsi carnerocama isia cuëëncësamaira oi axa nëtë́cë a mërax cuëënia.

Lucas 22:5

Usoquian Judasan cacëx ca cuëëni —curíqui ꞌinánti ca —quiax canancëxa.

Romanos 1:32

Atun ca ꞌunania, Nucën Papa Diosan mëníosabi oi ca usa unicama ainanma ꞌaish xënibua ꞌaínbi abë ꞌitima ꞌicë quixun. Usaía Nucën Papa Dios quia a ꞌunánxunbi ca usa ñu ꞌaia. Atúinshi ꞌaíma ca uni itsínribia usaribi oquin ꞌaia isti cuëënia.

Romanos 12:9

Mitsux asérabi Jesucristomi catamëcë uni ꞌaish camina paránanima asérabi bëtsibë nuibananti ꞌain. Ñu ꞌatima ꞌati cuëënquinma usa ñu timai camina Nucën Papa Dios cuëëncësabi oíshi ꞌiti ꞌain.

Filipenses 1:18

Atúan uisaquin cara uni bana ñuixuinsa tania, usoquin ñuixuncëxbi ca asábi ꞌicën. Usaquian Jesucristo ñuiquin ꞌitsa unin bana ñuiia unin ñuiia cuati cana cuëënin. ꞌIanan cana ꞌëx ꞌicësamairai cuëënti ꞌain,

Filipenses 1:4

Abë banaquin cana upí oquin sinani cuëënquin mitsu ñucáxunin.

Filipenses 3:18

Usaquin caquin cana bëráma ꞌitsa oquin cásaribi oquin bëunan mëscuquin ësaquin mitsu catëcënin, ꞌitsa unin ca ꞌën mitsu cacësabi oi ꞌiquinma axa unin ꞌucha cupí i curúsocënu bama, Cristo, a ñui quicë banacama cuaisama tania quixun.

2 Tesalonicenses 2:12

An Jesucristo ñuicë bana cuatíbi ainan ꞌiisama tancë ꞌixun atun cuëëncë ñuishi ꞌaquin ꞌatima ñu ꞌacë unicama, axa atun ꞌucha cupíbi castícancë ꞌinun ca usai ꞌiti ꞌicën.

2 Juan 1:4

Min tuá raírinën ca Nucën Papa Dios quicësabi oquin ꞌaia quixuan ñuicania cuati cana cuëëinra cuëëan.