1 Corintios 13:4 - Kashibo-Kakataibo Biblia

⁴ An uni raíri nuibacë unin ca bëtsi unia abë upíma ꞌicëbi ami nishquinma upí oquinshi caia. Usa ꞌaish ca bëtsi unibë upí ꞌia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana ꞌai —quixun sinanima. Ca rabiacatima.

Nukën 'Ibu Diosan ain unikama 'inan ain bana

⁴ An uni raíri nuibacë unin ca bëtsi unia abë upíma 'icëbi ami nishquinma upí oquinshi caia. Usa 'aish ca bëtsi unibë upí 'ia. An uni raíri nuibacë uni ax ca bëtsimi nutsima. Ca —bëtsi unibë sënë́nmaira cana 'ai —quixun sinanima. Ca rabiacatima.

1 Corintios 13:4 ပူးပေါင်းရင်းမြစ်များ

Génesis 30:1

Usa ꞌain ka Raquel ax ꞌën kana Jacob tuá xunima kixun sinani aín xukë́n Líami ꞌitsaira nishakëxa, nishkin ka aín bënë kakëxa: —ꞌËmiribi kamina bëchiti ꞌain, min ꞌëmi bëchikëmax kana ñuti ꞌain.

Génesis 37:11

Usa ꞌain ka aín xukë́n apankama ꞌaisamairai ami xuamati nishakëxa, usai atux ꞌia iskin ka aín papan aín nuitu mëushi ënë ñukama manukima sinánkëxa.

Nehemías 9:17

Usai ꞌikin ka min kakëxun kuaisama tanan minmi chaiira ñu atu ꞌaxuan abi sinánkama ꞌikën. Usai ꞌikin ka min bana kuaisama tankin achúshi ꞌapu an isa anuaxa tëmërakë Egipto me anubi uantëkënun kixun anëakëxa. ꞌAínbi kamina mix Dios an ꞌuchaiabi uni nuibakë a ꞌixun uisabi okinma, nuibairakin ꞌatimokinma ꞌakinkin ñu ꞌatima ꞌaiabi atu ëanma ꞌain.

Proverbios 13:10

Axa rabiakakë uni an ka bëtsi unibë mëëanantishi kuëënia; usa ꞌaínbi ka sinan mëninñushi uni an ꞌësëkin kakëxun bana kuatia.

Proverbios 31:20

Usakin ꞌakin ka uni ñuñuma kama ꞌimainun, an ñu kuëënkë unikama aribi ñu ꞌinánkin ꞌakinia.

Proverbios 31:26

ꞌIanan ka sinánxira banakin aín tuákama nuibakin upíokin bana ꞌunánmia.

Hechos 7:9

Jacobnën bëchicë achúshi ca José cacë ꞌiacëxa. ꞌIcëbi ca ami nutsi nishquin aín xucë́antun Egipto menu buántanun uni maruacëxa.

Romanos 1:29

Usa ꞌixun ca uisa ñucamax cara ꞌatima ꞌicë acama ꞌaia, bëtsi uni ꞌatimonan, ainanmabi uni itsin ñu biisa tanan, aín xanuma ꞌaínbi xanubë ꞌianan, xanúxmabi bëtsi unibë ꞌianan, bëtsi uni ꞌicësamaira oi ñuñu ꞌiisa tania. ꞌIanan ca uni ꞌaisa tanan, bëtsibë cuëbicanánan, uni itsi paránan, uni itsimi ꞌatimati banaia. Usa ꞌaish ca a unicamax ꞌaisamairai banai uni itsimi manania.

Romanos 13:13

Ami cushicë ꞌaish cananuna upitaxëshi niti ꞌain. Paë́nti, paë́anx cuëëni sharáti, uni aín xanuma xanu itsibë ꞌiti, ñunshínquin ñu ꞌatima ꞌati, cuamianani nishananti, unimi nutsiti, a ñucama ënquin cananuna usa ñu ꞌatima ꞌain.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

1 Corintios 4:18

Mitsu raírinëx camina ꞌëx sapi isna anu cuanti racuëti quixun sinani cërutin.

1 Corintios 4:6

ꞌËn xucë́antu, Apolobë ꞌëx ꞌicësaribitimi mitsux bëtsi bana sinanima Nucën Papa Dios quicësabi oíshi ꞌinun cana ënë ñucama ñuiquin mitsu cain. —An mitsu ꞌunánmicë unin ꞌunánmicësamaira oquin ca an nu ꞌunánmicë unin nu ꞌunánmia —quixun camina bëtsi uni catima ꞌain.

1 Corintios 5:2

¿An usa ñu ꞌacë uni mitsubë ꞌaínbi caramina mitsun —nux cananuna asábi ꞌai —quixun sinanin? Usaquin sinanima camina mitsux —nux cananuna ꞌaisama ꞌai —quixun sinani rabínti ꞌain. Rabínquin camina a uni mitsubë ꞌinúnma chiquínti ꞌain.

1 Corintios 8:1

Unían unínbi ꞌacë ñu rabiquin ꞌaracacë ñuina ꞌacë a namix cara piisa ꞌicë quixunmi ꞌë ñucácë bana, a ñuiquin cana ësaquin mitsu cain. ꞌËn ꞌunáncësaribi oquin camina mitsun asérabi ꞌunan, Nucën Papa Diosëshi dios ꞌain ca unin ꞌacë ñu rabiquin ñuina rëcë a nami ax bëtsi namisaribi ꞌaish piti ꞌicën. Usaquin sinani ca uni raíri ainra isa ñu ꞌunánxa quixun sinani, a nami pi, bëtsibë cëruanánia. Usa ꞌaínbi ca raírinëx, a namix ca bëtsi namisaribi ꞌaish piti ꞌicë quixun ꞌunánxunbi an picëma unicama nuibaquin ꞌuchamisama tanquin piima, Jesucristonën sinánsaribi ꞌixun.

2 Corintios 12:20

ꞌËn mitsu isi cuanxun iscëxbi sapi camina ꞌën sináncësama ꞌicanti ꞌai quixun cana sinanin, ꞌëxribi mitsun sináncësama ꞌimainun. Usa ꞌixun cana sinanin, mitsux sapi camina nutsi cuamianani cuëbicananan, bëtsibë bëtsibë nishánancë ꞌianan, bëtsimi manáncë ꞌianan, minainshi ñu ꞌati sinánan bëtsi unibë ñuianancë ꞌianan, rabiacaquin upí oquin sináncëma uni ꞌain.

2 Corintios 6:6

Usa ꞌixun ñu ꞌaisama ꞌati sinánquinma Nucën Papa Diosan bana ꞌunáncë ꞌixun ami nishíma unibë asérabi upí ꞌianan Nucën Papa Diosan Bëru Ñunshin Upitan sinánmicë ꞌianan, paránquinma asérabi uni nuibanan

Gálatas 5:26

Usa ꞌain cananuna —ꞌëx cana bëtsi unisama ꞌai —quiax rabítima ꞌain, cananuna cuëbicanani unibë nishanantima ꞌain, ꞌimainun cananuna bëtsimi nutsitima ꞌain.

Efesios 4:2

Cuamiananima camina upí sinánñu ꞌaish upiti banati ꞌain. Bënëtishi nishíma camina bëtsibë nuibanani ꞌaquiananti ꞌain.

Efesios 4:32

Usai ꞌima camina abë nuibanani uni itsibë ꞌaquiananti ꞌain. Mitsumi nishquian unin ꞌatimocëxbi camina abë tanánantima ꞌain. Usai ꞌima camina uisa cara mi ocëxbi a manui abë upí ꞌiti ꞌain. Mitsun ñu ꞌaisama ꞌacëcama manuia, Nucën Papa Dios Cristo cupí mitsubë upí ꞌain, camina usaribiti uni itsibë ꞌiti ꞌain.

Filipenses 1:15

Usa ꞌain ca raírinën ꞌëmi nutsiquin, ꞌën bana ꞌacësamaira oquin isa unin aín bana cuanun quixun, Cristo ñuiquin bana ñuixunia. Ñuixunmainunbi ca raírinën asérabi, an Jesucristomi catamënun uni ꞌaquinti sinánquin upí oquin bana ñuixunia.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

Colosenses 2:18

Atúnbi ca —ꞌëx asama ꞌixun cana Nucën Papa Diosma ángelcamaishi rabiti ꞌai —quixun sinánquin atúnbi sináncë ñu ñui rabíquin unicana bana ñuixunia. Usa ꞌain camina Cristonan ꞌiti ëntin rabanan atúan mitsu ñuixuncë bana a tantima ꞌain.

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

1 Tesalonicenses 5:14

Nucën xucë́antu, ënë ñucamaribi ꞌanun cananuna mitsu cain, an ñu mëëtisama tanquin uni itsi ubíocë unicama, a camina sinananun ꞌësëti ꞌain. Jesucristonan ꞌaíshbi upiti ami catamëcëma unicama a Jesucristomi upiti catamënun sinánmianan camina an Jesucristonan ꞌixunbi an ñu ꞌatima ꞌati sináncë unicama aribi upí ꞌinun ꞌaquinti ꞌain. ꞌAquianan camina camabi uni ami nishquinma nuibaquin upí ꞌinun ꞌaquinti ꞌain.

1 Timoteo 6:4

a unin ca rabiacaquinbi añu ñubi ꞌunáncëma ꞌicën. Usa unin ca abë cuëbicanantishi cuëënquin —usama ca, ësaira ca bana ꞌicë —quixun raíri unicama cuëbicananquinia. Usai ꞌi ca a unicamax nutsianan, nishánanan, ñuianani ꞌatimati banaia. Usa ꞌixun ca uinu ꞌicë unínbi ca asérabi bana ñuima quixun sinania.

2 Timoteo 2:25

Usa ꞌixun ca ami nishquinma an Nucën Papa Diosan bana cuaisama tancë unicama munu upí oquin ꞌësëquin ꞌunánmiti ꞌicën. ꞌUnánmiquin ca —Nucën Papa Diosan ꞌimicëx ca sinanati Jesucristomi catamëti ꞌicë —quixun sinánti ꞌicën.

2 Timoteo 3:10

Min camina ꞌën bana ñuia upí oquin cuanan uisai carana ꞌëx ꞌi abi ꞌunánan añu carana ꞌaisa tani quixun ꞌunan. ꞌUnánan camina ꞌunan, ꞌën cana Nucën Papa Diosmi catamëquin, aín bana cuaisama taniabi ami nishquinma uni upí oxuinshi bana ñuixuan quixun. Camina ꞌunan, tëmëraquinbi ënquinma cana atu nuibaquin Nucën Papa Diosan banaishi sinánquin unicama ñuixuan.

2 Timoteo 4:2

minmi ñuixuncëxuan min bana cuanan, cuatiamabi camina uni bana ñuixunti ꞌain. Ñuixunquin camina Jesucristo ñuicë banax ca asérabi ꞌicë quixun ꞌunánmiquin amia sinánun ꞌaquinti ꞌain. ꞌAquianan camina an ñu ꞌaisama ꞌacë unicamaribi ꞌësëanan camabi uni Jesúsmi catamëcë ꞌaísha upí ꞌinun ꞌësëti ꞌain. Min cacëxun cuacëbëma bënë́quinma camina minmi upí oquin ꞌunáncë bana ñuixunquin uni ꞌësëti ꞌain.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

1 Pedro 2:1

Usa ꞌain camina Nucën Papa Diosnan ꞌixun ñu ꞌatimacama, cëmëti, uni paránti, nutsiti, unibë ñuiananti, acama ënti ꞌain.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.

1 Pedro 4:8

ꞌIanan camina mitsux asérabi nishananima nuibanani upitax bucuti ꞌain. Bëtsi uni nuibacë ꞌixun ca unin a unin ꞌuchacama ñuiquinma manuia.

2 Pedro 1:7

Usaquin sináncë ꞌaish camina bëtsibë nuibananti ꞌain. Usai ꞌiquin camina camabi uni nuibati ꞌain.

1 Juan 4:11

ꞌËn nuibacë xucë́antu, Nucën Papa Diosan unicama usaira oquin nuibacë ꞌain cananuna nuxribi usaribiti bëtsi unicamabë nuibananti ꞌain.