1 Corintios 13:13 - Kashibo-Kakataibo Biblia

¹³ Bëtsi ñucama cëñúcëbëbi cananuna nux cëñútimoi abë ꞌaish Nucën Papa Diosmi catamëti ꞌain. —Cananuna ënë Nucën Papa Diosan nëtënuax cëñútimoi ꞌiti ꞌai —quixun ꞌunani cananuna cuëëinra cuëënti ꞌain. Anu ꞌaish cananuna camáxbi cëñútimoi bëtsibë nuibananti ꞌain. Nucën Papa Diosmi catamëti cuëëanan abë nëtë́timoi ꞌiti sinani cuëëníbi cananuna bëtsibë nuibanancë cupíira cuëëinra cuëënti ꞌain.

Nukën 'Ibu Diosan ain unikama 'inan ain bana

¹³ Bëtsi ñucama cëñúcëbëbi cananuna nux cëñútimoi abë 'aish Nucën Papa Diosmi catamëti 'ain. —Cananuna ënë Nucën Papa Diosan nëtënuax cëñútimoi 'iti 'ai —quixun 'unani cananuna cuëëinra cuëënti 'ain. Anu 'aish cananuna camáxbi cëñútimoi bëtsibë nuibananti 'ain. Nucën Papa Diosmi catamëti cuëëanan abë nëtë́timoi 'iti sinani cuëëníbi cananuna bëtsibë nuibanancë cupíira cuëëinra cuëënti 'ain.

1 Corintios 13:13 ပူးပေါင်းရင်းမြစ်များ

Salmos 42:11

¿Uisa kupín karana sinanati kana ꞌaima kiax kiti ꞌain? ¿Uisa kupín karana ꞌitsaira sinánti ꞌain? ꞌËn ꞌIbu Dios ashi kana an ꞌë ꞌakinun rabiti ꞌain. ¡An ka ꞌën Dios ꞌixun ꞌë ië́mia!

Salmos 43:5

¿Uisa kupín karana sinanati kana ꞌaima kiax kiti ꞌain? ¿Uisa kupín karana ꞌitsaira sinánti ꞌain? ꞌËn ꞌIbu Dios ashi kana an ꞌë ꞌakinun rabiti ꞌain. ¡An ka ꞌën Dios ꞌixun ꞌë ꞌakinti ꞌikën!

Lucas 10:27

Cacëxun ca a unin Jesús cacëxa: —Ca quia, “Min ꞌIbu Diosmi camina asérabi cuëëni cëmëima sinánti ꞌain. Usa ꞌaish camina ami catamëti ax cuëëncësabi oíshi ꞌiti ꞌain. ꞌIanan camina mixmi bërúancacësaribi oquin min aintsicama nuibanan axa ꞌaquinsa ꞌicë ꞌaquinti ꞌain”.

Lucas 22:32

Usa ꞌaínbi cana ꞌëmi catamëti ënxunma ꞌanun Nucën Papa Dios mi ñucáxuan. ꞌËmi ꞌuchaxbi sinanati ꞌëmi cushiquin camina axa ꞌëmi catamëcë uni raíri ꞌëmia asérabi upiti catamënun ꞌaquinti ꞌain.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

1 Corintios 14:1

Usa ꞌain camina manúquinma unicama nuibati ꞌain. Nuibanan camina Nucën Papa Diosan Bëru Ñunshin Upitan mitsu bëtsi bëtsi ñumi ꞌanun ꞌamiti cuëënti ꞌain. Bëtsi ñu ꞌati cuëëncësamaira oi camina an mi sinánmicëxun aín bana upí oquin unicama ñuixunti cuëënti ꞌain.

1 Corintios 16:14

Uisa ñu caramina ꞌain a ꞌaquin camina uni nuibaquin ꞌati ꞌain.

1 Corintios 3:14

An a ñuiquin bana ñuixuncëxun cuati ami catamëquian unin Jesucristo quicësabi oquin ꞌacë ꞌain ca an atu bana ñuixuncë uni a Nucën Papa Diosan, upí oquin camina uni ꞌë ñuiquin bana ñuixuancë quixun caquin cuëënquin upí oquin cupíoti ꞌicën.

1 Corintios 8:1

Unían unínbi ꞌacë ñu rabiquin ꞌaracacë ñuina ꞌacë a namix cara piisa ꞌicë quixunmi ꞌë ñucácë bana, a ñuiquin cana ësaquin mitsu cain. ꞌËn ꞌunáncësaribi oquin camina mitsun asérabi ꞌunan, Nucën Papa Diosëshi dios ꞌain ca unin ꞌacë ñu rabiquin ñuina rëcë a nami ax bëtsi namisaribi ꞌaish piti ꞌicën. Usaquin sinani ca uni raíri ainra isa ñu ꞌunánxa quixun sinani, a nami pi, bëtsibë cëruanánia. Usa ꞌaínbi ca raírinëx, a namix ca bëtsi namisaribi ꞌaish piti ꞌicë quixun ꞌunánxunbi an picëma unicama nuibaquin ꞌuchamisama tanquin piima, Jesucristonën sinánsaribi ꞌixun.

1 Corintios 8:3

Usa ꞌaínbi ca axa asérabi ami sináncë uni a Nucën Papa Diosan ainan ꞌicë ꞌunania.

2 Corintios 5:10

Utëcëntancëxun ca Cristonën unicama achúshi achúshi uisaquin cara ënë nëtënuxun ñu ꞌaxa quixun isti ꞌicën. Usoquin ca, atun ñu ꞌacë cara upí ꞌicë, cara upíma ꞌicë quixun isti ꞌicën. Atun ñu ꞌacësabi oquin istancëxun ca raíri ax cuëëncësabi oquin ꞌacë, axa cuëënun ꞌimianan raíri an aín bana quicësabi oquin ꞌacëma uni a uisoquin cara ꞌati ꞌicë usoquin ꞌati ꞌicën.

2 Corintios 5:15

Aín unicamaxa ënë nëtënuax atux cuëëncësa oi ꞌima, ax cuëëncësabi oi ꞌinun ca Cristo, axa atu cupí bamatancëx baísquia, ax camabi unin ꞌucha cupí bamacëxa.

Gálatas 5:6

Nux asérabi Jesucristonan ꞌaish cananuna ꞌunántioracacë unicama ꞌicësaribiti ꞌunántioracacëma ꞌaíshbi Nucën Papa Diosan iscëx upí ꞌain. Jesucristomi catamëcë ꞌixúan an uni nuibacë uni ax ca Nucën Papa Diosan iscëx upí ꞌicën.

Filipenses 1:9

Usa ꞌain cana mitsu nuibaquin Nucën Papa Dios mitsu ñucáxunin, mitsúnmi ꞌacësamaira oquinmi upí sinánñu ꞌixun ax cuëëncësabi oquin ꞌati ꞌunánquin uni nuibanun.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 1:5

Nucën Papa Diosan mëníosabi oi aín nëtënu abë ꞌiti sinani camina usai ꞌicanin. Jesucristomi catamëti aín ꞌuchacama tërë́ncë ꞌaish ca uni ainan ꞌaish xënibua ꞌaínbi Nucën Papa Diosbë ꞌiti ꞌicë quixuan aín unin mitsu ñuixuncëxun camina a bana cuaquin upí oquin ꞌunáncan.

Colosenses 3:14

Ësai ꞌinux camina bëtsibë nuibananti ꞌain. Bëtsibë nuibanancë ꞌaish camina ꞌitsa ꞌixunbi bëtsin sináncësa oquinshi sinánan ꞌën mitsu cacësabi oi ꞌicanti ꞌain.

1 Tesalonicenses 1:3

Nucën Papa Diosbë banaquin cananuna mitsúnmi amiira pain catamëquin ax cuëëncësabi oquin ꞌanan, upí oquin unicama nuibaquin ꞌaquianan, a ëníma, Nucën ꞌIbu Jesucristonën ca ax quicësabi oquin nu ꞌimiti ꞌicë quixun manucëma cupí —asábi ca —quixun a cain.

1 Tesalonicenses 5:8

Usa ꞌaínbi cananuna nux Nucën Papa Diosan uni ꞌaish camabi nëtën upí oquin sináncë ꞌiti ꞌain. Cristonën ca ax quicësabi oquin ꞌë ꞌaquinia quixun sinánquin cananuna ami catamëquin uni raíriribi nuibati ꞌain, ñunshin ꞌatimanëan nu ñu ꞌatima ꞌanun sinánmitima cupí. Cristomi catamëquin raíri uniribi nuibacë ꞌaish cananuna suntárunëan ꞌacánani ami catamëti cupí anun aín shican bëpánti manë chupa pañucësa ꞌain. Usai ꞌiquin, Jesucristo utëcëncëbë cana asaribi upí ꞌiti ꞌai quixun sináncë ꞌaish, cananuna axa ami nishcë unían ꞌati rabanan suntárunën aín maxcá manë mañutinën mapucësaribi ꞌain.

1 Timoteo 1:5

Nucën Papa Dios ca cuëënia aín unicamaxa ësai ꞌinúnu ꞌunánmiti: aín nuitu upí ꞌianan aín ꞌuchacama tërë́ncë ꞌixun ꞌatëcënti sináncëma ꞌianan Jesucristomi asérabi catamëcë ꞌixun unicama nuibati.

2 Timoteo 1:7

Ainan ꞌaíshnu racuë́ ꞌinun ca Nucën Papa Diosan nu ꞌimiama ꞌicën. An ca nu ainan ꞌimiacëxa, aín cushiñu ꞌixúnu nuibaquin unicama ꞌaquianan upí oquin sinánquin ñu ꞌanun.

Hebreos 10:35

—Usai cana ꞌiacë —quiax manúquinma camina min ꞌacësabi oquin Jesucristomi catamëti ëntima ꞌain. Ami catamëcë ꞌaish camina a cupí nëtë́timoi abë Nucën Papa Diosan nëtënu ꞌiti ꞌain.

Hebreos 10:39

Usaía an aín bana ꞌaquinbi ëncë uni ax Nucën Papa Diosan nëtënu abë ꞌitima ꞌaínbi cananuna nun ami catamëquin ëncëma ꞌaish, asérabi Nucën Papa Diosnan ꞌaish aín nëtënu abë ꞌiti ꞌain.

Hebreos 6:11

Usa ꞌaínbi cananuna anúnmi Nucën Papa Diosan nëtënu ꞌiti nëtë utámainunmi mitsun ꞌacësabi oquin chiquíshquin ënquinma Nucën Papa Dios cuëëncësabi oquin ꞌati cuëënin. Usaquin ꞌaquin camina Nucën Papa Diosan nëtënu cëñútimoi abë ꞌiti sinánquin caínti ꞌain.

Hebreos 6:19

Ënëx ca ësaribi ꞌicën. An manë nunti niquincë unicaman ca aín manë nuntia bëchunan tucáncaquin amami amami buánti rabanan, manë cha manë risin tëcërëcaxun, an cushioquin tuínun quixun baca nëbë́tsi nipatia. A manë chan tuíncë cupí ca nunti amanu amanu cuanima. Usaribiti cananuna Cristo anu Nucën Papa Dios ꞌicë anu cupí nun amanu amanu sinánbëquínquinma Jesucristomi sinánti ëntima ꞌain.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

1 Juan 2:10

An uni itsi nuibacë uni ax ca Nucën Papa Diosnan ꞌaish abë upí ꞌicën. Usa ꞌain ca a cupía a uni ꞌuchati ñu ꞌaíma ꞌicën.

1 Juan 2:14

Uni apáncama, mitsúnmi axa ënë mecama unioisama pain ꞌaíshbi ꞌiá, Nucën Papa Dios, ainan ꞌixun ꞌunáncë cupí cana mitsu quirica cuënëoxuan. Bëná unicama, mitsux Jesucristomi cushicë ꞌianan Nucën Papa Diosan bana mitsun nuitunënbi sináncë ꞌixun ñunshin ꞌatimanën ꞌapúan ñu ꞌatima ꞌamitisa tancëxunbi ꞌacëma cupí cana mitsu quirica cuënëoxuan.

1 Juan 2:24

Usa ꞌain camina Jesucristomi catamëtabaquinmi cua a bana manuquinma upí oquin sinánti ꞌain. A bana asérabi sináncë ꞌaish camina abë upí ꞌaish ënima camabi nëtën aín Bëchicë ꞌianan Nucën Papa Diosbëribi ꞌiti ꞌain.

1 Juan 3:3

Uicaman cara —asaribi cana ꞌiti ꞌai —quixun sinania, a unicamax ca Jesucristosaribi ꞌiti cupí, aín ꞌuchacama ëni upí ꞌia.

1 Juan 3:9

Uix cara asérabi Nucën Papa Diosan bëchicë ꞌicë, an ca ñu ꞌatima ꞌati sinanima. An ꞌacësaribi oquin sinánun Nucën Papa Diosan ꞌimicë ꞌixun ca aín bëchicëcaman ñu ꞌatima ꞌati sinanima. Usa ꞌixun ca ꞌuchatëcënti sinanima.