1 Corintios 12:26 - Kashibo-Kakataibo Biblia

²⁶ Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

Nukën 'Ibu Diosan ain unikama 'inan ain bana

²⁶ Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí 'icë —quixun cacëx nun namicamabëbi chuámarua tani cuëënin.

1 Corintios 12:26 ပူးပေါင်းရင်းမြစ်များ

Mateo 3:15

Cacëxunbi ca Jesusan cacëxa: —Uisai cara Nucën Papa Dios quia, usai cananuna ꞌiti ꞌain. Usa ꞌain camina min ꞌë bërí nashimiti ꞌain. Cacëxun ca Juanën —cana mi ꞌati ꞌain —quixun caxun Jesús nashimiacëxa.

Mateo 5:29

Min bëru mëqueu anun ñu isi ꞌatima ñu ꞌati cuëëncë ꞌixunbi camina ashiquin manuquin ënti ꞌain. Usoquin ꞌai camina min bëru achúshi ëchíxun nicësa ꞌiti ꞌain. Mix bëru rabë́ñu ꞌaíshmi manë tsinu anuax tëmërai cuantima cupími min bëru achúshi ëchíxun niti ca asábi ꞌicën.

Romanos 12:15

Axa chuámarua ꞌaish cuëëncë uni abë camina cuëënti ꞌain. Axa masá nuituti incë uni a camina abë masá nuituquin nuibati ꞌain.

1 Corintios 12:25

Usa ꞌain cananuna —amo ꞌicëxa ꞌaisama ꞌimainun ca amo ꞌicëxëshi nun nami upí ꞌicë —quixun sinántima ꞌain. Camabi nun namix ca upí ꞌicën.

1 Corintios 12:27

Usa ca ënëx ꞌicën. Aín taë, aín mëcën, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristobë aín unicama achúshishi ꞌicën.

Gálatas 6:2

Min ñuishi ꞌati sinánquinma camina uni raíriribi ami sinánquin ꞌaquinsa ꞌicë ꞌaquinti ꞌain. Usai camina bëtsibë bëtsibë ꞌaquiananti ꞌain. Usai ꞌi camina Cristo quiásabi oi ꞌiti ꞌain.

Hebreos 13:3

Mitsúxribi atubë sipuacë ꞌaish tëmëracësa ꞌixun camina axa Jesucristonan cupí sipuacë unicama manuquinma a sinánquin ꞌaquinti ꞌain. Mitsúxribi usaribi uni ꞌixun camina —usaribi oquin ca unin ꞌë ꞌati ꞌicë —quixun sinánquin unían bëtsi bëtsi ocë uni a ꞌaquinti ꞌain.

1 Pedro 3:8

Ënë banaribi cana mitsu cain, axa Jesucristomi catamëcë uni raírinën sináncësaribi oquin sinani camina atubë nuibananti ꞌain, atúxa mitsun xucë́nsaribi ꞌain. Camina bëtsibë camáxbi nuibanani ꞌaquianani rabítima ꞌain.