1 Corintios 12:25 - Kashibo-Kakataibo Biblia

²⁵ Usa ꞌain cananuna —amo ꞌicëxa ꞌaisama ꞌimainun ca amo ꞌicëxëshi nun nami upí ꞌicë —quixun sinántima ꞌain. Camabi nun namix ca upí ꞌicën.

Nukën 'Ibu Diosan ain unikama 'inan ain bana

²⁵ Usa 'ain cananuna —amo 'icëxa 'aisama 'imainun ca amo 'icëxëshi nun nami upí 'icë —quixun sinántima 'ain. Camabi nun namix ca upí 'icën.

1 Corintios 12:25 ပူးပေါင်းရင်းမြစ်များ

1 Corintios 12:24

Acama bërúanquinbi cananuna nun bëru, nun mëcën acama unínma isia quixun mapuima. Usa ꞌain ca Nucën Papa Diosan mëníosabi oi nun namicama asábi ꞌicën. A mapucëcamax ca anu mapucëmacamasaribi ꞌicën.

1 Corintios 12:26

Nun mëcënaxa paëia ca camabi nun namin tania. Usaribiti ca nun pabitax paëia camabi nun namin tania. Usaribiti cananuna unían —min bu, min bëmána, min pëñan ca upí ꞌicë —quixun cacëx nun namicamabëbi chuámarua tani cuëënin.

1 Corintios 3:3

Usai ꞌaish nutsi cuamianani nishananquin camina Cristonanma unin sináncësa oquinshi sinanin. Usa ꞌi camina an Nucën Papa Diosan bana cuacëma unicamaxa ꞌicësai ꞌin.

2 Corintios 13:11

ꞌËn xucë́antu, chuámashi camina ꞌicanti ꞌain. Añu ñucama cara ꞌaisama ꞌicë camina mëníoquin sinántëcëntima ꞌain, ꞌën mitsu cacë banacama cuati camina bëtsin sináncësabi oquin sinani nishananíma nuibananishi ꞌicanti ꞌain. Usai ꞌia ca Nucën Papa Dios, an aín unicama nuibaquin bënëtima chuámarua ꞌinun ꞌimicë, ax mitsubë ꞌiti ꞌicën.

2 Corintios 7:12

ꞌËn mitsu quirica buánmiquin cana an ñu ꞌatima ꞌacë uni ashi sinánquin cuënëocëma ꞌain, ami ax ꞌuchacë uni aribishi sinánquin cana ꞌacëma ꞌain. Nucën Papa Diosan iscëxun camina asérabi nu nuibaquin nun bana cuati quixunmi mitsun ꞌunánun cana a quirica mitsu buánmian.

2 Corintios 8:16

Nucën Papa Diosan sinánmicëxun ca ꞌën ꞌacësaribi oquin Titon mitsu nuibaquin ꞌaquinsa tania. An usaquin Tito sinánmicë cupí cana Nucën Papa Dios —asábi ca —cain.