1 Corintios 12:18 - Kashibo-Kakataibo Biblia

¹⁸ Usa ꞌain ca Nucën Papa Diosan an sináncësabi oquin pabí, bëru, taë, quisi, pucu acamañua ꞌitánun uni uniocëxa.

Nukën 'Ibu Diosan ain unikama 'inan ain bana

¹⁸ Usa 'ain ca Nucën Papa Diosan an sináncësabi oquin pabí, bëru, taë, quisi, pucu acamañua 'itánun uni uniocëxa.

1 Corintios 12:18 ပူးပေါင်းရင်းမြစ်များ

Salmos 110:3

Min unikamax ka a nëtënmi ꞌakanankin kupitanuma ꞌakë a nëtën minu rikuatsinti ꞌikën. Diosan bashi upí kakë anu ka atuxi kuanti ꞌikën, usa ꞌain kamina nëtë upíira urukian barin nibí ëskakë, usaribi mix kamabi nëtën ꞌiti ꞌain.

Isaías 46:10

ꞌËx kikë ënëx usai ka ñu ꞌinuxun ꞌaia ꞌëx kia ꞌikën; kianan kana axa ꞌiti ñuribi ñui bërámabi kiakën. Usa ꞌain kana ꞌëx kin: Usa ꞌain ka ꞌën sinánkë ñukama ax usaibi ꞌiti ꞌikën; ꞌën kana uisa ñu ꞌanux karana kia a kamabi ꞌati ꞌain.

Jonás 1:14

Usai ꞌikëbëtan ka munuma banakin an ꞌakinun kixun ñukákin Dios ësokin kakankëxa: Dios nukamina ënë unin ꞌucha kupín bamanun ꞌimitima ꞌain. ꞌIanan kamina axa ñu ꞌatima ꞌakëma ꞌaish bamakëbëtan, nukamaxnu anun ꞌuchakësa ꞌinun ꞌimitima ꞌain, usa ꞌixun kamina mix Dios ꞌixun uisakin kaina ꞌaisatani usakin ñu ꞌain.

Lucas 10:21

Usaquin catancëxun ca Jesusan, aín Bëru Ñunshin Upitan sinánmicëx upiti cuëënquin, aín Papa Dios cacëxa: —Ën Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Lucas 12:32

Ësaquinribi ca Jesusan aín ꞌunánmicë unicama cacëxa: —Mitsux camina ꞌënan ꞌain. Usa ꞌaish ꞌitsairama ꞌaínbi ca mitsux ainan ꞌianan aín nëtënu abë ꞌiti Nucën Papa Dios cuëënia. Usaquin ꞌunani camina racuë́tima ꞌain.

Romanos 12:3

Cristo ñuiquin aín bana unicama ñuixunun Nucën Papa Diosan caíscë ꞌixun cana mitsu cain, camabi unia Cristomi cushicë ꞌinun ꞌaquinun mitsu caíscë ꞌixun camina ui unínbi —ꞌëx cana bëtsi unibëtan sënë́nmaira ꞌiti ꞌai —quixun sinántima ꞌain. Uisa cara Nucën Papa Diosan mi ꞌimia, usa ꞌixun camina —usaishi cana ꞌiti ꞌai —quixun sinánti ꞌain. Sinánñu ꞌixun camina rabíquinma —Nucën Papa Diosan a ꞌanun ꞌë ꞌináncëxuinshi cana ñu ꞌai —quixun sinánti ꞌain.

Romanos 12:6

Nucën Papa Diosan nu bëtsi bëtsi ñu ꞌanun caíscë ꞌixun cananuna an ꞌimicësabi oquin upí oquin ꞌati ꞌain, usoquin nun ꞌati ca Nucën Papa Dios cuëënia quixun ꞌunánquin. An aín bana ñuixunun caíscë ꞌixun cananuna an sinánmicësabi oquin aín bana unicama upí oquin ñuixunti ꞌain.

1 Corintios 12:11

Usaquin ꞌaquin ca aín Bëru Ñunshin Upí ax achúshi ꞌixunbi, Nucën Papa Diosan unicama bëtsi bëtsi ñua ꞌanun ꞌimia, ax cuëëncësabi oquin.

1 Corintios 12:17

Bëruñushi ꞌixun ca unin uisaxunbi cuatima ꞌicën. Pabíñushi ꞌixun ca unin uisaxunbi xëtima ꞌicën.

1 Corintios 12:19

Pabíshi ꞌaish ca uni unima ꞌitsíanxa. Bëruishi ꞌaish ca uni unima ꞌitsíanxa. Taëishi ꞌaish ca uni unima ꞌitsíanxa.

1 Corintios 12:24

Acama bërúanquinbi cananuna nun bëru, nun mëcën acama unínma isia quixun mapuima. Usa ꞌain ca Nucën Papa Diosan mëníosabi oi nun namicama asábi ꞌicën. A mapucëcamax ca anu mapucëmacamasaribi ꞌicën.

1 Corintios 12:28

Nucën Papa Diosan mëníosabi oquin ca axa Jesucristomi catamëcë unicaman bëtsi bëtsi ñu ꞌaia. Raíri unix ca aín bana ñuixunuan Jesucristonën caíscë ꞌia. Raíri unin ca Nucën Papa Dios quicë bana unicama ñuixunia. Raíri unin ca axa Jesúsmi catamëcë unicama aín bana ꞌunánmia. Raíri unin ca uni itsin ꞌacëma ñu ꞌaia. Raíri unínribi ca uni ñucë pëxcuia, raíri unin ca unicama ꞌaquinia, raíri unix ca Nucën Papa Diosan bana cuatia timë́cë unicama aín cushi ꞌia, raíri uníxribi ca Nucën Papa Dios rabi unían cuatima banan banaia.

1 Corintios 15:38

An mëníosabi oquin ca Nucën Papa Diosan ñu ënxë ꞌapácë anua aín i comiquin canimia. Bëtsi bëtsi ñu ënxë ca aín íxa uisa cara, usa ꞌitánun canimia.

1 Corintios 3:5

¿ꞌËx Pablo ꞌaish carana min sináncëx uisa uni ꞌain? ¿Mitsun sináncëx cara Apolo uisa uni ꞌic? Nucën Papa Diosan nu sinánmicësabi oquin mitsu bana ñuixuncëishi cananuna nux ꞌain. Nun aín bana ñuixunia cuati camina Nucën ꞌIbu Jesucristomi catamëacën.

Efesios 1:5

Axa cuëëncësabi oquin ca nu nuibaquin Jesucristo cupí aín bëchicë ꞌinun nu caísacëxa.

Efesios 1:9

Unin ꞌunánma ꞌicëbi ca nu ꞌunánmiaxa, uisa cupí cara ax cuëëansabi oquin Cristo ënë nëtënuaxa bamanun xuacëxa quixun.

Apocalipsis 4:11

Nucën ꞌIbu Dios, min camina camabi ñu uniocën. Mix cuëëncësabi oi ca ꞌiacëxa, mix cuëëncësabi oquin camina min cushínbi camabi ñu ënë menu ꞌicë ꞌimainun naínu ꞌicë ñuribi uniocën. Usa ꞌaish camina camabi unicama ꞌimainun ángelcamanribi rabitisa ꞌain.