1 Corintios 12:13 - Kashibo-Kakataibo Biblia

¹³ Nux Cristonën uni ꞌaish cananuna ësa ꞌain: raírinëx judíos uni ꞌimainun raírinëxribi axa griego bana banacë uni ꞌimainun raírinëxribi an ñu uni mëëxuncë uni ꞌimainun cananuna raírinëxribi an uni ñu mëëxuncëma uni ꞌain. Usa ꞌaíshbi cananuna nucamax Nucën Papa Diosan Bëru Ñunshin Upitan sinánmicë ꞌianan Cristonan ꞌaish achúshisa ꞌain. Abënu ꞌinun ca Nucën Papa Diosan aín Bëru Ñunshin Upí nucama ꞌinánxa.

Nukën 'Ibu Diosan ain unikama 'inan ain bana

¹³ Nux Cristonën uni 'aish cananuna ësa 'ain: raírinëx judíos uni 'imainun raírinëxribi axa griego bana banacë uni 'imainun raírinëxribi an ñu uni mëëxuncë uni 'imainun cananuna raírinëxribi an uni ñu mëëxuncëma uni 'ain. Usa 'aíshbi cananuna nucamax Nucën Papa Diosan Bëru Ñunshin Upitan sinánmicë 'ianan Cristonan 'aish achúshisa 'ain. Abënu 'inun ca Nucën Papa Diosan aín Bëru Ñunshin Upí nucama 'inánxa.

1 Corintios 12:13 ပူးပေါင်းရင်းမြစ်များ

Isaías 55:1

“Kamabi axa shimakë akamax ka ꞌumpax xëai uti ꞌikën; ꞌimainun ka uikamax kara kuríkiñuma akamanribi, atun piti trigo kupíokinmashi biti ꞌikën; bianan ka uvas baka vino ꞌakë a ꞌimainun vaca xuma aribi añubi kupíokinma biti ꞌikën.

Joel 2:29

ꞌImainun kana an mitsu ñu mëëxunkë uni ꞌimainun xanukama atunurubi ꞌën bëru ñunshin a nëtëkaman xuti ꞌain;

Mateo 3:11

Uníxa an ñu ꞌatima ꞌacëcama ëni sinanacë cupí cana ꞌën a ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi a buánxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënën ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Lucas 3:16

Sinania ca Juanën anu ꞌicë unicama cacëxa: —ꞌËn cana mitsu ꞌumpaxan nashimin. Usa ꞌaínbi ca ꞌësamaira uni ꞌë caxu aia. Axa upíira ꞌaish cushiira ꞌain cana ꞌëx asaribima ꞌaish ami rabini a ꞌurama ꞌitima ꞌain. Usai ꞌiquin cana aín taxacabi tubuxuntima ꞌain. Axira uquin ca uni aín Bëru Ñunshin Upíñu ꞌinun ꞌimiti ꞌicën. ꞌImiquin ca tsi rëquirucënëan ñu ꞌacësoquin aín cushin aín nuitunua sináncë ñu ꞌatimacama a cëñuquin uni upí ꞌimiti ꞌicën.

Juan 1:16

An ca aín sinan upíira ꞌixun ax ꞌicësaribitinu nun sinan upí ꞌinun nuibaquin ënquinma nu ꞌaquinia.

Juan 3:5

Nicodemonën cacëxun ca Jesusan cacëxa: —Usama ca. Asérabi cana ꞌën mi cain, ꞌunpax ꞌimainun Nucën Papa Diosan Bëru Ñunshin Upitan bacë́ntëcëncëma uni ax ca Nucën Papa Diosnan ꞌitima ꞌicën.

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 6:63

ꞌËx ënë menu ꞌaish uni ꞌicë cupíshima ꞌëx bamatancëx baísquiti cupí camina ainan ꞌaish xënibua ꞌaínbi Nucën Papa Diosbë ꞌiti ꞌain. ꞌËn a ñuiquin mitsu cacë ñucama ax ca anúnmi ꞌëmi catamëti ꞌën sinánsaribi ꞌaish xënibua ꞌaínbi Nucën Papa Diosbë ꞌiti, a ꞌicën.

Hechos 1:5

Asérabi ca Juanën uni ꞌunpaxan nashimiacëxa. Usa ꞌaínbi ca ꞌitsama nëtë ꞌicëma ꞌaínshi Nucën Papa Diosan aín Bëru Ñumshin Upí mitsubëa ꞌinun xuti ꞌicën.

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

Romanos 3:29

¿Nucën Papa Diosan cara judíos unicamaishi aín uni ꞌimianan judíosma unicamaribi aín uni ꞌimitima ꞌic? Ca aturibi ainan ꞌimiti ꞌicën.

Romanos 4:11

Nucën Papa Diosan ca Abraham ami catamëtia an upí iscë cupía ꞌunántioracanun cacëxa. Usaquian Nucën Papa Diosan Abraham cá cupí cananuna ꞌunanin, judíosma unicamax ca judíos unibu ꞌicësaribiti, ꞌunántioracacëma ꞌaíshbi Nucën Papa Diosmi catamëcë ꞌaish Abrahamnën rëbúnquisa ꞌicë quixun.

1 Corintios 10:2

Usaquin nëtë cuinan bëararacë ꞌaish parúnpapa sicaracëtancëx ca nucën raracamax Nucën Papa Diosmi catamëti Moisésbë upí ꞌaish an buáncëx abë cuancëxa.

Gálatas 3:23

Ami catamëtinu ië́ti Jesucristoa utámainun ca judíos unicaman Moisésnën cuënëo bana quicësabi oquin ꞌati ꞌiacëxa.

Gálatas 3:28

Judíos unicama ꞌimainun axa griego banan banacë judíosma unicama, an uni ñu mëëxuncë unicama ꞌimainun an uni ñu mëëxuncëma unicama, bëbu ꞌimainun xanu, acamáxbi camina Jesucristonan ꞌaish Nucën Papa Diosan iscëx bëtsisaribi ꞌaish achúshisa ꞌain. Jesucristonan ꞌixun camina camaxunbi bëtsin sináncësaribi oquin sinanin.

Efesios 3:6

Unin ꞌunánma ꞌaínbi ca a bana ësai quia, judíos unicama ꞌicësaribiti ca judíosma unicama, Cristo Jesús bama cupí ami catamëti Nucën Papa Diosan uni ꞌianan abë aín nëtënu ꞌiti ꞌicën, ax quiásabi oi.

Efesios 4:5

Nucën ꞌIbu Jesucristo axëshi ca aín unicaman ꞌIbu ꞌicën. Ax ca achúshi ꞌicën, amishi catamëti cananuna camáxbi nun ꞌucha tërë́ncë ꞌaish ainan ꞌain. Jesucristomishi catamëcë cupí cananuna nashimicë ꞌain.

Efesios 5:26

Aín unicama aín nuitu upí ꞌimiquin ca Cristonën ax aín sinan ꞌaisama ꞌicëbi bëtsi oquin aín sinan upí ꞌimia. Usoquin ca ax quicësabi oquían ꞌanun aín bana ꞌunánmiquin aín unicama aín nuitu upí ꞌaísha chucacësa ꞌinun ꞌimia.

Efesios 6:8

Camina ꞌunanin, an upí oquin ñu ꞌacë uni a ca Nucën ꞌIbu Jesucristonën, uisa ñu upí cara ꞌaxa, usaribi oquin cupíoti ꞌicën, an uni ñu mëëxuncë uni ꞌimainun an uni ñu mëëmicë uniribi.

Colosenses 1:27

Uisaira upí cara a bana ꞌicë quixun ca Nucën Papa Diosan aín unicama ꞌunánmisa tancëxa. A banax ca judíosma unicamananribi ꞌicën. A banax ca ësai quia, Cristo ax ca mitsubë ꞌicën. Axa mitsubë ꞌain camina aín nëtënuribi abë ꞌiti ꞌain.

Colosenses 3:11

Judíosma unicama ꞌimainun judíos unicama, ꞌunántioracacë unicama ꞌimainun ꞌunántioracacëma unicama, bëtsi menu ꞌicë unicama ꞌimainun raëcëma unicama, an uni ñu mëëxuncë unicama ꞌimainun an uni ñu mëëxuncëma unicama, a unicamaxbi ca Cristonan ꞌaish bëtsibë sënën ꞌicën. A unicamaxbi ca Cristo abë ꞌain Cristonainshi ꞌicën.

1 Pedro 3:21

Nucën Papa Diosan sinánmicëxa Noé manë nuntinu ꞌiruax ië́asa, usaribiti cananuna nuxribi Nucën Papa Diosmi catamëti ꞌunpaxan nashimicë ꞌaish iëtin. Nun namia chuañuma ꞌinun cananuna nashimicë ꞌitima ꞌain. Usai ꞌíma cananuna —Jesucristo baísquia cupía Nucën Papa Diosan nu upí ꞌimicë ꞌaish cananuna nun ꞌuchacama tërë́nce ꞌaish an iscëx upí ꞌai —quixun sinani nashimicë ꞌain.