1 Corintios 12:12 - Kashibo-Kakataibo Biblia

¹² Ënëx ca ësa ꞌicën. Aín taë, aín mëcën, aín xo, aín pucu, aín bëru, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristo achúshishi ꞌicën.

Nukën 'Ibu Diosan ain unikama 'inan ain bana

¹² Ënëx ca ësa 'icën. Aín taë, aín mëcën, aín xo, aín pucu, aín bëru, aín pabí acamaxa 'itsa 'aínbi ca uni achúshishi 'icën. Usaribiti ca Cristo achúshishi 'icën.

1 Corintios 12:12 ပူးပေါင်းရင်းမြစ်များ

1 Corintios 10:17

ꞌItsa uni ꞌixunbi cananuna camaxunbi a pán piquin, —nux cananuna camáxbi Cristonan ꞌaish achúshisa ꞌai —quixun sinanin.

1 Corintios 12:20

Usa ꞌain ca uni taë, pabí, bëru, acamañu ꞌaíshbi achúshishi ꞌicën.

1 Corintios 12:27

Usa ca ënëx ꞌicën. Aín taë, aín mëcën, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristobë aín unicama achúshishi ꞌicën.

1 Corintios 12:7

Nucën Papa Diosan ca aín unicama achúshi achúshi, anúan aín unicama raíri upiti Jesucristomi sinánun quixun ꞌaquinun ꞌinania. ꞌInáncëxuan aín Bëru Ñunshin Upíñu ꞌixun upí oquin ñu ꞌaia isquin ca unicaman ꞌunánti ꞌicën, Nucën Papa Diosan Bëru Ñunshin Upitan ꞌamicëxun ca ꞌaia quixun.

Gálatas 3:16

Usaribi ca Nucën Papa Diosan Abraham cá bana ꞌicën. An ca Abraham aín rëbúnqui achúshi ñuiquin, a cupí ca camabi menu ꞌicë unicama an iscëx upí ꞌaish cuëënti ꞌicë quixun cacëxa. Usaquian Nucën Papa Diosan Abraham cá bana ax ca “aín rëbúnquicama” ñui quima, “aín rëbúnqui achúshi” ñui quia. Usa ꞌain ca aín rëbúnqui achúshi a ñuia quiá ax Cristo ꞌicën.

Efesios 1:23

Axa ami catamëcë unicamax ca ꞌitsa ꞌaíshbi camáxbi Cristonan ꞌicën. Usa ꞌain ca an abë ꞌixun an sináncësaribi oquian sinánun aín unicama ꞌimia. Ax ca uinubi ꞌaímama ꞌicën. Abë ꞌixun ca Cristonën aín unicama an iscëx aín nuitu upí ꞌixuan ax cuëëncësa oquinshi ꞌanun aín cushi ꞌinania.

Efesios 4:12

Axa ami catamëcë unicaman upí oquin sinánan ax cuëëncësabi oquin ñu upíshi ꞌati ꞌaquinun ca Cristonën aín unicama bëtsi bëtsi ñu ꞌanun ꞌimia.

Efesios 4:4

Jesucristonan ꞌaish ca aín unicama achúshisaishi ꞌicën. An atu ꞌaquincë Nucën Papa Diosan Bëru Ñunshin Upí ax ca achúshishi ꞌicën. Usa áin ca bëtsin ꞌunáncësaribi oquin aín unicaman ꞌunania, Nucën Papa Diosan ca aín nëtënu abë ꞌinun nu caísacëxa quixun.

Efesios 5:23

Cristo ax ca an aín unicama aín ꞌucha tërë́nquin Nucën Papa Diosnan ꞌinun ië́micë a ꞌicën. An ië́micë ꞌixun ca aín unicaman aín bana cuatia.

Efesios 5:30

Nux asérabi ainan ꞌaish ax cuëëncësabi oi ꞌianan ami catamëti abë achúshisa ꞌicë ca usoquin nu bërúanquin ꞌaquinia.

Colosenses 1:18

Cristo axira ca axa ami catamëcë unicaman cushi ꞌaish amiira aín unicama catamëcë ꞌicën. Ësa ca Cristobë aín unicama ꞌicën. Mëcë́nñu, taëñu, xoñu, nuituñuribi ꞌaíshbi ca uni achúshi ꞌicën. Usaribiti cananuna Jesucristonan ꞌaish ꞌaisamaira ꞌaíshbi abë achúshisa ꞌain. Aín unicamaxa usaribiti ꞌiti oi axira pain bamatancëx baísquia ꞌaish ca an unio ñucamabë sënë́nmaira ꞌicën.

Colosenses 1:24

Mitsux ainan ꞌinun ꞌëx tëmëracë cupí cana cuëënin. Usai ꞌi cana Cristonëan camabi uni ainan ꞌinun tëmëra ꞌain, ꞌëxribi camabi menu ꞌicë unicama a ꞌunánti cupí tëmëraíbi cuëëinra cuëënin.

Colosenses 2:19

A unicaman ca ami sináncëma ꞌixun Cristonëan ësaquin aín unicama ꞌimiti a sinanima. An ca aín unicama asaribi upí ꞌinun Nucën Papa Dios cuëëncësabi oquin ꞌimia. Aín mëcën, aín xo, aín imi acamañu ꞌaíshbia uni achúshi ꞌicësaribi oquin ca Cristonën aín unicamaxa ꞌitsa ꞌaíshbi bëtsin sináncësabi oquin sináncë ꞌaish achúshisa ꞌinun ꞌimia.

Colosenses 3:15

Usa ꞌaíshmi ꞌitsa ꞌaíshbi achúshisaishi ꞌaish chuámashirua ꞌinun ca Nucën Papa Diosan mitsu ainan ꞌimiacëxa. Usa ꞌinúan an mitsu ꞌimicëx camina usai ꞌiti ꞌain. Usai ꞌiquin camina cuëënquin a —asábi ca —quixun cati ꞌain.