1 Corintios 12:11 - Kashibo-Kakataibo Biblia

¹¹ Usaquin ꞌaquin ca aín Bëru Ñunshin Upí ax achúshi ꞌixunbi, Nucën Papa Diosan unicama bëtsi bëtsi ñua ꞌanun ꞌimia, ax cuëëncësabi oquin.

Nukën 'Ibu Diosan ain unikama 'inan ain bana

¹¹ Usaquin 'aquin ca aín Bëru Ñunshin Upí ax achúshi 'ixunbi, Nucën Papa Diosan unicama bëtsi bëtsi ñua 'anun 'imia, ax cuëëncësabi oquin.

1 Corintios 12:11 ပူးပေါင်းရင်းမြစ်များ

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Mateo 20:15

¿ꞌËn curíquinëxa ꞌënanbi ꞌain carana ꞌëx cuëëncësabi oquin an ꞌë ñu mëëxuncë unicama cupíotima ꞌain? ¿ꞌËn uni itsi curíqui ꞌináncëbëtan caramina nutsiquin masáquin sinanin?

Juan 3:27

Cacëxun ca Juanën cacëxa: —Uinu ꞌicë unínbi ca Nucën Papa Diosan ꞌimicëxunma usa ñu ꞌatima ꞌicën.

Juan 3:8

Uinuax cara suñu bëëqui banaquiania camina cuatin, ꞌixunbi camina isima, uinuax cara a suñu aia, uinu cara cuania quixun. An ñu shaícaianu suñu iscëma usaribi oquin cananuna Nucën Papa Diosan Bëru Ñunshin Upitan uni bacëntëcënmia isiman.

Juan 5:21

ꞌËn Papan ca uni bama abi baísquimitancëxun axa tsónun ꞌimiti ꞌicën. Usaribiquin cana ꞌëx aín Bëchicë ꞌixun ꞌimitisa tanquin ꞌënribi tsónun uni ꞌimiti ꞌain.

Romanos 12:6

Nucën Papa Diosan nu bëtsi bëtsi ñu ꞌanun caíscë ꞌixun cananuna an ꞌimicësabi oquin upí oquin ꞌati ꞌain, usoquin nun ꞌati ca Nucën Papa Dios cuëënia quixun ꞌunánquin. An aín bana ñuixunun caíscë ꞌixun cananuna an sinánmicësabi oquin aín bana unicama upí oquin ñuixunti ꞌain.

Romanos 9:18

Nucën Papa Diosan ca aín cuëëncësabi oquin uni raíri nuibaquin ainan ꞌinun ꞌimia. ꞌImianan ca uni raíri axa ꞌaisama ꞌicë usabia ꞌinun ꞌimia.

1 Corintios 12:18

Usa ꞌain ca Nucën Papa Diosan an sináncësabi oquin pabí, bëru, taë, quisi, pucu acamañua ꞌitánun uni uniocëxa.

1 Corintios 12:4

Nucën Papa Diosan ca atúan bëtsi bëtsi ñu ꞌanun quixun aín unicama sinánmiquin usaquian ꞌanun aín cushi ꞌinania. Achúshi ꞌixunbia aín Bëru Ñunshin Upitan ꞌimicëxun ca axa Jesúsmi catamëcë unicaman bëtsi bëtsi ñu ꞌaia.

1 Corintios 12:6

Usa ꞌain ca atúan ñu ꞌanun aín unicama bëtsi bëtsi sinan ꞌinanibi Nucën Papa Dios ax achúshi ꞌicën.

1 Corintios 7:17

Nucën ꞌIbu Dios cuëëncësabi oi camina a nëtë́an an mitsu ainan ꞌimicë, usaíbi ꞌiti ꞌain. Usoquin cana camabi ëmanu ꞌicë axa Jesucristomi catamëcë unicama cain.

1 Corintios 7:7

ꞌËn sináncëx ca camabi uni ꞌësaribi xanuñuma ꞌiti asábi ꞌicën. Usa ꞌaínbi ca Nucën Papa Diosan achúshi achúshi uni, xanuribi, uisai cara ꞌiti ꞌicë quixun mëníoia.

2 Corintios 10:13

Atux ca atun sináncësabi oi ꞌia. Usa ꞌaínbi cananuna nun Nucën Papa Diosan nu mëníoxuncësabi oquinshi ꞌain. An mëníoxuncësabi oquin cananuna mitsuribi aín bana ñuixuan.

Efesios 1:11

Nux Cristonan cupí aín uni raíri ꞌacësaribi oquin nu axa cuëëncësabi oi ꞌianan aín nëtënu abë ꞌiti nu ꞌiminuxun ca Nucën Papa Diosan ainan ꞌinun nu caísacëxa. Usai nux ꞌinun ca Nucën Papa Diosan camabi ñu ax cuëëncësabi oquin ꞌaquin mëníocëxa.

Efesios 4:7

Usa ꞌain ca axa ami catamëcë unicama bëtsin sináncësaribi oquin sináncë ꞌicëbi ax cuëëncësa oquian bëtsi bëtsi ñu mëëti ꞌanun Cristonën nu ꞌimiaxa.

Hebreos 2:4

A unicama ca Nucën Papa Diosan uni itsin ꞌacëma ñu ꞌanun ꞌamiacëxa, an aín bana ñuixunia cuacë unicaman, asérabi ca aín bana ꞌicë quixun ꞌunánun. ꞌImianan ca atu bëtsi bëtsi ñua ꞌanun aín Bëru Ñunshin Upí ꞌináncëxa, ax cuëëncësabi oquin.

Santiago 1:18

An ca unían aín bana ñuixuncëxun cuatínu ainan ꞌinun nu ꞌimiaxa, nux pain ꞌicë cupía raíri uníxribi Jesucristomi catamëcë ꞌaish camabi ñu an uniosamaira ꞌinun.