1 Corintios 12:1 - Kashibo-Kakataibo Biblia

¹ ꞌËn xucë́antu, mitsúnmi ꞌunánun cana ësaquin mitsu cain, axa Jesucristomi catamëcë unicaman ca aín Bëru Ñunshin Upitan ꞌamicësabi oquin bëtsi bëtsi ñu ꞌati ꞌicën.

Nukën 'Ibu Diosan ain unikama 'inan ain bana

¹ 'Ën xucë́antu, mitsúnmi 'unánun cana ësaquin mitsu cain, axa Jesucristomi catamëcë unicaman ca aín Bëru Ñunshin Upitan 'amicësabi oquin bëtsi bëtsi ñu 'ati 'icën.

1 Corintios 12:1 ပူးပေါင်းရင်းမြစ်များ

Romanos 1:13

ꞌËn xucë́antu, cuainsa taníbi cana cuancëma ꞌain. ꞌItsai cana mitsu isi cuainsa tan quixunmi ꞌunánti cana cuëënin. Mitsúxmi Jesucristomi catamënun, bëtsi menu ꞌicë unicama ꞌaquincësaribi oquin mitsu ꞌaquini cuainsa cana tan.

1 Corintios 10:1

ꞌËn xucë́antu, ënëmi mitsun ꞌunánun cana mitsu cain: —Nucën raracamaxa Egiptonuax cuania ca Egiptonu ꞌicë suntárucaman ꞌatin rabanan Nucën Papa Diosan nëtë cuin bëararamiacëxa. Usaquiani ca Nucën Papa Diosan parúnpapa tëárabëoquin aín nëbë́tsi ësquimiquin me racáncëbë anun ꞌucë manan sicaracëacëxa.

1 Corintios 14:37

Micama an Nucën Papa Diosan sinánmicëxun uni bana ñuixuncë ꞌimainun a aín Bëru Ñunshin Upitan sinánmicë unicama, mitsun camina ꞌunánti ꞌain, ꞌën mitsu cuënëoxuncë banacama, ënëx ca an ꞌë sinánmicëxun ꞌacë ꞌicë quixun.

2 Corintios 1:8

ꞌËn xucë́antu, mitsúnmi ꞌunánun cana mitsu cain, Asia menuxun ꞌaisamaira oquin tëmëraquin cananuna sinan, cananuna tënëtima ꞌai quixun. Usa ꞌain cananuna bamati sinan.

Efesios 4:11

An ca ax cuëëncësa oquían bëtsi bëtsi ñu ꞌanun aín unicama ꞌimia. Bëtsi bëtsi unix ca aín bana ñuixunuan ꞌimicë ꞌicën. Raírinën ca Nucën Papa Dios quicë bana unicama ñuixunia. Raírinën ca axa Jesucristomi catamëcëma unicama amia catamënun upí oquin ꞌaquinia. Raírinën ca axa ami catamëcë unicama upiti Jesucristo cuëëncësabi oi ínun áquinia. Raírinën ca uisai cara Nucën Papa Diosan bana cuënëocama quia quixun uni ꞌunánmia.

1 Tesalonicenses 4:13

Nucën xucë́antu, bamacë unicamax cara uisai ꞌiti ꞌicë quixun ꞌunáncëma mitsux ꞌiti cananuna cuëëniman, an ënë ñu ꞌunáncëma unicamaxa aín aintsi bamacëbë ꞌicësaribitími mitsux ꞌaisamaira masá nuitutima cupí.

2 Pedro 3:8

ꞌËn nuibacë xucë́antu, camina manuquinma ësaquin sinánti ꞌain, Nucën ꞌIbu Diosan, an nëtë́timoi tsócë ꞌixun, tancëx ca nun nu tancë achúshi nëtëx mil barisa ꞌicën. Usaribiti ca nun nu mil barisa tancë ax Nucën Papa Diosan tancëx achúshi nëtësa ꞌicën.