1 Corintios 11:32 - Kashibo-Kakataibo Biblia

³² Usa ꞌaínbi ca asérabi ami sinánquinmabi usoquin a ñu ꞌaia, Nucën Papa Diosan nu ꞌuchoquin, axa ami sináncëma unicamabënu nuxribi ꞌuchocë ꞌitin rabanan, usoquin ꞌatëcëníma ꞌinuxun ꞌunánun, uisai caranuna ꞌi usaínu ꞌinun nu castícania.

Nukën 'Ibu Diosan ain unikama 'inan ain bana

³² Usa 'aínbi ca asérabi ami sinánquinmabi usoquin a ñu 'aia, Nucën Papa Diosan nu 'uchoquin, axa ami sináncëma unicamabënu nuxribi 'uchocë 'itin rabanan, usoquin 'atëcëníma 'inuxun 'unánun, uisai caranuna 'i usaínu 'inun nu castícania.

1 Corintios 11:32 ပူးပေါင်းရင်းမြစ်များ

2 Samuel 7:14

ꞌËx aín papasa ꞌimainun ka, ax ꞌën bakë bëchikësa ꞌiti ꞌikën, ꞌën kana ñu ꞌatima ꞌaia i pëñan bixun anun rishkikin, tëmëramiti ꞌain. Kamabi unían aín bakë bëchikë ꞌatima ñu ꞌaia ꞌakësaribi okin,

Salmos 118:18

Diosan ka ꞌaisamaira tëmëratanun ꞌë ꞌimiaxa, usokin ꞌakinbi ka ñutanun ꞌë ënkëma ꞌikën.

Isaías 1:5

Mitsux kamina uisaxun ñu ꞌatima ꞌati kara kixun sinani kushi kananin, usa ꞌain ka mitsun nami anu ꞌatima oti ꞌaíma ꞌikën. Usa ꞌain ka aín maxkánuribi ankëti chankukë ꞌaish, an ꞌimikëx kushiñuma ꞌikën.

Jeremías 7:28

Ënë kamina: Aín ꞌIbu Diosan kakëxunbi kuaisama tanan, uisakinbi kati kuëënkëma ꞌianan, uínbi uisokinbi kaisama unibu akama kati ꞌain. Mitsun kamina ax kikësoibi ꞌiti bana a ꞌimainun achúshi ñu mitsubëtan Diosan ꞌa ꞌikëbi ami manúkin a rakan irakan.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

Romanos 5:16

Achúshi uníxa ꞌucha cupí ca camabi uni Nucën Papa Diosbë ꞌitimoi bamati ꞌiacëxa. Usa ꞌaínbi ca Nucën Papa Diosan atun ꞌuchacama ꞌitsaira ꞌicëbi acama tërë́nquin nëtë́timoi abë ꞌinun uni ië́mia, cupí ñucáquinmabi. Adanëxa ꞌuchatancëx bama ꞌaían camabi uni usaribiti ꞌucha ꞌaínbi ca Cristo cupíira, atun ꞌuchacama tërë́ncë ꞌaish, abë upí ꞌinun Nucën Papa Diosan uni ië́mia.

1 Corintios 1:20

Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

1 Corintios 1:21

Nucën Papa Diosan upí oquin sinánquin mëníosabi oi ca uni anbi aín sinanënbi sinani Nucën Papa Diosnan ꞌitima ꞌicën. Usa ꞌaínbi ca aín bana cuati ami catamëcë unicama ainan ꞌinun ꞌimia, raírinëxa —a bana ca ñancáishi ꞌicë —quicëbëtanbi.

1 Corintios 11:30

Usai ꞌuchacë cupí camina Nucën Papa Diosan ꞌimicëx raíri cushima ꞌianan ꞌinsínñu ꞌain. Usa ꞌaish ca raíriribi bamaxa.

1 Corintios 11:31

Usa ꞌaínbi ca nun ꞌuchacama mëníocë ꞌixun —asérabi ca Jesucristo cupí Nucën Papa Diosan iscëx ꞌën nuitu upí ꞌicë —quixun sinánquinu pán ꞌimainun bimi baca ꞌaia, Nucën Papa Diosan nu ꞌuchotima ꞌicën.

1 Corintios 11:33

ꞌËn xucë́antu, Jesucristo sinánquin pán ꞌimainun bimi baca ꞌanux timëti camina pinux caínanpanti ꞌain.

Deuteronomio 8:5

Mitsun kamina ꞌunánti ꞌain Diosan ka mitsu ꞌunámikin unían aín bëchikë ñu ꞌatima ꞌaia ꞌunámikin ꞌakësa usaribi okin mitsu ꞌunánmisa tanxa.

1 Timoteo 1:20

Usai ca Himeneo ꞌimainun Alejandro ꞌiaxa. A uni rabë́ cana Nucën Papa Dios ñui ꞌatimati banatëcënunma ñunshin ꞌatimanën ꞌapu Satanasnëan tëmëraminun ëan.

1 Juan 5:19

Cananuna ꞌunanin, nuxnu Nucën Papa Diosnan ꞌaínbi ca camabi menu ꞌicë unicamax ainanma ꞌaish ñunshin ꞌatimanën ꞌapunan ꞌicë quixun.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.