1 Corintios 11:30 - Kashibo-Kakataibo Biblia

³⁰ Usai ꞌuchacë cupí camina Nucën Papa Diosan ꞌimicëx raíri cushima ꞌianan ꞌinsínñu ꞌain. Usa ꞌaish ca raíriribi bamaxa.

Nukën 'Ibu Diosan ain unikama 'inan ain bana

³⁰ Usai 'uchacë cupí camina Nucën Papa Diosan 'imicëx raíri cushima 'ianan 'insínñu 'ain. Usa 'aish ca raíriribi bamaxa.

1 Corintios 11:30 ပူးပေါင်းရင်းမြစ်များ

Éxodo 15:26

ꞌInánkin ka kakëxa: ꞌËx mitsun Dios ꞌixun kana ësokin mitsun kain, ꞌën kuëënkësa okin ꞌanan, ꞌën mi kakë ënë bana tankin ax kikësabiokin ꞌakëbëtan kana, uisa ñubi an mikama ꞌatima onun egipcio unikamanu xukësokin xutima ꞌain, ꞌëx kana Nukën ꞌIbu an mitsu uisaibi ꞌitima okin bërúankë a ꞌimainun, uinu kaina kuani anuabi mitsu ꞌën uni ꞌikë bërúanti a ꞌain.

Amós 3:2

“ꞌËn kana kamabi menu ꞌikë unikama ꞌakima mitsuishi kaisakën. Usa ꞌikë kana uisa ñu ꞌatimakama kaina ꞌakan usakinbi a kupín mitsu tëmëramiti ꞌain.”

Números 20:12

ꞌAínbi ka Nukën ꞌIbun Moisés këñun Aarón kakëxa: —Mi rabëtan kamina ꞌën kakësabiokin Israel unikaman ismainun ꞌakëma ꞌain usa ꞌain kamina ënë unikamabëbi a me ꞌën mitsu ꞌinánti anu bëbantima ꞌain.

Números 20:24

Aarón ka ñuti ꞌurama ꞌikën, usa ꞌaish ka ꞌën israel unikama ꞌinánti me anu bëbatima ꞌikën, anua ꞌumpax Meribá kakë anuxun kamina ꞌën kakësokin mitsun ꞌakëma ꞌain.

Hechos 13:36

Usaquian Davidnën cuënëo ꞌaínbi cananuna ꞌunanin, Nucën Papa Dios cuëëncësabi oquin ꞌapu ꞌixun aín menu ꞌicë unicama ꞌaquintancëx ca David bamacëxa. Bamacë ca anu aín aintsi maían anuribi maíncancëxa. Maíncëx ca chëquiacëxa.

Hechos 7:60

Catancëx rantin purúnxun ca munuma banaquin Nucën ꞌIbu Jesús catëcëancëxa: —Atúxa ësari ꞌuchaiabi camina ꞌënun rabanan uisabi otima ꞌain. Ësai quíshi ca bamacëxa.

1 Corintios 11:29

Nucën ꞌIbu Jesucristo ca nun ꞌuchacama cupí bamacëxa quixun sinánquinmabi usoquin pán ꞌimainun bimi baca ꞌai ꞌuchacë cupí camina castícancë ꞌiti ꞌain.

1 Corintios 11:31

Usa ꞌaínbi ca nun ꞌuchacama mëníocë ꞌixun —asérabi ca Jesucristo cupí Nucën Papa Diosan iscëx ꞌën nuitu upí ꞌicë —quixun sinánquinu pán ꞌimainun bimi baca ꞌaia, Nucën Papa Diosan nu ꞌuchotima ꞌicën.

1 Corintios 11:32

Usa ꞌaínbi ca asérabi ami sinánquinmabi usoquin a ñu ꞌaia, Nucën Papa Diosan nu ꞌuchoquin, axa ami sináncëma unicamabënu nuxribi ꞌuchocë ꞌitin rabanan, usoquin ꞌatëcëníma ꞌinuxun ꞌunánun, uisai caranuna ꞌi usaínu ꞌinun nu castícania.

1 Corintios 15:51

Unin ꞌunánma ñu cana mitsúnmi ꞌunánun quixun ësaquin ñuin, camáxira cananuna bamatima ꞌain. Bamacëma ꞌaíshbi cananuna camáxbi bëtsi ꞌiti ꞌain.

1 Tesalonicenses 4:14

Jesús ax ca bamatancëx baísquiacëxa quixun ꞌunáncë ꞌixun cananuna, a ꞌimiasaribi oquin ca axa ami catamëcë ꞌaish bama unicama Jesucristo utëcëncëbëtan Nucën Papa Diosan baísquimiti ꞌicë quixun ꞌunanin.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.