1 Corintios 11:3 - Kashibo-Kakataibo Biblia

³ Ënë banaribi cana mitsúnmi ꞌunánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati ꞌicën. Usaribi oquin ca camabi xanun aín bënën bana cuati ꞌicën.

Nukën 'Ibu Diosan ain unikama 'inan ain bana

³ Ënë banaribi cana mitsúnmi 'unánun ësaquin mitsu cain, Cristonën aín Papan bana cuacësaribi oquin ca camabi unin Cristonën bana cuati 'icën. Usaribi oquin ca camabi xanun aín bënën bana cuati 'icën.

1 Corintios 11:3 ပူးပေါင်းရင်းမြစ်များ

Génesis 3:16

Usakin runu katankëxun ka Nukën ꞌIbu Diosan xanuribi kakëxa: —ꞌËn kana min tuia chaiira paë tanimi bakënun ꞌimiti ꞌain, paën kamina bakënuxun ꞌain. ꞌAínbi kamina usai ꞌibi min bënëbë ꞌinuxun ꞌain, ꞌianan kamina, an kakësabiokin ꞌati ꞌain.

Isaías 52:13

ꞌËn uni akana an ꞌakë ñukamax ka upí ꞌiakëxa, ꞌikëbëtan ka axa aín kushiira ꞌi manámi ꞌinun ꞌimiti ꞌikën.

Isaías 55:4

Mitsun kamina ꞌunánti ꞌain ꞌën kana, bëtsi bëtsi menu kuankian aín ꞌapu ꞌixun ñu ꞌunánmikin ꞌën ꞌunánmikë banakama ñuixunun xuakën.

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Juan 14:28

ꞌËn mitsu, cana cuanin, cuantancëxbi cana mitsubë ꞌinux utëcëni cuani quixun cacëxun camina camaxunbi cuacan. Asérabi ꞌëmi sináncë ꞌaish camina mitsux, ꞌësamaira ꞌën Papa anu cana cuani quixun ꞌën cacëx cuëëntsian.

1 Corintios 3:23

ꞌIanan camina Cristonan ꞌain. Cristo ax ca Nucën Papa Diosnan ꞌicën.

Efesios 4:15

Nuxnu ainan ꞌaían aín unicaman ꞌIbu, Cristo, ax nubë ꞌain cananuna nëtë camabi an nu ꞌunánmicësabi oquin ꞌai, aín sinánsaribi ꞌiti ꞌain. Usa ꞌaish cananuna bëtsibë bëtsibë nuibananquin, cëmëquin uni itsi paranima, Cristo cuëëncësabi oíshi ꞌiti ꞌain.

Colosenses 1:18

Cristo axira ca axa ami catamëcë unicaman cushi ꞌaish amiira aín unicama catamëcë ꞌicën. Ësa ca Cristobë aín unicama ꞌicën. Mëcë́nñu, taëñu, xoñu, nuituñuribi ꞌaíshbi ca uni achúshi ꞌicën. Usaribiti cananuna Jesucristonan ꞌaish ꞌaisamaira ꞌaíshbi abë achúshisa ꞌain. Aín unicamaxa usaribiti ꞌiti oi axira pain bamatancëx baísquia ꞌaish ca an unio ñucamabë sënë́nmaira ꞌicën.

Colosenses 2:10

Ax cushiira ꞌixuan an ꞌimicëxma ca ángelcama ꞌimainun ñunshíncamaribi ꞌimainun uisa ñun cushi cara, acamaxbi ñancáishi ꞌiti ꞌicën. Usa ꞌain ca Cristobëmi achúshisa ꞌain, aín cushi anúnmi Nucën Papa Dios cuëëncësabi oquin ꞌati ax mitsubë ꞌicën.

Colosenses 2:19

A unicaman ca ami sináncëma ꞌixun Cristonëan ësaquin aín unicama ꞌimiti a sinanima. An ca aín unicama asaribi upí ꞌinun Nucën Papa Dios cuëëncësabi oquin ꞌimia. Aín mëcën, aín xo, aín imi acamañu ꞌaíshbia uni achúshi ꞌicësaribi oquin ca Cristonën aín unicamaxa ꞌitsa ꞌaíshbi bëtsin sináncësabi oquin sináncë ꞌaish achúshisa ꞌinun ꞌimia.

Colosenses 3:18

Asérabia ax Nucën ꞌIbu Jesucristomi sináncë xanux ca aín bënë́an cacëxun cuati ꞌatimaquin sinanima abë upíshi ꞌiti ꞌicën. Bënëñu xanucama, mitsux camina usai ꞌiti ꞌain.

1 Pedro 3:1

Xanucama, mitsuribi cana cain, min bënë́an cacëxun cuaquin ꞌatimaquin sinanima camina abë upí ꞌiti ꞌain. Usaími mitsux ꞌicëbë ca min bënë, Cristo ñui quicë bana cuaisama tancë ꞌaíshbi, min cacëxmabi upitax ꞌia isi sinanati ꞌicën,