1 Corintios 11:25 - Kashibo-Kakataibo Biblia

²⁵ Usaribi oquin ca pitancëx sënë́nxun xanpanu ꞌicë uvas baca biquin cacëxa: “ꞌËx ꞌën imi ꞌapati bamati cupí ca mitsúxmi ainan ꞌiti ꞌën Papa Diosan mëníocëxa. Ënë sinánquin camina ësoquin bimi baca ꞌaquin ꞌë sinánquin ꞌati ꞌain”.

Nukën 'Ibu Diosan ain unikama 'inan ain bana

²⁵ Usaribi oquin ca pitancëx sënë́nxun xanpanu 'icë uvas baca biquin cacëxa: “'Ëx 'ën imi 'apati bamati cupí ca mitsúxmi ainan 'iti 'ën Papa Diosan mëníocëxa. Ënë sinánquin camina ësoquin bimi baca 'aquin 'ë sinánquin 'ati 'ain”.

1 Corintios 11:25 ပူးပေါင်းရင်းမြစ်များ

Éxodo 24:6

ꞌAmikëxuan rëtia ka xampami Moisésnën aín imi ꞌitsamashi bitankëxun chukúmashi xampa itsimi manitankëxun, anun anuxun ñuina xaroti ꞌakë a anskakëxa.

Éxodo 24:8

Usakin katankëxun xampa itsinu ꞌikë imi a bitankëxun unikamami okin anskai ka Moisés kiakëxa: —Ënë imi mitsumi anskakë ënëx ka Nukën ꞌIbun achúshi ñu mitsubëtan mëníokë ax ka asérabi ꞌiti ꞌikë kixun ꞌakë ꞌikën, usa ꞌain kamina ënë bana kikësabiokin ꞌai aín uni ꞌiti ꞌain.

Jeremías 31:31

Nukën ꞌIbu ka ësai asérabi kiakëxa: “Ka kuat, kamina kuakanti ꞌain achúshi nëtë ka anun Israel unikama ꞌimainun Judánu ꞌikë unikamabëtan achúshi ñu ió okin ꞌatëkënti ꞌiti ꞌikën.”

Lucas 22:20

Cacëxun piti piia sënënia ca Jesusan manë xanpa anu ꞌicë uvas baca biquin catëcëancëxa: —Ënë uvas baca ënëx ca ꞌën imi ꞌapati, ꞌëx bamacë cupía mitsun ꞌuchacama tërë́ncë ꞌaish ainan ꞌinun Nucën Papa Diosan mëníocë, a ꞌicën.

1 Corintios 10:16

Timë́xun cananuna, Jesucristo ca nun ꞌucha cupí aín imi ꞌapati i curúsocënuax bamacëxa quixun sinánquin —asábi ca —quixun Nucën Papa Dios cain. Catancëxun cananuna manë xanpanua bimi baca xëaquin —Cristo aín imi ꞌapati bama cupí cananuna nun ꞌucha tërë́ncë ꞌai —quixun sinanin. Pánribi tëaxun tucatancëx mëtícanantancëxun piquin cananuna camaxunbi —Cristo ca nun ꞌucha cupí i curúsocënuax bamacëxa —quixun sinanin.

1 Corintios 11:24

Bitancëxun ca aín Papa —asábi ca —catancëxun tëcë́npaxun mëtícaquin cacëxa: “Ënë ca pit. Mitsúnmi piti pán ënëx ca ꞌë ꞌicën, axa minun rabanan bamati a. Ësoquin piquin camina ꞌë sinánquin ꞌati ꞌain”.

2 Corintios 3:14

Israel unibunën ca uisashi oquin cara Nucën Papa Diosan atu upí ꞌimitisa tancëxunbi ꞌunánma ꞌicën. Usa ꞌaish ca bëmápucucësa ꞌiacëxa. Bërí nëtë́nribi ca a bana isquinbi cuatima. Cristomi catamëquin cuni ca unin, uisashi oquin cara Nucën Papa Diosan Moisés ꞌinan bana quicësabi oi ꞌinun aín unicama ꞌimiti ꞌicë quixun ꞌunánti ꞌicën.

2 Corintios 3:6

Moisésnën usaía judíos unicama ꞌiti ñuiquin cuënëo bana ca quia, a bana quicësabi oi ꞌicëma ꞌaish ca uni Nucën Papa Diosbë ꞌitimoi bamati ꞌicën. Usa ꞌaínbi ca a banama bana ió, a ñuixunun Nucën Papa Diosan nu ꞌimiaxa. A banax ca quia, aín Bëru Ñunshin Upitan ꞌimicëx ca uni ainan ꞌaish xënibua ꞌaínbi Nucën Papa Diosbë upí ꞌiti ꞌicën.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,