1 Corintios 11:23 - Kashibo-Kakataibo Biblia

²³ Nucën ꞌIbu Jesusan ꞌë cacë bana ñuiquin cana ësaquin mitsu can, anúan uni itsin ꞌanun quixun unin a ꞌinánti, a ñantan ca Nucën ꞌIbu Jesusan pán biacëxa.

Nukën 'Ibu Diosan ain unikama 'inan ain bana

²³ Nucën 'Ibu Jesusan 'ë cacë bana ñuiquin cana ësaquin mitsu can, anúan uni itsin 'anun quixun unin a 'inánti, a ñantan ca Nucën 'Ibu Jesusan pán biacëxa.

1 Corintios 11:23 ပူးပေါင်းရင်းမြစ်များ

Mateo 26:17

Anun chamiti ñucëñunma ꞌacë pán anun piti nëtëa ꞌain ca aín ꞌunánmicë unicaman anu cuanxun Jesús ñucáquin cacëxa: —¿Uinuxuinra nun Pascua nëtën a piti ñu mi mëníoxunti caramina cuëënin?

Mateo 26:2

—Camina ꞌunanin, rabë́ nëtë ꞌicëbë ca Pascua anun carnero ꞌati nëtë ꞌiti ꞌicën. A nëtën ca unían binun uni itsin ꞌë ꞌinánti ꞌicën. ꞌInáncëxun ca i curúsocënu bamanun ꞌë matásti ꞌicën. Usaquin ca Jesusan aín ꞌunánmicë unicama cacëxa.

Mateo 26:34

Quia ca Jesusan cacëxa: —Asérabi cana mi cain, mix camina usai quin, ꞌixunbi camina ënë ñantan ꞌatapa banatisama ꞌain, min isamina ꞌë ꞌunáncëma ꞌain quixun rabë́ ꞌimainun achúshi oquin uni paránti ꞌain.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Lucas 22:17

Catancëxun ca anu uvas baca ꞌarucë manë xanpa biquin, Nucën Papa Dios pain —asábi ca —catancëxun, aín ꞌunánmicë unicama ꞌinánquin cacëxa: —ꞌËn cana mitsu cain, ësaquin cana uvas baca ënuxun ꞌatëcëniman. Axa ꞌApu ꞌaían Nucën Papa Diosan nëtënu aín unicamax abë ꞌicëbëtan cuni cana ꞌatëcënti ꞌain. Usa ꞌain camina ënë biquin camaxunbi ꞌati ꞌain.

Hechos 20:7

Anu ꞌaish cananuna domingo nëtën axa Jesucristomi catamëcë unicamabë pán tucapaxun pi timë́acën. Timë́an ca Pablonën, imëishinu cuanti ꞌain, ñantónpaquin ꞌuran bana ñuixuancëxa. Usoquin ca imë́ naëx ꞌitámainun ꞌacëxa.

1 Corintios 10:16

Timë́xun cananuna, Jesucristo ca nun ꞌucha cupí aín imi ꞌapati i curúsocënuax bamacëxa quixun sinánquin —asábi ca —quixun Nucën Papa Dios cain. Catancëxun cananuna manë xanpanua bimi baca xëaquin —Cristo aín imi ꞌapati bama cupí cananuna nun ꞌucha tërë́ncë ꞌai —quixun sinanin. Pánribi tëaxun tucatancëx mëtícanantancëxun piquin cananuna camaxunbi —Cristo ca nun ꞌucha cupí i curúsocënuax bamacëxa —quixun sinanin.

1 Corintios 15:3

Jesusan aín bana ñuixunun caíscë unicaman ꞌë unánmicë bana, a paínmi ꞌunánun quixun cana ësaquin mitsu cacën: Nun ñu ꞌaisama ꞌacë nu tërë́nxunux ca Cristo bamacëxa. Usai ca ꞌiti ꞌicë quiax ca Nucën Papa Diosan bana cuënëo quia.

Gálatas 1:1

ꞌËx cana Pablo ꞌain. Unin ca Jesucristo ñuiquin uni bana ñuixunun ꞌë caísama ꞌicën. Nucën Papa Dios, an a bamacë ꞌicëbi baísquimicë, abëtan ca Jesucristonën aín bana ñuixunun ꞌë caísacëxa.

Deuteronomio 4:5

ꞌËn kana mitsu usai ꞌiti ꞌimainun ax kikësai ꞌiti bana Diosan mitsu kanun ꞌë kakë banakama a ñuixuan, usa ꞌain kamina a menu tsóxun ax kikësokinbi ꞌakánti ꞌain.

Colosenses 3:24

Usaquin ñu ꞌaquin camina ꞌunanin, ax Nucën ꞌIbu ꞌixun ca Cristonën mitsun a ñu mëëxuncë cupí, cuëënmiquin aín nëtënu abë xënibua ꞌaínbi tsónun mitsu biti ꞌicë quixun.

1 Tesalonicenses 4:2

Nucën ꞌIbu Jesusan cacësabi oquin nun mitsu cacë bana camina mitsun ꞌunanin.