1 Corintios 11:20 - Kashibo-Kakataibo Biblia20 Camáxbi timë́xun nuibananquinma piquin camina asérabi Nucën ꞌIbu Jesucristo sinánquin ꞌaiman. အခန်းကိုကြည့်ပါ။Nukën 'Ibu Diosan ain unikama 'inan ain bana20 Camáxbi timë́xun nuibananquinma piquin camina asérabi Nucën 'Ibu Jesucristo sinánquin 'aiman. အခန်းကိုကြည့်ပါ။ |
Ësaquian mitsu ñuicania cana cuan, mitsux isamina Jesucristo sinánquin pán pianan bimi baca ꞌanux timë́axbi camáxbi nuibananima bëtsibë bëtsibë nishananin. Usaquin ñuicania cuaquin cana sinan, usai sapi camina ꞌicani quixun. Usa ꞌaish camina ñancábi timë́canin. Timë́axbi camina anuaxira nishanancanin. Usaquin Jesucristo sinánquin pán pianan bimi baca xëaibi camina asérabi ami sinánquinmi ꞌacëma cupí ꞌuchain. Usoquinmi ñu ꞌaia cana mitsu, upí oquin camina ꞌai quixun caiman.
An bëtsi uni tëmëramicë cupí ca usaribiti tëmërai bamati ꞌicën. Atun ca —camabi nëtën nun cuëëncë ñu ꞌai cananuna cuëëinshiti ꞌai —quixun sinania. ꞌAisama ñu ꞌatishi sináncë ꞌaish ca usai ꞌi cuëënia. Mitsux Nucën Papa Dios rabinux timë́cë ꞌain, mitsubëtan pibi ca atux ñu ꞌatima ꞌai cuëënia. Ax ca ꞌaisama ꞌicën. Usa ꞌaish ca a unicamax axa Jesucristomi sináncë unisama ꞌicën.
Mitsúxmi Jesucristomi sinánquin pi timë́cë ꞌain atúxribi mitsubë timë́cë ꞌaíshbi ca asérabi mitsúxmi ꞌicësaribiti ꞌima. Usa ꞌaish ca atun cuëëncësabi oquinshi pi rabinima sharati, uni raírimi sinanima. Uni raíri ꞌaquincëma ꞌaish ca ꞌuí ꞌibúnux nëtë bënamëtiabi suñun bëcacëx nëtë́cësa usaribi ꞌicën. ꞌIanan ca anun bimiti nëtëa ucëbëbia i bimicëma usaribi ꞌicën. Bëucutia i aín tapun ëchiquicë, usaribi ca atux ꞌicën.