1 Corintios 11:17 - Kashibo-Kakataibo Biblia

^17-18 Ësaquian mitsu ñuicania cana cuan, mitsux isamina Jesucristo sinánquin pán pianan bimi baca ꞌanux timë́axbi camáxbi nuibananima bëtsibë bëtsibë nishananin. Usaquin ñuicania cuaquin cana sinan, usai sapi camina ꞌicani quixun. Usa ꞌaish camina ñancábi timë́canin. Timë́axbi camina anuaxira nishanancanin. Usaquin Jesucristo sinánquin pán pianan bimi baca xëaibi camina asérabi ami sinánquinmi ꞌacëma cupí ꞌuchain. Usoquinmi ñu ꞌaia cana mitsu, upí oquin camina ꞌai quixun caiman.

Nukën 'Ibu Diosan ain unikama 'inan ain bana

^17-18 Ësaquian mitsu ñuicania cana cuan, mitsux isamina Jesucristo sinánquin pán pianan bimi baca 'anux timë́axbi camáxbi nuibananima bëtsibë bëtsibë nishananin. Usaquin ñuicania cuaquin cana sinan, usai sapi camina 'icani quixun. Usa 'aish camina ñancábi timë́canin. Timë́axbi camina anuaxira nishanancanin. Usaquin Jesucristo sinánquin pán pianan bimi baca xëaibi camina asérabi ami sinánquinmi 'acëma cupí 'uchain. Usoquinmi ñu 'aia cana mitsu, upí oquin camina 'ai quixun caiman.

1 Corintios 11:17 ပူးပေါင်းရင်းမြစ်များ

Proverbios 27:5

Ñu ꞌatima ꞌaia kashikin bëtsi kati ax ka asábi ꞌikën, usa ꞌain ka kakinma unë́xun nuibakë usamaira ax ꞌikën.

Levítico 19:17

Mix abë ꞌikë unimi ꞌatimakin sinani kamina ami nishtima ꞌain. Min ꞌunánkë unían ꞌatima ñu ꞌaisatania ꞌunánkin kamina ꞌaxunma ꞌanun kati ꞌain. Usakin ñu ꞌaia iskinbi min ꞌunánkë uni kakëma ꞌaish kamina abëbi ꞌuchakë ꞌiti ꞌain.

Romanos 13:3

An ñu upí ꞌacë uni ax ca aín ꞌapumi racuëtíma. An ñu ꞌatima ꞌacë uni ax cuni ca aín ꞌapumi racuëtia, ꞌë cara uisoti ꞌicë quixun sinani. ꞌApucaman ca an ñu upí ꞌacë unicama upíoia. Usa ꞌain camina mitsux ꞌapucamami racuë́cëma ꞌiisa tanquin ñu upíshi ꞌati ꞌain.

1 Corintios 11:2

ꞌËn xucë́antu, mitsun ꞌë manuquinma camina ꞌën mitsu ñuixuncë bana quicësabi oquin ꞌain. Usaími ꞌia cuaquin cana —asábi ca —quixun mitsu cain.

1 Corintios 11:20

Camáxbi timë́xun nuibananquinma piquin camina asérabi Nucën ꞌIbu Jesucristo sinánquin ꞌaiman.

1 Corintios 11:22

Mitsux camina anuxun pianan xëati xubuñu ꞌain. Axa Jesucristomi catamëcë unicamabë timë́axmi usai mitsux ꞌicëbë ca uni raírinëx Nucën Papa Dios timai ainan ꞌiisama tanti ꞌicën. Usami ocëx ca anu ꞌicë ñuñuma unicamax ñuñuma ꞌaish rabinia. ¿Uisoquin carana mitsu cati ꞌain? ¿Usaími ꞌia carana uisa ꞌixun mitsu —asábi camina ꞌai —quixun cati ꞌain? Cana catima ꞌain.

1 Corintios 11:34

Usai ꞌiimi upiti timëtiama isquian Nucën Papa Diosan mitsu castícanti rabanan camina panancë ꞌixun mitsun xubunuxun piti ꞌain. Usa ꞌain cana mitsu isi cuanxun uisai caramina ꞌicani, a mitsu mëníoxunti ꞌain.

1 Corintios 14:23

Aín bana cuacë ꞌaíshmi mitsux timë́ax camáxbi Nucën Papa Dios rabi unin cuacëma banan banacëbë ca an mitsúxmi usai ꞌia ꞌunáncëma uni raíri ꞌimainun axa Jesúsmi sináncëma uni raírinëx atsínti ꞌicën. Atsínquin mitsúxmi usai banaia cuaquin ca —sapi ca ñunshíanxa —quixun sinánti ꞌicën.

1 Corintios 14:26

ꞌËn xucë́antu, timë́ax camina ësai ꞌiti ꞌain. Raírinëx camina ꞌiisa tani cantati ꞌain, raírinën camina Nucën Papa Diosan bana ñuixunti ꞌain, raírinën camina añu cara Nucën Papa Diosan mitsu sinánmiaxa a ñuiquin cati ꞌain, ꞌiisa tani camina raírinëx unin cuacëma banan banati ꞌain, raírinën camina uisai quicë cara a bana ꞌicë quixun ñuixunti ꞌain. Timë́xun caramina uisa ñu ꞌai a ꞌai camina camáxbi ami upiti sinani Jesucristo cuëëncësabi oi ꞌinun sinánmiananti ꞌain.

Hebreos 10:25

Usabi ꞌicë aísha bëtsi bëtsi uni axa Jesucristomi catamëcë unicamabë timë́tisama tancëbëbi cananuna nux usai ꞌima, aín unicamabë timë́anan bëtsibë bëtsibë Jesucristomia catamënun ꞌaquiananti ꞌain, Jesucristo utëcënti nëtë ca ꞌurama ꞌicë quixun sinani.

1 Pedro 2:14

camina an anëcë aín unicaman banaribi tanti ꞌain. Atux ca unían uisa ñu cara ꞌaia mëníonuan ꞌapun ꞌimicë ꞌicën. An ꞌamicëxun ca atun axa ꞌuchacë uni usaquin ꞌatëcënxunma ꞌanun castícania. Usaquin ꞌanan ca an ñu upí ꞌacë unicama a nuibaquin —mix camina upí ꞌai —quixun caia.