1 Corintios 10:4 - Kashibo-Kakataibo Biblia

⁴ Xaxunuaxa chiquícë ꞌunpáxsaribi ꞌixun ca Cristonën abë cuanquin atu cushiocëxa. Usa ꞌain ca anuaxa ꞌunpax chiquícë xaxusa Cristo ꞌiacëxa.

Nukën 'Ibu Diosan ain unikama 'inan ain bana

⁴ Xaxunuaxa chiquícë 'unpáxsaribi 'ixun ca Cristonën abë cuanquin atu cushiocëxa. Usa 'ain ca anuaxa 'unpax chiquícë xaxusa Cristo 'iacëxa.

1 Corintios 10:4 ပူးပေါင်းရင်းမြစ်များ

Génesis 40:12

Ësokian ñuixunkëxun ka Josénën kakëxa: —Min namákë ax ka ësa ꞌikën: rabë́ ꞌimainun achúshi i pëñanmi namákë ax ka rabë́ ꞌimainun achúshi nëtë ñui kikë ꞌikën,

Génesis 41:26

Mapai achúshi ꞌimainun rabë́ vacakama upíirabu ax ka mapai achúshi ꞌimainun rabë́ baritia ꞌikën, usaribi ka mapai achúshi ꞌimainun rabë́ trigo bimi upíirabu ax ꞌikën. Ax ka a mi namákë abi ꞌikën.

Salmos 105:41

ꞌImainun ka mapara panarabëkëbë anuax ꞌumpax chikíakëxa chikiti ka anu uni ꞌikëma memi ki baka rarasa ꞌinun ꞌumpax rakakëxa.

Éxodo 17:6

ꞌËn kana Horeb kakë bashi anuxun mi kaini kuanti ꞌain, usa ꞌain kamina anu bëbakin min tsatin mapara taxkai kuanti ꞌain. Taxkakëbëshi ka anuax ꞌumpax chikiti shakibutia ka unikaman xëati ꞌikën. Usakian kakëx kuanxun ka Moisésnën abëa kuankë Israel ain kushikaman ismainunbi aín tsatin mapara taxkakëxa,

Isaías 43:20

Usakin ꞌaia ka ñuina raëkëma, an ñuina bamakë ꞌain nami pikë ñuina chabu a ꞌimainun, ñuina pëchiñu avestrus kakë akamanribi ꞌë rabiti ꞌikën, usa ꞌain kana ꞌën anu uni ꞌikëma menu ꞌumpax kushiira chikiti manámi ki ꞌinun ꞌimin, ꞌimianan kana me anu ñu ꞌirukëmanu bakakama ꞌimin, ꞌimia ka ꞌën kaískë unikaman a ꞌumpax xëati ꞌikën,

Daniel 2:38

ꞌimianan ka minmi kamabi menu tsókë unikamaribi isanan, ñuinakama ꞌimainun pëchiu ñuinakamaribi isti mi ꞌimiaxa; usa ꞌain ka an mix ꞌapu ꞌikë kamabi kushi mi ꞌinánxa, usa ꞌain kamina mix aín maxká kuri ꞌakëmi iskë usa ꞌain.

Daniel 7:17

A ñuinakan ꞌëo rabë́ ꞌimainun rabë́ ax ka rabë́ ꞌimainun rabë́ ꞌapu an ënë menu ꞌapu kushiirabu ꞌixun atun kuëënkësokin unikama ꞌati a ꞌikën.

Números 20:11

Ësokin kakinshia Moisésnën aín tsati manámi okin rabë́okin mapara taxkakëxa, taxkakëbëshi ka mapara mëuküax chaiira ꞌinun tanpëkuatsini ꞌumpax chikíakëxa. Usai ꞌia ka unikaman atun ñuina kamabëtan ꞌumpax xëakëxa.

Juan 4:10

Cacëxun ca Jesusan cacëxa: —Ën mi ꞌunpax ñucácë ꞌaínbi camina ui carana ꞌai quixun ꞌë ꞌunaniman. ꞌË ꞌunánan añu cara Nucën Papa Diosan mi ꞌinánti ꞌicë quixun ꞌunáncë ꞌixun camina ꞌë ñucátsian. Ñucácëxun cana anúnmi nëtë́timoi Nucën Papa Diosnan ꞌiti ꞌunpax mi ꞌinántsian.

Juan 4:14

Usa ꞌaínbi ca an ꞌën ꞌináncëxun ꞌunpax ꞌacë uni, ax amiribishi shimatëcëntima ꞌicën. Me ꞌucë mëúcüaxa chiquitia ꞌunpax xobucësaribiti ca ꞌën ꞌináncë ꞌunpax nëtëtima uninu ꞌiti ꞌicën. Usaía ꞌicëbë ca uni nëtë́timoi Nucën Papa Diosnan ꞌiti ꞌicën.

Juan 7:37

Anúan judíos unicama Nucën Papa Dios rabinux Jerusalénu timë́cë nëtëcama sënë́nuxa pëcaracë nëtë ax ca a nëtëcamasamaira ꞌiacëxa. A nëtën ca nirui munuma banaquin Jesusan ësaquin unicama cacëxa: —Ui unix cara uníxa shiman bamai ꞌunpax ꞌaisa tani bënë́cësaribi oi ꞌënan ꞌiisa tani bënëtia a unix ca ꞌë cai ꞌëmi catamëti ꞌicën.

Gálatas 4:25

Aín bashi Sinaí ax ca Arabia menu ꞌicën. Aín bashi Sinaínuxuan abë banaquin Nucën Papa Diosan Moisés, usai ca aín unicama ꞌiti ꞌicë quixun cá bana ꞌacë cupí cana Nucën Papa Diosan uni ꞌai quixun sináncë unicamax ca Jerusalénu ꞌicë unicamasa ꞌicën. Usaquin sináncë unicamax ca Agarnën tuá ꞌiásaribi ꞌicën. Usa ꞌaish ca ësa ꞌicën. Nucën Papa Diosan, min xanun ca mi tuaxunuxun ꞌaia cá bana sinánquinma ca Abrahamnën bëchicëñu ꞌiti cuëënquinshi Agar cacë xanumi bëchiacëxa. Usa ꞌaish ca a tuá a Nucën Papa Diosan Abraham ñuixuan, ama ꞌiacëxa.

Deuteronomio 9:21

katankëxun kana vaca bakë tankin a rabimi ꞌuchakankë a bitankëxun tsinu ꞌaruakën, ꞌarukëxa ꞌaímai xarátia kana bitankëxun upíokin putuakin rënxun, aín bashimiaxa ukë xëxá ꞌumpaxmi sakakin puakën.

Colosenses 2:17

Uisai cara Cristo ucë ꞌain ꞌiti ꞌicë quixuan unin sinánun ca ënë ñucama ꞌiacëxa. Usa ꞌaínbi cananuna Cristo uá ꞌain ainan ꞌixun, uisa caranuna Cristobë ꞌiti ꞌai quixun ꞌunanin.

Hebreos 10:1

Jesucristoa ënë menu utancëx unicaman ꞌucha cupí usai ꞌiti tanquian judíos unicaman aín ꞌucha cupí castícancëma ꞌinuxun ꞌaracacë ñuina ꞌanun ca Nucën Papa Diosan mëníocëxa. Usoquin mëníocë ꞌain ca judíos unicaman Nucën Papa Diosbë upí ꞌiisa tanquin camabi baritia ꞌaracacë ñuina ꞌaxun xaroia. Usoquin ꞌacë ꞌaínbi ca aín nuitu asérabi ꞌuchatëcëntimoquin upí ꞌinun mëníocëma ꞌicën.

Apocalipsis 22:17

Usoquin caia ca Carnero ꞌicësaribitia unin ꞌucha cupí bama, Cristo, amia ax catamëcë unicamabëtan Nucën Papa Diosan Bëru Ñunshin Upitan —bënëtishi ca ut —quixun a caia. An atun bana cuacë unicamanribi ca —bënëtishi ca utëcën —quixun a cati ꞌicën. Shimaia uni ꞌunpax ꞌacatsi bënë́cësa usaribitia ax Jesuscristonan ꞌicatsi bënë́cë uni, an ca ami catamëquin Jesucristo —ëx cana minan ꞌiisa tani —quixun cati ꞌicën. Usaía ꞌia ca Cristonën ainan ꞌimianan xënibua ꞌaínbi abë ꞌinun ꞌimiti ꞌicën, cupímashi.