1 Corintios 10:28 - Kashibo-Kakataibo Biblia

²⁸ Mitsun piti ꞌaínbia uni itsin mitsu —ënë namix ca unin ꞌacë ñu rabiquin piti ꞌacë ꞌicë —quixun mitsu cacëxun cuni camina pitima ꞌain. An mitsu cacë uni an Jesucristomi catamëcë ꞌixunbi, camabi nami ca bëtsi namisaribi ꞌicë quixun upí oquin ꞌunáncëma ꞌixun, —ënë nami pi cana Nucën Papa Diosmi ꞌuchain —quixun sináncë ꞌain camina a nami pitima ꞌain.

Nukën 'Ibu Diosan ain unikama 'inan ain bana

²⁸ Mitsun piti 'aínbia uni itsin mitsu —ënë namix ca unin 'acë ñu rabiquin piti 'acë 'icë —quixun mitsu cacëxun cuni camina pitima 'ain. An mitsu cacë uni an Jesucristomi catamëcë 'ixunbi, camabi nami ca bëtsi namisaribi 'icë quixun upí oquin 'unáncëma 'ixun, —ënë nami pi cana Nucën Papa Diosmi 'uchain —quixun sináncë 'ain camina a nami pitima 'ain.

1 Corintios 10:28 ပူးပေါင်းရင်းမြစ်များ

Salmos 115:16

Naí kamë ꞌëo ax ka Nukën ꞌIbunan ꞌikën, ꞌimainun ka uni ainan ꞌinun me ꞌinánkëxa.

Salmos 24:1

Nukën ꞌIbunan ka kamabi me kuainakëa ax ꞌikën, usa ꞌain ka kamabi ñu anu ꞌikë a ꞌimainun, kamabi uni anu tsotia.

Éxodo 9:29

Ësai kia ka Moisésnën kakëxa: —ꞌËx ënë ëmanuax chikíkian kinshi kana, ꞌën mëkën manámi okin Nukën ꞌIbu mi ñukáxunti ꞌain. Usakin mi ñukáxunkëxun ka matsi bëruñu pakëkë a ꞌimainun kanákamë ꞌëo sharakiru sharakirukë a nëtë́miti ꞌikën, usakian ꞌaia kamina min ꞌunánti ꞌain ënë mex ka Nukën ꞌIbun unio ꞌikë kixun.

Romanos 14:15

Usa ꞌain ca axa —ꞌën usa ñu pi cana ꞌuchati ꞌai —quixun sinánquinbi mitsúnmi ꞌaia isquin anribi usa ñu pi ꞌuchacë, ax ca min ꞌucha ꞌiti ꞌicën. Min a uni nuibacëma ꞌixun camina usaquin ꞌan. Usa ꞌain camina mitsun an picëma ñu piquin, anun rabanan Cristo bama ꞌicëbi, uni ꞌuchamitima ꞌain.

1 Corintios 8:7

Usa ꞌaínbi ca axa Jesúsmi catamëcë uni raírinën —unían rabinuxun ꞌacë ñu ax ca ñuishi ꞌaish anu nun rabiti dios, ama ꞌicë —quixun upí oquin ꞌunaníma. ꞌUnánquinma ca usabi oquin unin ꞌacë ñu rabicë ꞌixun, Jesucristomi catamëquinbi a ñu rabiquin ñuina rëxun aín nami piia. Piquinbi ca —unían a ñu rabiquin rëcë ñuina nami pi sapi cana ꞌucha —quixun sinania.

1 Corintios 8:9

ꞌAisa tanquin camina uni itsin usa ñu rabiquin ñuina ꞌacë aín nami piti ꞌain. Usa ꞌaínbi camina an upí oquin —a ñux ca unin ꞌacë ꞌaish ñuishi ꞌicë —quixun ꞌunáncëma uni a ꞌuchamiti rabanan sinánti ꞌain, —cana pitima ꞌai —quixun.

Deuteronomio 10:14

ꞌAínbi kamina mitsun sinánti ꞌain Nukën ꞌIbu Diosnan ka naíkamë ꞌëo ꞌimainun a ꞌurira ꞌikë ñukama ꞌimainun menu ꞌikë ñukamaxribi ka ainan ꞌikën.