1 Corintios 10:20 - Kashibo-Kakataibo Biblia

²⁰ Ësaquin cana mitsu cain, judíosma unibunëx Nucën Papa Diosmi sináncëma ꞌixun ñuina ꞌaxun unin ꞌacë ñu rabiquin ca Nucën Papa Dios rabiquinma ñunshin ꞌatima rabia. Usaribiquin ñunshin ꞌatima rabimi mitsux aín uni ꞌiti cana cuëëniman.

Nukën 'Ibu Diosan ain unikama 'inan ain bana

²⁰ Ësaquin cana mitsu cain, judíosma unibunëx Nucën Papa Diosmi sináncëma 'ixun ñuina 'axun unin 'acë ñu rabiquin ca Nucën Papa Dios rabiquinma ñunshin 'atima rabia. Usaribiquin ñunshin 'atima rabimi mitsux aín uni 'iti cana cuëëniman.

1 Corintios 10:20 ပူးပေါင်းရင်းမြစ်များ

Mateo 4:9

Ismiquin ca cacëxa: —Minmi ꞌë rantin puruni tsóbuquin ꞌë rabicëxun cana ënë mecama, camabi anu ꞌicë ñucamacëñunbi minan ꞌinun mi ꞌinánti ꞌain.

2 Corintios 4:4

Usaquin sináncë unicaman ca ñunshin ꞌatimanën ꞌapúan sinánmicëxun, uisairai cara aín ꞌucha tërë́ncë ꞌaish Nucën Papa Diossaribi, Cristo, ainan ꞌiti ꞌicë quixun ꞌunanima.

Gálatas 4:8

Bëráma camina —Nucën Papa Dios ca asérabi Dios ꞌicë —quixun ꞌunáncëma ꞌixun Diosma ñucama rabiquin bëtsi bëtsi ñu ꞌacën.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.

Apocalipsis 2:20

Mitsúxmi usa ꞌicëbi cana ësaquin mitsu cain. Bëráma ca Jezabal ax ꞌatima xanu ꞌaíshbi judíos unicaman ꞌapu ꞌiacëxa. Usaribi oquin ca micamáxmi timë́cëbëtan achúshi xanu ꞌatimanën bana ñuixunia. An isa Nucën Papa Dios quicë bana unicama ñuixunia quiquinbi ca axa ꞌëmi sináncë unicama parania. Paránquin ca aín xanuma ꞌaínbia uni xanu itsibë ꞌiti ca asábi ꞌicë quixun ꞌunánmianan ñu ax isa dios ꞌicë quixuan unin cacë a rabiquin ñuina rëcë piti isa asábi ꞌicë quixun unicama ꞌunánmia. An usaquin ꞌatima ñu ꞌanun uni ꞌunánmiabi camina isëshitin.

Apocalipsis 9:20

ꞌAisamaira oquin ꞌatimocëxbia bamacëma unicamax ca sinanaquin, atun ñu ꞌaisama ꞌacëcama ëncëma ꞌiaxa. Ñunshin ꞌatimacama rabianan ca unin ꞌacë ñu, curi ꞌacë ꞌimainun uxua manë ꞌacë ꞌimainun panshían manë ꞌacë ꞌimainun maxax ꞌacë ꞌimainun i ꞌacë, a ñucaman isíma ꞌianan cuatíma ꞌianan nitsíamabi, a rabiquin an ꞌacësabi oquin ñu ꞌatima ꞌati ënquinma ꞌaxa.