1 Corintios 10:15 - Kashibo-Kakataibo Biblia

¹⁵ Mitsúxmi sinánñu uni ꞌicë cana usaquin mitsu cain. Usa ꞌixun camina ꞌën mitsu cacëxun cuaquin ënë banax ca asérabi ꞌicë quixun ꞌunánti ꞌain.

Nukën 'Ibu Diosan ain unikama 'inan ain bana

¹⁵ Mitsúxmi sinánñu uni 'icë cana usaquin mitsu cain. Usa 'ixun camina 'ën mitsu cacëxun cuaquin ënë banax ca asérabi 'icë quixun 'unánti 'ain.

1 Corintios 10:15 ပူးပေါင်းရင်းမြစ်များ

1 Corintios 10:14

ꞌËn nuibacë xucë́antu, unínbi ꞌacë ñu a camina ami ꞌunánquin rabitima ꞌain.

1 Corintios 10:16

Timë́xun cananuna, Jesucristo ca nun ꞌucha cupí aín imi ꞌapati i curúsocënuax bamacëxa quixun sinánquin —asábi ca —quixun Nucën Papa Dios cain. Catancëxun cananuna manë xanpanua bimi baca xëaquin —Cristo aín imi ꞌapati bama cupí cananuna nun ꞌucha tërë́ncë ꞌai —quixun sinanin. Pánribi tëaxun tucatancëx mëtícanantancëxun piquin cananuna camaxunbi —Cristo ca nun ꞌucha cupí i curúsocënuax bamacëxa —quixun sinanin.

1 Corintios 11:13

Mitsúnbi camina upí oquin sinánquin ꞌunánti ꞌain, Nucën Papa Diosbë banaia xanu mapútima cara asábi ꞌicë quixun.

1 Corintios 14:20

ꞌËn xucë́antu, tuáratsunën sináncësa oquin camina sinántima ꞌain. Ñu ꞌatima ꞌati ꞌunáncëma ꞌaísha tuáratsu ꞌicësaribiti camina ꞌiti ꞌain. ꞌIananbi camina bëtsi ñucama sinánquin uni apanën upí oquin sináncësabi oquin sinánti ꞌain.

1 Corintios 4:10

Cristonën cacësabi oquin ꞌacë cupí mitsun iscëx nux ñuumara ꞌimainun camina mitsux aín bana ꞌunáncë ꞌain. Mitsun sináncëxa nun bana racuëti banacësa, ꞌimainun ca mitsun bana cushi ꞌicën. Usa ꞌicë nu timaquin nu ñuianan ca mitsuishi unin nuiia.

1 Corintios 6:5

Usai ꞌitimimi rabínun quixun cana usaquin mitsu cain. ¿Mitsúxbi caramina usa ñu mëníonantima ꞌain?

1 Corintios 8:1

Unían unínbi ꞌacë ñu rabiquin ꞌaracacë ñuina ꞌacë a namix cara piisa ꞌicë quixunmi ꞌë ñucácë bana, a ñuiquin cana ësaquin mitsu cain. ꞌËn ꞌunáncësaribi oquin camina mitsun asérabi ꞌunan, Nucën Papa Diosëshi dios ꞌain ca unin ꞌacë ñu rabiquin ñuina rëcë a nami ax bëtsi namisaribi ꞌaish piti ꞌicën. Usaquin sinani ca uni raíri ainra isa ñu ꞌunánxa quixun sinani, a nami pi, bëtsibë cëruanánia. Usa ꞌaínbi ca raírinëx, a namix ca bëtsi namisaribi ꞌaish piti ꞌicë quixun ꞌunánxunbi an picëma unicama nuibaquin ꞌuchamisama tanquin piima, Jesucristonën sinánsaribi ꞌixun.

1 Tesalonicenses 5:21

Unían bana ñuixuncëxun camina, Nucën Papa Diosan sinánmicëx cara quia quixun pain cuati ꞌain. Cuacë́xa usa ꞌicë camina aín bana upí oquin cuati ꞌain.