1 Corintios 10:14 - Kashibo-Kakataibo Biblia

¹⁴ ꞌËn nuibacë xucë́antu, unínbi ꞌacë ñu a camina ami ꞌunánquin rabitima ꞌain.

Nukën 'Ibu Diosan ain unikama 'inan ain bana

¹⁴ 'Ën nuibacë xucë́antu, unínbi 'acë ñu a camina ami 'unánquin rabitima 'ain.

1 Corintios 10:14 ပူးပေါင်းရင်းမြစ်များ

Hechos 15:20

Ësaquinshi caquin cananuna acama quirica buánmiti ꞌain: Unínbia uniocë ñu rabiquian ꞌacë ñuina a camina pitima ꞌain, ꞌimainun camina min xanuma ꞌain xanubë ꞌitima ꞌain, ꞌimainun camina tëtsë́cacë ñuina pitima ꞌain, ꞌimainun camina ñuina imi pitima ꞌain.

Romanos 12:19

ꞌËn xucë́antu, axa mimi nishcë uni camina mitsúnribi cupitima ꞌain, ësaía Nucën Papa Diosan bana cuënëo quicë cupí: “Uix cara ꞌuchaia a cana ꞌënbi usaribi oquin cupiti ꞌain”. Usa ꞌain camina unin mitsu ꞌatimocëxunbi, Nucën Papa Diosainshi ca cupiti ꞌicë quixun sinánti ꞌain.

1 Corintios 10:15

Mitsúxmi sinánñu uni ꞌicë cana usaquin mitsu cain. Usa ꞌixun camina ꞌën mitsu cacëxun cuaquin ënë banax ca asérabi ꞌicë quixun ꞌunánti ꞌain.

1 Corintios 10:19

Usaquin caquin cana unían a rabinuxun uniocë ñu ax ca cushi ꞌicë quixun mitsu caiman. ꞌImainun ca a rabiquian ꞌacë ñuina nami axribi bëtsi namisama ꞌicë quixun cana mitsu caiman.

1 Corintios 10:7

A unicama raírinëan ꞌásaribi oquin camina unin ꞌacë ñu rabitima ꞌain. Atu ñuiquin ca Moisésnën ësaquin cuënëocëxa: “Aín paë bata xëanan pi bucubutancëx cuëëni ca ransacëxa”.

1 Corintios 5:11

Ësaquinshi cana mitsu caisa tanin. Axa —ꞌëx cana Jesucristomi sináncë ꞌai —quibi cëmëcë unibë camina nitima ꞌain. Jesucristonainsa quiquinbia ainanmabi xanu cuëënbëquincë uni ꞌimainun xanúxmabi uni itsibëribi ꞌicë uni ꞌimainun bëtsi unin ñu cuëëncë uni ꞌimainun Nucën Papa Diosmi sinánquinma unin ꞌacë ñu rabicë uni ꞌimainun ñuianancë uni ꞌimainun paë́ncë uni ꞌimainun mëcamacë uni, usa unibubë camina nitima ꞌain, abëtanbi camina pitima ꞌain.

2 Corintios 11:11

¿Uisacatsi carana usai banain? Mitsun sapi camina sinanin, ꞌën cana mitsu nuibatima quixun. Nucën Papa Diosan ca uisaira oquin carana ꞌën mitsu nuibati quixun ꞌunania.

2 Corintios 12:15

ꞌËx asérabi mitsu nuibati tëmëraquinbi cana Cristo cupí mitsux upí ꞌinun mitsu aín bana ñuixunquin, ꞌën curíqui cëñúanan ꞌën cushi cëñúquinbi ꞌaquinti ꞌain. ꞌËn mitsu asérabiira nuibacëxunbi sapi camina ꞌën ꞌacësaribi oquin mitsun ꞌë nuibatiman.

2 Corintios 12:19

Nun usaquin mitsu cacëxun oquin mitsun nu nuibanun quixun isanuna ësaquin mitsu cai quixun sapi camina sináncanin. ꞌAíshbi ca usama ꞌicën. ꞌËn nuibacë xucë́antu, cana mitsu cain, ami catamëti ax quicësabi oíshi ꞌinun cananuna Cristo cuëëncësabi oquin mitsu ꞌaquinsa tanquinshi ënë ñucama mitsu ñuixuan. Asérabi ca usa ꞌicë quixun ca Nucën Papa Diosan ꞌunania.

2 Corintios 6:17

Ësairibi ca Nucën ꞌIbu Diosan bana quia: Axa ꞌëmi sináncëma unicamabë ꞌima ꞌianan camina atun sináncësaribi oi ꞌicantima ꞌain. Usai ꞌiquin camina ꞌëx cuëëncëma ñu ꞌatima ꞌain. Usai ꞌia cana ꞌënan mitsu ꞌimiti ꞌain.

2 Corintios 7:1

ꞌËn nuibacë xucë́antu, a banacama nun cuanun ca Nucën Papa Dios quiacëxa. A banacama ꞌunánquin cananuna nun sinanën upíira oquin sinánan nun nuituribi upí ꞌianan nun ꞌacë ñuribi upí ꞌinun camabi nëtën bërúancati ꞌain. Usai ꞌi cananuna aín bana cuati ainanshi ꞌaish ax cuëëncësabi oíshi ꞌiti ꞌain.

Filipenses 4:1

ꞌËn xucë́antu, mitsu nuibaquin sinánquin mitsu istisa tani cana cuëënin. ꞌËn mitsu ñuixuncëxmi Jesucristomi catamëcë cupí cana cuëëinra cuëënin. Mitsux usai ꞌicëbë cana cupí bitsi cuëëncësaribi oi cuëënin. Usa ꞌain cana nuibaquin mitsu cain, mitsun ꞌacësabi oquin camina ënquinma Nucën ꞌIbu Jesucristomi catamëquin an cacësabi oquin ꞌati ꞌain.

Filemón 1:1

Filemón, ꞌëx Pablo, Jesucristo ñuiquin uni bana ñuixuncë cupí sipuacë ꞌixun, cana axribi Jesucristomi catamëcë ꞌaísha nucën xucën ꞌain, Timoteobëtan mi quirica buánmin. Minribimi nubëtan Jesucristo ñuiquin bana ñuixuncë ꞌicë cananuna ënë quirica mi cuënëoxunin.

Hebreos 6:9

ꞌËn nuibacë xucë́antu, uni raírinën ca Nucën Papa Diosan Bëchicëmi catamëtancëxunbi ënia quixun ñuixunquinbi cananuna ꞌunanin, mitsux camina Jesucristo cupí ainan ꞌinun ië́micë ꞌixun ëncëma ꞌaish asérabi Nucën Papa Diosan upí oquin ꞌaquíncë ꞌai quixun.

1 Pedro 2:11

ꞌËn nuibacë xucë́antu, cana mitsu cain, Nucën Papa Dios mitsun ꞌApu ꞌain ca aín nëtëx mitsunanribi ꞌicën. Usa ꞌain camina ënë menu ꞌaish unia aín menumabi ꞌicësaribi ꞌain. Usa ꞌaish camina anbia ꞌatimaquin sináncë cupía ꞌatima ñu ꞌacë uníxa ꞌicësaribiti ꞌitima ꞌain. Usa unix ca Nucën Papa Diosbë upí ꞌima.

1 Juan 5:21

ꞌËn bëchicësa ꞌicë cana mitsu cain, anbi sinánxuan dios isa quixun a rabinuxun unínbi ꞌacë ñucama camina rabitima ꞌain. Ashi, Juan.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.

Apocalipsis 2:14

Mitsúxmi usa ꞌicëbi cana ësaquin mitsu cain: Micama raírinën camina unían Balaanën cacëxun ꞌatima ñu ꞌásaribi oquin ꞌain. Balaanën ca an Israel unicama ñusmoisa tancë capitán, Balac cacë, a ësaquin cacëxa: Min menu ꞌicë bënëñuma xanucama camina Israel uni parania atubë ꞌinun cati ꞌain. Usai abë ꞌiquin ca ax isa dios ꞌicë quixuan min unicaman rabicë ñu a rabiquian ñu pinun ꞌimiti ꞌicën. Balaanëan usoquin sinánmia ꞌaían usaribi oquin axa mitsubë ꞌicë uni raírinënribi sinánmicëxun camina mitsu raírinën usaribi oquin ñu ꞌatima ꞌain.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.

Apocalipsis 22:15

Usa ꞌaínbi ca ꞌaisama unicamax a ëma ëmáinshi ꞌiti ꞌicën. An ñu ꞌaisama sináncë unicama, an ñu xëacë ñubë́ unicama, aín xanuma ꞌicëbi bëtsi xanu cuëëncë unicama, aín bënëma ꞌicëbi bëtsi uni cuëëncë xanucama, an uni ꞌacë unicama, an Nucën Papa Diosmabi bëtsi ñu rabicë unicama, axa uni paránti cuëëni cëmëcë unicama, acamax ca a ëmanu atsíntima ꞌicën. Ca ëmáinshi ꞌiti ꞌicën.