1 Corintios 10:13 - Kashibo-Kakataibo Biblia

¹³ Ñu ꞌatima ꞌati sinánquinbi camina ꞌunánti ꞌain, mitsúinshima uni itsínribi ca usaribi oquin sinani tëmëraia quixun. Usa ꞌaínbi ca Nucën Papa Diosan, ax quicësabi oquin mitsu ꞌaquinquin, ñunshin ꞌatimanën mitsu ꞌaisamaira oquin tanun ënima. An ca ami catamëquinmi min ñu ꞌatima ꞌati sináncë ënun mitsu cushioquin, uisaxun caramina ënti ꞌai quixun mitsu sinánmiti ꞌicën.

Nukën 'Ibu Diosan ain unikama 'inan ain bana

¹³ Ñu 'atima 'ati sinánquinbi camina 'unánti 'ain, mitsúinshima uni itsínribi ca usaribi oquin sinani tëmëraia quixun. Usa 'aínbi ca Nucën Papa Diosan, ax quicësabi oquin mitsu 'aquinquin, ñunshin 'atimanën mitsu 'aisamaira oquin tanun ënima. An ca ami catamëquinmi min ñu 'atima 'ati sináncë ënun mitsu cushioquin, uisaxun caramina ënti 'ai quixun mitsu sinánmiti 'icën.

1 Corintios 10:13 ပူးပေါင်းရင်းမြစ်များ

Salmos 124:7

Usa ꞌain kananuna an ñuina biti ꞌunánkë unían anun ñuina pëchiu biti nankë; a chankabuini nukama chikiakën.

Salmos 89:33

ꞌaínbi kana ꞌën uni David nuibakin ëntima ꞌain, ꞌianan kana ꞌëx kikësabiokin upíokin ñu ꞌaxunkin a ëntima ꞌain.

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Isaías 11:5

Ax ka unían ënkinma aín chupa pañukësa usaribi okin upíokin ñu ꞌai asérabi banati ꞌikën.

Isaías 49:7

Nukën ꞌIbu an nu bitëkënkë, Israel unikaman Dios upíira ax ka ësai kia, ami sinánkima manukë ëmakama bëtsi ëmanu ꞌikë unikama ami nishkin timakë, unikama ax ꞌapu ꞌixun ñu mëëmia a unikama ñui ka ësai Dios kiaxa: “Uínsaran kara ꞌapukama ꞌimainun aín kushikama mi isia anun ka nirukianx rantipuruni mi tanain tsóbuti ꞌikën, ꞌëx Israel unikaman Dios upíira ꞌixun kana ꞌën mitsu kaisa ꞌixun ꞌëx kikë usabi okin ꞌati ꞌain.”

Daniel 3:17

Nukamanu rabikë Dios an ka numi tsi rëkirukë mëu nianan uisa kaina mix ꞌapu ꞌixun nu oisatani, usakin min ꞌaiabi nu ië́miti ꞌikën.

Oseas 2:20

ꞌËn kana ꞌën xanusami mitsux ꞌain añu ñubi mitsu ꞌaxuntima ꞌain, usa ꞌikë kamina mitsun ꞌë ꞌëx kana Dios ꞌai kixun ꞌunánti ꞌain.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Lucas 11:4

Unían nu ꞌatimocëxunbinu aribi ꞌatimoquinma a ñucama sinánquinma manucë ꞌain camina nuxnu ꞌuchacëcama nu tërë́nxunquin manuti ꞌain. Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain.

Lucas 16:26

ꞌImainun ca anu mix ꞌicë ꞌimainun anu nux ꞌicë nëbë́tsi nancë́cë nëmíinra ꞌicën. Usa ꞌain ca unix ënuax anu cuainsa tanibi anu cuancasmati ꞌicën, ꞌimainun ca uni anuax ënu uisa tanibi utima ꞌicën.

Lucas 22:46

Mëraquin ca bësúnquin cacëxa: —¿Uisacatsi caramina usaira ꞌuxin? Ca nirut. ꞌUchati rabanan camina ꞌuxti tëai Nucën Papa Diosbë banati ꞌain.

Hechos 27:44

an mëñuti ꞌunáncëma unicamaxribi manë nunti panatan mëñuquianx caman ꞌirutanun quixun cacëxa. Capitán Julionën cacësabi oi mëñuquiani cuanx ca camáxbi caman ꞌirui cëñúruacëxa.

1 Corintios 1:9

Nucën Papa Diosan ca ax quicësabi oquin ñu ꞌaia. Mitsúnmi aín Bëchicë, Nucën ꞌIbu Jesúsbë ꞌixun, an sináncësaribi oquin sinánun ca mitsu caísacëxa.

2 Corintios 1:10

Nuxnu bamati ꞌicëbi ca Nucën Papa Diosan nu ië́miaxa. Usa ꞌixun ca usabi oquin nu ꞌati ꞌicën. Cananuna ꞌunanin, mitsúnmi a nu ñucáxuncëxun ca an ꞌacësabi oquin nu ië́miti ꞌicën. ꞌItsa unían a nu ñucáxuncëxuan, an nu ië́mianan nu ꞌaquincë cupí, nun upí oquin bana ñuixunia cuati ca ami sinánquin ꞌaisamaira unin cuëënquin, asábi ca quixun caquin Nucën Papa Dios rabiti ꞌicën.

Deuteronomio 7:9

Asérabi kamina ꞌunánkanti ꞌain, Nukën ꞌIbu Dios ax ka asérabi Dios ꞌikë kixun, usa ꞌixun ka an aín chaitiokëkama bërí ꞌama ꞌixun aín rëbúnkikamaribi uikaman kara ax kikësabiokin aín bana ꞌaia a unikama nuibatia;

1 Tesalonicenses 5:24

Nucën Papa Dios, an ainan ꞌinun mitsu caíscë, an ca mitsu usoquin ꞌimiti ꞌicën, ax quicësabi oquin.

2 Tesalonicenses 3:3

usa ꞌaínbi ca Nucën ꞌIbu Jesusan aín quicësabi oquin mitsu ami catamënun cushioquin, ñu ꞌatima ꞌaxunma ꞌanun bërúanti ꞌicën.

2 Timoteo 4:18

Usaquin ca Nucën ꞌIbu Jesucristonën ꞌë ꞌaquianxa. Usaribi oquin ca ꞌë ꞌaquintëcënquin uisa cara ocaniabi ꞌë ꞌaquinti ꞌicën. ꞌAquintancëxun ca ꞌëx aín nëtënu abë tsónun ꞌë ꞌimiti ꞌicën. Upíira ꞌicë ca cëñútimoquin unin Nucën Papa Dios rabiti ꞌicën. Usai ca ꞌiti ꞌicën.

Hebreos 10:23

—Nucën Papa Diosan ca aín quicësabi oquin nu upí ꞌimianan nux aín nëtënu abë ꞌinun ꞌimia —quixun ꞌunánquin cananuna asérabi ami catamëquin aín bana ënquinma an nu cacësabi oquin ꞌaquin bëtsi uniribi —Nucën Papa Diosan ca ax quicësabi oquin, usoquin nu ꞌaquinia —quixun ñuixunti ꞌain.

Hebreos 11:11

Abrahamnën xanu, Sara, anribi ca Nucën Papa Diosan Abraham cacësabi oquin, caniacëquinbi tuacëxa, Nucën Papa Dios quicësabi oi cana ꞌiti ꞌai quixun sináncë cupí. Usai tuutancëx ca Sara bëbu tuá, Isaac cacë, bacë́ancëxa.

Hebreos 12:4

Mitsux ꞌuchati rabanan tëmëranan Jesucristonan cupí bëtsi bëtsi ocë ꞌaíshbi camina bamacëma ꞌain.

Hebreos 6:18

Usa ꞌain cananuna an ca ax quicësabi oquin ꞌaia quixun ꞌunánan, axa —sinanatëcëntimoquin cana mitsu cai —quicë cupí ca an asérabi usoquin ꞌati ꞌicë quixun ꞌunanin. Usaquin ꞌunánquin cananuna ꞌunanin, nun nu an nu ꞌaquinun ñucácë ꞌixun ca nu asérabi ꞌaquinti ꞌicë quixun. ꞌUnánan cananuna ami catamëquin —aín bana quicësabi oi cana asérabi ainan ꞌaish aín nëtënu abë ꞌiti ꞌai —quixun ꞌunanin.

1 Pedro 4:19

Usa ꞌain camina tëmëraibi —Nucën Papa Dios cuëëncëbë cana ësai ꞌi —quixun sinánquin mitsun ꞌacësabi oquin upí ñuishi ꞌanan Nucën Papa Dios, an mitsu unio, an bërúanun ami catamëti ꞌain, an ca aín quicësabi oquin ꞌë bërúanti ꞌicë quixun ꞌunani.

2 Pedro 2:9

A unicama atun ꞌucha cupí Nucën ꞌIbu Diosan ꞌatimocëbëbia Noé ꞌiásaribiti Lot ië́a, a sinánquin cananuna ꞌunánti ꞌain, Nucën ꞌIbu Diosan ca axa ami catamëti ax quicësabi oi ꞌicë unicama, uisa ñu cara ꞌicëbëtanbi ië́miti ꞌicë quixun. Usonan ca an ñu ꞌatima ꞌacë unicama ië́miquinma, anúan an camabi uni isti nëtë utámainun tëmëranun ënti ꞌicën.

1 Juan 1:9

Usa ꞌaínbi cananuna ꞌunánti ꞌain, nun nu nun ꞌuchacama chiquinaxuncëxun ca Nucën Papa Diosan, ax upí ꞌixun ax quicësabi oquin ꞌaquin, nun ꞌuchacama nu tërë́nxunquin upí ꞌinun nu ꞌimiti ꞌicën.

Apocalipsis 19:11

Usaquin ángelnën cacëxun cana naí panárabëcë isan. Anuaxa caballo uxua chiquitia cana isan. Ax a caballonu tsócë, ax ca Aín Quicësabi Oquin ꞌAcë caquin anëcë ꞌianan ca An Uni Paráncëma caquin anëcë ꞌiaxa. Usa ax ꞌixun ca ꞌatima unicama a uisoquin cara ꞌaisa tania usoquin castícanan axa upí sinánñucama a upí oia.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 3:10

Mitsun camina uisa ñu cara ꞌicëbëtanbi ꞌëmi catamëanan ꞌën bana quicësabi oquin ꞌati ëncëma ꞌain. Usaími ꞌicë cupí cana anúan unicama paë tani tëmërati nëtëa ucëbëmi tëmëraxma ꞌinun mitsu ꞌimiti ꞌain.