1 Corintios 10:1 - Kashibo-Kakataibo Biblia

¹ ꞌËn xucë́antu, ënëmi mitsun ꞌunánun cana mitsu cain: —Nucën raracamaxa Egiptonuax cuania ca Egiptonu ꞌicë suntárucaman ꞌatin rabanan Nucën Papa Diosan nëtë cuin bëararamiacëxa. Usaquiani ca Nucën Papa Diosan parúnpapa tëárabëoquin aín nëbë́tsi ësquimiquin me racáncëbë anun ꞌucë manan sicaracëacëxa.

Nukën 'Ibu Diosan ain unikama 'inan ain bana

¹ 'Ën xucë́antu, ënëmi mitsun 'unánun cana mitsu cain: —Nucën raracamaxa Egiptonuax cuania ca Egiptonu 'icë suntárucaman 'atin rabanan Nucën Papa Diosan nëtë cuin bëararamiacëxa. Usaquiani ca Nucën Papa Diosan parúnpapa tëárabëoquin aín nëbë́tsi ësquimiquin me racáncëbë anun 'ucë manan sicaracëacëxa.

1 Corintios 10:1 ပူးပေါင်းရင်းမြစ်များ

Nehemías 9:19

usai ꞌiabi kamina min atu nuibakin, anu uni ꞌikëma menuxun uisa kara nitsia usai ꞌitánun ënkinma ꞌakiankën. Usokinmi ꞌakinkëbë ka nëtë kuinsa ax atu ënima nëtënbi a isbiania kuankanun rëkuë́nkiankëxa, ꞌimainun kamina imë́ribia tsi rëkirukësa ꞌixun anun kuankanun pë́kati ꞌimiakën.

Salmos 105:39

Diosan ka a isbiania kuanti nëtë kuin atu manámi ꞌimianan, tsi rëkirukësa ꞌixuan pë́kakëbë imë́ kuankanti aribi ꞌimiakëxa.

Salmos 66:6

an ka parúmpapa me ishi rakati ëskinun ꞌimiakëxa, usakin ꞌimikëbë ka anun nun chaiti okëkama nikiani sikarakëkankëxa; ¡usa ꞌain kananuna akama sinani Dios rabi kuëënkanti ꞌain!

Éxodo 14:29

Usai ꞌikëbëbi ka israel unikama anun kuanun parúmpapa tëarabëti me ꞌinun ëskikë anun sikarakëakëxa usai ꞌi ka ꞌumpax kuëtú ꞌikësai amorabë́ chairui bëtsi mëmiu ꞌimainun bëtsi mëkëu ꞌiakëxa.

Éxodo 40:34

këñúkë ka kuinan xubusa okin chupa ꞌakë anu ꞌibúkin mapumainun ka Nukën ꞌIbun kushin ꞌain namë anu ichúkin tsitsiarakëxa.

Números 14:14

Kuakin ka Canaán menu tsókë unikama ñuixunti ꞌikën. Atúnribi ka min kamina ënë unikama atubë ꞌixun, ꞌakini kixun ñuikania kuaxa, ꞌimainun kamina an unánkë unibë uni bësúnax banakësari banain, ꞌimainunribi kamina min nëtë kuinsa axa atubë ꞌinun ꞌimin, ꞌimainun kamina nëtën kuinsa mëu rëkuë́n kiankin atu buánan imë́ribi tsi rëkirukësa a isia anunbi kuanun atu ꞌimian.

Juan 4:20

Samaria unicama nun raran ca tucu ënuxun Nucën Papa Dios rabiacëxa. Usa ꞌaínbi camina mitsux quin, Jerusalénuxun ca unin Nucën Papa Dios rabiti ꞌicë quiax.

Romanos 1:13

ꞌËn xucë́antu, cuainsa taníbi cana cuancëma ꞌain. ꞌItsai cana mitsu isi cuainsa tan quixunmi ꞌunánti cana cuëënin. Mitsúxmi Jesucristomi catamënun, bëtsi menu ꞌicë unicama ꞌaquincësaribi oquin mitsu ꞌaquini cuainsa cana tan.

Romanos 11:21

Camina ꞌunánti ꞌain, Nucën Papa Diosan ca ainan ꞌinun caísa ꞌixunbi judíos unibu ami catamëtiama aín ꞌucha tërë́ncëma ꞌixun judíosma unibu ꞌaíshmi mitsux ami catamëcëxunma mitsun ꞌucharibi tërë́ntima ꞌicën.

Romanos 4:11

Nucën Papa Diosan ca Abraham ami catamëtia an upí iscë cupía ꞌunántioracanun cacëxa. Usaquian Nucën Papa Diosan Abraham cá cupí cananuna ꞌunanin, judíosma unicamax ca judíos unibu ꞌicësaribiti, ꞌunántioracacëma ꞌaíshbi Nucën Papa Diosmi catamëcë ꞌaish Abrahamnën rëbúnquisa ꞌicë quixun.

1 Corintios 12:1

ꞌËn xucë́antu, mitsúnmi ꞌunánun cana ësaquin mitsu cain, axa Jesucristomi catamëcë unicaman ca aín Bëru Ñunshin Upitan ꞌamicësabi oquin bëtsi bëtsi ñu ꞌati ꞌicën.

1 Corintios 14:38

Ui unin cara usaquin sinánquinma —anbi sinani ca Pablo quia —quixun sinania, a uni camina —asérabi ca aín bana ꞌicë —quixun sinántima ꞌain.

Gálatas 3:29

Mitsux Cristonan ꞌaish camina axa ꞌiásaribiti Nucën Papa Diosmi catamëcë ꞌaish Abrahamnën rëbúnqui ꞌain. Usa ꞌaish camina Nucën Papa Diosan aín rëbúnqui ñuiquin Abraham cásabi oi aín uni ꞌain.

Hebreos 11:29

Egipto menuax cuani ca judíos unicama —Nucën Papa Diosan ca ax quicësabi oquin nu ꞌaquinia —quixun sinani parúnpapa Xonsa cacë, a nëbë́tsi me racácëbë sicaracëacëxa, me ësquicënu cuancësabiquiani. Atúxa usai cuancëbë ca axa atu catícabiani cuancë Egiptonu ꞌicë suntárucamax —nuxribi cananuna usai sicaracëti ꞌai —quixun sinanx cuanibi, ꞌunpax anu racátëcëncëbë bacamiquiacëxa.

Josué 4:23

ꞌimainun kamina ësokinribi ñuixunti ꞌain uisakin kara Diosan Jordán kakë baka meishi rakátanun anun nux inúnun ëskimiakëxa kixun, bëráma parúmpapa xónsa kakë anun nun chaitiokëkama sikarakënun ꞌimiasaribi okin.