1 Corintios 1:29 - Kashibo-Kakataibo Biblia

²⁹ Uinu ꞌicë unínbia —ꞌënbi cana ñu ꞌunáncë ꞌai —quixun sinánunma ca Nucën Papa Diosan ënë nëtënu ꞌicë unían sináncëxa ñu ꞌunánma unicama ainan ꞌinun caísaxa.

Nukën 'Ibu Diosan ain unikama 'inan ain bana

²⁹ Uinu 'icë unínbia —'ënbi cana ñu 'unáncë 'ai —quixun sinánunma ca Nucën Papa Diosan ënë nëtënu 'icë unían sináncëxa ñu 'unánma unicama ainan 'inun caísaxa.

1 Corintios 1:29 ပူးပေါင်းရင်းမြစ်များ

Jeremías 9:23

Ësai ka Nukën ꞌIbu kiaxa: Uixi ka rabiakati an ñu ꞌunairakë anun ꞌëx kana ñu ꞌunánkë ꞌai kiax rabiakatima ꞌikën, ꞌimainun ka kushiira uni axi ꞌëx kana kushiira ꞌai kiax rabiakatima ꞌikën, uix kara ñuñuira ꞌikë axi ka ꞌëx kana ñuñuira ꞌai kiax anun rabiakatima ꞌikën.

Romanos 15:17

Cristo Jesúsnën cushiocëxun cana Nucën Papa Diosan casabi oquin judíosma unibu bana ñuixuan quixun sinani cana cuëënin.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna ꞌunanin. Aín bana ꞌináncëma pain ꞌixun ca Nucën Papa Diosan judíos unicama ainan ꞌinun ꞌimiacëxa. Ainan ꞌimitancëxun ca uisaira cara ainan ꞌaish uni upí ꞌiti ꞌicë quixuan ꞌunánun aín bana judíos unicama ꞌináncëxa. A bana isquin ca judíos unicamainshima camabi unin ꞌunánti ꞌicën, uisairai ꞌi cara Nucën Papa Diosan iscëx atun nuitu upíma ꞌicë quixun.

Romanos 3:27

An usai ca uni ꞌiti ꞌicë quicë bana quicësabi oquin ꞌacë uni, ax sapi ca rabíti ꞌicën, —ꞌën nuitu ca Nucën Papa Diosan upí isia —quixun sinani. Usa ꞌaínbi ca axa Jesucristomi catamëcë unin ꞌunania, —Jesucristo cupíshi ca Nucën Papa Diosan ꞌë upí isia —quixun. Usaquin ꞌunani ca rabitíma.

Romanos 4:2

Aín ñu ꞌacë cupía Nucën Papa Diosan upí iscë ꞌaish ca Abraham —ꞌëxbi cana upí ꞌai —quiax rabía ꞌitsíanxa. Usa ꞌaínbi ca Nucën Papa Diosan iscëx, a cupía Abraham rabíti ñu ꞌaíma ꞌiacëxa.

1 Corintios 1:31

Usa ꞌain ca Nucën Papa Diosan bana cuënëo quicësabi oquin, “Uinu ꞌicë unix cara rabítisa tania ax ca axbi rabiacatima —Nucën ꞌIbu Diosan ꞌimicëx cana asábi ꞌai —quixun sinánquin ashi rabiti ꞌicën”.

1 Corintios 4:7

¿Uin cara mitsu raíri, bëtsi unicama ꞌicësamaira oími upí ꞌinun ꞌimiaxa? Nucën Papa Diosan ꞌimicëxma camina upí ꞌitsianma. Nucën Papa Diosan ꞌimicëx upí ꞌixun ¿caramina uisa cupí —ꞌëxbi cana upí ꞌai —quixun rabíquin sinanin?

1 Corintios 5:6

Bëtsi bëtsi ñu ꞌaisama ꞌaíbi camina mitsux rabinima —nux cananuna asábi ꞌai —qui cuëënin. Usai ꞌiti ca ꞌaisama ꞌicën. ¿Caramina ꞌunaniman, “anun pán chamiti ñun ca chamaratsu ꞌixunbi xuicëma pain ꞌicë páncama choia?” Usaribi oquin ca anu ꞌicë uni achúshinën ꞌuchaxbi sinanacëma ꞌixun anu ꞌicë unicama usaribitia ꞌinun ꞌimiti ꞌicën.

Efesios 2:9

An ca an ñu upí ꞌacë cupí ainan ꞌinun uni ië́mima. Usa ꞌain ca uinu ꞌicë unínbi —ꞌën upí ñu ꞌacë cupí cana ië́a —quixun rabíquin sinántima ꞌicën.