1 Corintios 1:20 - Kashibo-Kakataibo Biblia

²⁰ Sinánñu uni ꞌimainun an quirica ꞌunáncë uni ꞌimainun an ënë menu ꞌicë ñuishi ñuiti ꞌunáncë uni acaman, ñu ꞌunáncë cana ꞌai, quixun sináncë ꞌaínbi ca Nucën Papa Diosan sinan abë sënë́nmaira ꞌicën. Usa ꞌain ca usa unicaman aín sinánsamaira Nucën Papa Diosan sinan ꞌicë quixun isti ꞌicën.

Nukën 'Ibu Diosan ain unikama 'inan ain bana

²⁰ Sinánñu uni 'imainun an quirica 'unáncë uni 'imainun an ënë menu 'icë ñuishi ñuiti 'unáncë uni acaman, ñu 'unáncë cana 'ai, quixun sináncë 'aínbi ca Nucën Papa Diosan sinan abë sënë́nmaira 'icën. Usa 'ain ca usa unicaman aín sinánsamaira Nucën Papa Diosan sinan 'icë quixun isti 'icën.

1 Corintios 1:20 ပူးပေါင်းရင်းမြစ်များ

2 Samuel 15:31

Usa ꞌain ka inkiani kuaniabi David ñuixunkin kakëxa, Ahitófel an mi bana ñuixunkë aín kushi an ka usakinsa mi ꞌanun kixun Absalón ꞌësëkin kaia kixun, kakëxun ka Davidtan Ahitófel an usakinsa ꞌanun kaiabisa Absalónnën kakë bana kuamixuma ꞌanun kixun Dios ñukákëxa.

2 Samuel 16:23

a nëtëkaman ka Ahitófelnën bana ñukákë ax Diosbë banakësa ꞌiakëxa. Ahitófel a pain ka David ꞌimainun Absalónnën añu kara ꞌaisatania a ꞌanuxun ñukákëxa.

2 Samuel 17:14

Usai kia Absalón ꞌimainun kamabi Israel unikaman kuakëxbi ka Husainën atu sinánmikë ax asábira ꞌiakëxa. Ahitófelnëa atu sinánmikin kakë axa atun kuakëx asábiribi ꞌaínbi. Usai ka Diosan bërámabi Ahitófelnën kakësokin ꞌakantima kupí Davidnëa tëmaishi Absalón ꞌanun.

2 Samuel 17:23

Usa ꞌain ka Ahitófelnëx an kakësa okían Absalónnën ꞌakëma ꞌain, aín burro bibiani anua tsókë ëma anu ꞌikë aín xubunu kuankëxa kuanx ka anuax aín aintsikamabë banakin uisai kara atux ꞌiti ꞌikë kixun kakëxa, usakin katankëx sënë́anx abi tëtsëkiax. Ñukë ka anua aín papa ñukë maínkan me anubi maínkankëxa.

Isaías 33:18

Anunmi rakuë́ti tsóa nëtëkama a sinani, kamina ësai kikanti ꞌain: “¿Uinu kara an kupíonun kixun ubíokin kupíomixun an kuríki tupuán suntárunën kushikama ax ꞌik? ¿Uinu kara an sënën kara kixun ñu ëñë tupuán ax ꞌik? ¿Uinu kara suntárunën kushikaman anuxun nu ñatanun xunuxua anun ëma kënëarakama anuxun bërúankëkama an tupuán ax ꞌik?”

Isaías 44:25

ꞌËn kana an këmëkin ñu ñuikë unikama kiasai ꞌinun ëniman; ꞌën kana an ñu tankë unikama atun sinánkësokin ꞌaíma ñunshinbakënu ꞌimin. ꞌËn kana an ñu ꞌunánkë unikamaxa usai ka ñu ꞌiti ꞌikë kikë usai ꞌinun ñu ꞌimiman, usa ꞌain ka atúxa usai ka ñu ꞌiti ꞌikë kikë ax ñankáishi ꞌiti ꞌikën.

Isaías 53:1

¿Uin kara nukamannu kuaxun ñuikë min bana ax ka asérabi ꞌikë kixun sinánti ꞌik? ¿Ui kara Nukën ꞌIbun aín kushin ñu ꞌakin ax ka kushi ꞌikë kixun sinánnun ꞌimiax?

Mateo 13:22

Muxañu menua nipacëcë ñu bëru usaribi ca raíri uni ꞌicën. A unicaman ca Nucën Papa Diosan bana cuaquin —a bana quicësabi oi cana ꞌiti ꞌai —quixun sinania. Usaquin sinanibi ca ënë menu ꞌicë ñuishi sinánan —ꞌitsa ñuñu ꞌaish cana cuëënti ꞌai —quixun sinani, ꞌitsa ñuñu ꞌiisa tanan bëtsi ñuribi cuëënia. Usa ꞌaish ca Nucën Papa Diosan sináncëxbi ñu bëru ꞌapácëa coiabi chucun mapurucësa usaribi ꞌaish bimiñumasa ꞌia.

Juan 12:31

Bërí ca ënë nëtënu ꞌicë unicama, cara ꞌëmi sinania, cara ꞌëmi sinanima quixun Nucën Papa Diosan isti ꞌicën. Isanan ca an ꞌëmi sináncëma unicaman ꞌapu, ñunshin ꞌatimanën ꞌapuribi ax cushi ꞌicëbi ꞌën unicama ꞌibuatimoquin ñusmoti ꞌicën.

Hechos 17:18

Cananmainun ca raíri unicama usa isa uni ꞌiti icë quixun epicúreo cacë unicaman bana ñuia cuacë, ꞌimainun estoico cacë unicamanribia bëtsi bana ñuia cuacë, a unicamaxribi uax Pablobë banacëxa. Abë banatancëx ca raírinëx quiacëxa: —¿Añu cara banañuira ꞌixun ënë unin nu ñuixuinsa tanin? Quicëbë ca raírinëx Pablonëan Jesús ñuianan —bama ꞌaish ca uni baísquiti ꞌicë —quixun cacëxun cuax quiacëxa: —Nun rabicë diosma, bëtsi dios ñui sapi ca quia.

Romanos 1:20

Isquinmabi ca unin Nucën Papa Dios ꞌunánti ꞌicën, an unio ñucama isquin. Usa ꞌain ca an camabi ñu unio cupí, unin Nucën Papa Dios, ax ca asérabi Dios ꞌicë quixun ꞌunánan ax ca nëtë́timoi usabi cushiira ꞌicë quixun ꞌunántisa ꞌaíshbi ami sináncëma ꞌicën. Usa ꞌaish ca, ꞌunáncëma ꞌaish cana ami sináncëma ꞌain, a unicamax quitima ꞌicën.

Romanos 1:22

—ꞌËx cana sinánñu ꞌai —quicë ꞌaíshbi ca sinánñumasa ꞌicën.

1 Corintios 1:19

Ësai ca ꞌiti ꞌicë quiax ca Nucën Papa Diosan bana cuënëo ësai quia: ꞌËn sinanëinshi cana ñu ꞌunani quixun sináncë unicama ax ca ꞌën ꞌimicëx aín sinan ñancáishi ꞌiti ꞌicën. ꞌËn cana ñu ꞌunani quixun sináncë uni ax ca ꞌën ꞌimicëx ñu ꞌunáncëma unisa ꞌiti ꞌicën.

1 Corintios 1:26

ꞌËn xucë́antu, mitsun camina ësoquin ꞌunánti ꞌain: mitsux camina raírinëxëshi unin ꞌunáncë ñu ꞌunáinracë ꞌain, raírinëxëshi camina ꞌapusa ꞌain, raírinëxëshi camina uni itsibëtan sënë́nmaira unin bëchicë ꞌain. ꞌItsamanëxëshi camina usa uni ꞌain. Usa ꞌicëbi ca Nucën Papa Diosan ainan ꞌinun micama caísaxa.

1 Corintios 1:27

Nucën Papa Diosan ca unían sináncëxa ñu ꞌunánma unicama ainan ꞌinun caísaxa. Caísun anbi atu ꞌunánmia isi ca an ñu ꞌunáncë unicama ax rabinia. Usaribi oquin ca unin iscëxa cushima unibu Nucën Papa Diosan ainan ꞌinun caísaxa. Caísuan anbi atu sinánmicëbë ca unin iscëx cushi unicama ax —nun sináncësamaira oquin ca atun sinania —quixun ꞌunani rabinia.

1 Corintios 1:28

Ainsa ñu ꞌunánxa quixuan sináncë unicaman, —Diosan ꞌamicëxun ca aín unicaman nun sináncësamaira oquin sinania —quixun istánun ca Nucën Papa Diosan axa ënë nëtënu ꞌicë unían ñu ꞌunánma isa quixun sináncë unibu ainan ꞌinun caísaxa.

1 Corintios 11:32

Usa ꞌaínbi ca asérabi ami sinánquinmabi usoquin a ñu ꞌaia, Nucën Papa Diosan nu ꞌuchoquin, axa ami sináncëma unicamabënu nuxribi ꞌuchocë ꞌitin rabanan, usoquin ꞌatëcëníma ꞌinuxun ꞌunánun, uisai caranuna ꞌi usaínu ꞌinun nu castícania.

1 Corintios 2:6

Axa Jesucristomi catamëcë unicaman aín bana quicësabi oquin ꞌaia cananuna a unicama uisaira cara aín banacama quia quixun ñuixunin. Nun banax ca ënë nëtënu ꞌicë axa Cristomi catamëcëma unicaman ñuicë bana ama ꞌicën. ꞌIanan ca aín ꞌapucaman ñuicë bana ama ꞌicën. Acaman banaxa cushi ꞌicëbi ca xënibuquin unin sinanima.

1 Corintios 2:8

Ënë menu ꞌicë ꞌapucaman ca a bana ꞌunánma ꞌicën. A bana ꞌunánxun ca Nucën ꞌIbu Jesús, Diossaribi cushi, a i curúsocënu matásmiama ꞌitsíanxa.

1 Corintios 3:18

Uni itsían mitsu sinanamiti rabanan camina bërúancati ꞌain. Mitsun camina —ꞌënbi ñu ꞌunáncë cana ꞌai —quixun sinántima ꞌain. Usaquin sinanima camina Jesucristonën sinánmicë ꞌinux ñu ꞌunáncëma unisa ꞌiti ꞌain.

1 Corintios 3:19

Abia unin sináncë bana ax ca Nucën Papa Diosan iscëx ñancáishi ꞌicën. Nucën Papa Diosan bana aín unin cuënëo, ax ca ësai quia: “Ui unin cara bëtsi uni parania, a uni ca Nucën Papa Diosan ꞌamicëxun bëtsi unínribi usaribi oquin cupiti ꞌicën”.

1 Corintios 6:2

Jesucristo nun ꞌapu ꞌinux ucëbëtan ca aín unicaman abëtan camabi unin uisa ñu cara ꞌaxa quixun isti ꞌicën. ¿Mitsux Jesucristobë ꞌapu ꞌiti ꞌixun caramina unían bërí ꞌacë ñu ꞌunánquin mëníoxuntima ꞌain?

Santiago 4:4

Nucën Papa Diosmi manúxunmi mitsun cuëëncësa oquinshi ꞌaia cana ësaquin mitsu cain: ¿Mitsun caramina ꞌunaniman, ënë menu ꞌicë ñuishi sináncë ꞌaish ca uni Nucën Papa Diosbë upíma ꞌicë quixun? Uinu ꞌicë unin cara ënë menu ꞌicë ñuishi sinania ax ca ainanma ꞌaish Nucën Papa Diosmi nishcësa ꞌicën.