1 Corintios 1:2 - Kashibo-Kakataibo Biblia

² Mitsúxmi Corinto ëmanuax Jesucristomi catamëcë ꞌicë, cana cuënëoxun ënë quirica mitsu buánmin. Mitsux Cristo Jesúsmi catamëcë ꞌaish camina Nucën Papa Diosnan ꞌain. An ca ax cuëëncësabi oíshi ꞌinun mitsu caísacëxa. Camabi menu ꞌicë unicama, an Nucën ꞌIbu Jesucristo aín ꞌuchacama tërë́nxunun quixun ñucácë, a unicama usai ꞌinun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman ꞌIbu ꞌianan nun ꞌIburibi ꞌicën.

Nukën 'Ibu Diosan ain unikama 'inan ain bana

² Mitsúxmi Corinto ëmanuax Jesucristomi catamëcë 'icë, cana cuënëoxun ënë quirica mitsu buánmin. Mitsux Cristo Jesúsmi catamëcë 'aish camina Nucën Papa Diosnan 'ain. An ca ax cuëëncësabi oíshi 'inun mitsu caísacëxa. Camabi menu 'icë unicama, an Nucën 'Ibu Jesucristo aín 'uchacama tërë́nxunun quixun ñucácë, a unicama usai 'inun caíscësaribi oquin ca Nucën Papa Diosan mitsu caísacëxa. Jesucristo ax ca a unicaman 'Ibu 'ianan nun 'Iburibi 'icën.

1 Corintios 1:2 ပူးပေါင်းရင်းမြစ်များ

Génesis 12:8

Usai ꞌitankëx ka anuax chikíkiani kuanxun amiaxa bari urukë Betel kakë ëma au ꞌikë niñu me anu xubusa okin aín chupa këxtú pëniankëxa. Betel kakë ëma ax ka amia bari kuabúkë au ꞌikë ꞌiakëxa, ꞌimainun ka achúshi ëma. Ai kakë axribi amiaxa bari urukë au ꞌikë ꞌiakëxa. A menuxunribi ka Abramnën anuxun Nukën ꞌIbu rabiti ꞌatankëxun rabiakëxa.

Génesis 4:26

Usa ꞌain ka Setnënribi achúshi bëchikë ꞌakëxa, aín anëx ka Enós kakë ꞌiakëxa. Usa ꞌain ka a nëtëkaman unin Nukën ꞌIbu ꞌakinun kixun ñukákëxa.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Hechos 15:9

Nuxnu judíos ꞌicëa nu ꞌimicësaribi oquin ca Nucën Papa Diosan judíosma unicama Jesucristomi catamëcë cupí aín ꞌuchacama tërë́nquin aín sinan upí ꞌimiaxa.

Hechos 18:1

Areópago cacë matánuxun bana ñuixuntancëx ca Pablo Atenas ëmanuax Corinto ëmanu cuancëxa.

Hechos 22:16

Usaími ꞌinúan caíscë ꞌaish camina bënëtishi nirui min ꞌuchacama tërë́nun Nucën ꞌIbu Jesúsmi catamëti nashimicë ꞌiti ꞌain.

Hechos 26:18

Minmi ꞌë ñuixuncëxa atux ñu ꞌatima ꞌatishi sinani bëánquibucënu nicësa ꞌaíshbi sinanaquin ñu upíshi ꞌati sinánun cana mi xutin, ñunshin ꞌatimanën ꞌapu Satanásnën ꞌibuacë ꞌaíshbi sinanatía Nucën Papa Diosnan ꞌinun. Usai ꞌëmi catamëcë ꞌaísha aín ꞌuchacama tërë́ncë ꞌinun cana atunu mi xutin. Usa ꞌain ca an mëníosabi oi atux aín unicamabë Nucën Papa Diosan nëtënu ꞌiti ꞌicën”.

Hechos 9:13

Usaquian cacëxun cuaquin ca Ananíasnën cacëxa: —Itsaira unin ca ꞌë caxa, a unin ca ꞌaisama ñu ꞌaquin, axa Jerusalénuax mimi catamëcë unicama bëtsi bëtsi oia quixun.

Hechos 9:14

Usa ꞌixun ca axa minan ꞌaish mibë banacë unicama sipuanuxun buánun isa quirica ꞌaxunun quixun sacerdotenën cushicama caxa.

Hechos 9:21

Usoquian Saulonën bana ñuixunia cuati ca unicama ratuti a ñui quiacëxa: —Ënë unix ca an Jerusalénuxun ami catamëquin a ië́minun Jesús ñucácë unicama tëmëramicë, a ꞌicën. Ax ca sacerdotenën cushicamanu buánuxun ënu ꞌicë unicamaribi bitsi uaxa. ¿Usa cat?

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Romanos 10:12

Judíos unicama ꞌimainun judíosma unicamaribi ꞌimainun uisa uni cara, axbi ca Cristomi catamëti ainan ꞌia. Cristo ax ca camabi uni axa ami catamëcë aín ꞌIbu ꞌicën. Usa ꞌixun ca an ñucácë unicama upí oquin ꞌaquianan ax cuëëncësamaira oquin ñu ꞌinania.

Romanos 3:22

Camabi uni an Jesucristomi catamëquin —aín quicësabi oquin ca ꞌën ꞌuchacama tërë́nti ꞌicë —quixun ꞌunáncë, acama ca Nucën Papa Diosan upí isia. Jesucristomi catamëcë cupíshi ca an judíos uni ꞌimainun judíosma uniribi upí isia.

Romanos 8:28

Cananuna ꞌunanin, Nucën Papa Diosan ca uisa ñu cara ꞌia abi, ax ami sináncë unicamaxa an ꞌaquincëx, upí ꞌinun mëníoxunia, atúan ax cuëëncësabi oquin ñu ꞌamainun. A unicama ax cuëëncësabi oquin ainan ꞌinun sinánmicë ꞌixun ca Nucën Papa Diosan usoquin ꞌaia.

1 Corintios 1:30

Nucën Papa Diosan ꞌimicëx camina ami catamëti Cristo Jesúsbë ꞌianan an sinánmicë ꞌain. Usa ꞌaish camina Cristo Jesús cupía, ax cuëëncësabi oquinshimi ꞌanun Nucën Papa Diosan ië́micë ꞌain.

1 Corintios 10:32

Usoquin camina uinu ꞌicë unibi, judíos uni ꞌimainun judíosma uniribi, ꞌimainun axa Jesucristomi catamëcë unicamaribi, Nucën Papa Diosmi ꞌuchati sinánmitima ꞌain.

1 Corintios 12:27

Usa ca ënëx ꞌicën. Aín taë, aín mëcën, aín pabí acamaxa ꞌitsa ꞌaínbi ca uni achúshishi ꞌicën. Usaribiti ca Cristobë aín unicama achúshishi ꞌicën.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

2 Corintios 1:1

ꞌËx Pablo ꞌixun cana mitsu quirica buánmin, camina biti ꞌain. Nucën Papa Dios cuëëncësabi oquin ca Jesucristonën ꞌën a ñuiquin aín bana uni ñuixunun ꞌë caísacëxa. An caísa ꞌixun cana Timoteobëtan mitsu quirica buánmin. Axribi Jesúsmi catamëcë ꞌaish ca nun xucën ꞌicën. Mitsúxmi Corinto ëmanu ꞌicë axa Jesucristomi catamëcë unicama ꞌimainun Acaya menu ꞌicëcama axa Jesucristo cupí Nucën Papa Diosan iscëx upí ꞌicë, micama cananuna ënë quirica buánmin.

2 Corintios 4:5

Nuxbi ñuiacaquin cananuna unicama bana ñuixuniman. Usoquin cananuna —Jesucristo ax ca Nucën ꞌIbu ꞌicë —quixun unicama bana ñuixunin. Nuxbi ñuiacaquinma cananuna Jesús, an nu nuibacë, an nu sinánmicësabi oquin aín bana mitsu ñuixunin.

Gálatas 1:2

Ënu ꞌicë axa ami catamëcë unicamabëtan cana Galacia mecamanu ꞌicë ëmacamanuaxmi Jesucristomi catamëcë ꞌicë, ënë quirica mitsu cuënëoxunin.

Efesios 5:26

Aín unicama aín nuitu upí ꞌimiquin ca Cristonën ax aín sinan ꞌaisama ꞌicëbi bëtsi oquin aín sinan upí ꞌimia. Usoquin ca ax quicësabi oquían ꞌanun aín bana ꞌunánmiquin aín unicama aín nuitu upí ꞌaísha chucacësa ꞌinun ꞌimia.

1 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin. Nucën Papa Dios ꞌimainun Nucën ꞌIbu Jesucristonëan nuibaquin chuámarua ꞌaíshmi bucunun mitsu ꞌaquinti cananuna cuëënin.

1 Tesalonicenses 4:7

Nucën Papa Diosan ca usaquin ñu ꞌatima ꞌanux ainan ꞌinun nu ꞌimicëma ꞌicën. Ama. Ax cuëëncësabi oquin ꞌai upíshi ꞌinun ca nu ainan ꞌimiaxa.

2 Tesalonicenses 1:1

ꞌËx Pablo ꞌixun cana Silvano ꞌimainun Timoteobëtan, Tesalónica ëmanuaxmi Nucën Papa Dios ꞌimainun Nucën ꞌIbu Jesucristonan ꞌicë, mitsu ënë quirica buánmin.

1 Timoteo 2:8

Ësa cana ꞌëx cuëënin, uinu cara axa Jesucristomi catamëcë unicama timëtia anuax ca nucë bënë unix upí oquin sinani, unimi nishi abë cuëbicananima, aín mëcën manámi oi Nucën Papa Diosbë banati ꞌicën.

2 Timoteo 1:9

Nucën Papa Diosan ca nu ië́miquin ainan ꞌimiacëxa, nuxnu ax cuëëncësabi oíshi upí ꞌinun. Nun ñu upí ꞌacë cupíma, axbi nuxnu ainan ꞌiti cuëënquinshi, ca nu nuibaquin Jesucristo cupí nu ainan ꞌimiacëxa. Camabi ñu uniocëma pain ꞌixun ca Nucën Papa Diosan nuibaquin, Cristo Jesusan nu ië́minun mëníocëxa.

2 Timoteo 2:19

Unían bëtsi bëtsi ñu sináncë ꞌaínbi ca sinanatëcë́ntima oquian, xënibua ꞌaínbi usabi ꞌiti oquin, Nucën Papa Diosan ꞌinan bana, ënëx ësai quia: “Uicamax cara asérabi ainan ꞌicë quixun ca Nucën ꞌIbu Diosan ꞌunania”. Quianan ca ësairibi quia: “Uicamax cara —ꞌëx cana Cristonan ꞌai —quia, an ca ñu ꞌaisama ꞌati ënti ꞌicën”.

2 Timoteo 2:22

Bëná unicaman ñunshínquin ñu ꞌacë, usaribi oquin ꞌati sinántima cupí camina atumi ꞌunánti ꞌain. Usai ꞌi camina axa aín nuitu upí ꞌaish Nucën ꞌIbu Diosbë banacë unicamabëtan upí ñuishi ꞌanan Jesucristomi catamëti, abë nuibanani pëcananíma chuámashi ꞌiti ꞌain.

Hebreos 10:10

Jesucristo aín Papa Dios cuëëncësabi oi, bamatsianxmabi achúshitishi bama ꞌain cananuna nux Cristo bama cupí Nucën Papa Diosan iscëx nun ꞌucha tërë́ncë ꞌaish asérabi ainan ꞌain.

Hebreos 13:12

Usaribiti ca Jesús, Jerusalén ꞌuri aín imi ꞌapati i curúsocënu, camabi uníxa aín ꞌucha tërë́ncë ꞌaish Nucën Papa Diosnan ꞌinun, bamacëxa.

Hebreos 2:11

Jesús, an aín unicama Nucën Papa Diosan iscë́xa upí ꞌinun ꞌimicë a ꞌimainun an usaquin ꞌimicë unicama, acaman Papa ca Nucën Papa Dios ꞌicën. Usa ꞌain ca Jesús aín unicama sinani rabinima, atux ca ꞌën xucë́antu ꞌicë quia,

Judas 1:1

ꞌËx cana Judas, an Jesucristonën cacësabi oquin ñu ꞌacë ꞌianan Jacobonën xucën, a ꞌain. Mitsúxmi ainan ꞌinun caíscë ꞌicëa Nucën Papa Diosan Jesucristomi cushicë ꞌinun ꞌimicë ꞌicë, cana ënë quirica mitsu cuënëoxunin.

Apocalipsis 19:16

Aín chupanu ꞌimainun ca aín quisinuribi ësaquin cuënëocë ꞌiaxa: “ꞌApucaman ꞌApu ꞌianan ꞌibucaman ꞌIbu”.