1 Corintios 1:13 - Kashibo-Kakataibo Biblia

¹³ ¿Mitsun sináncëx cara Cristo ꞌitsa ꞌic? Cristo ca ꞌitsama ꞌicën, ax ca achúshishi ꞌicën. ꞌËx cana mitsun ñu ꞌaisama ꞌacëcama tërë́ncë ꞌinun i curúsocënu bamama ꞌain. ꞌËmi catamëtima Cristomishi catamëti camina nashimicë ꞌian.

Nukën 'Ibu Diosan ain unikama 'inan ain bana

¹³ ¿Mitsun sináncëx cara Cristo 'itsa 'ic? Cristo ca 'itsama 'icën, ax ca achúshishi 'icën. 'Ëx cana mitsun ñu 'aisama 'acëcama tërë́ncë 'inun i curúsocënu bamama 'ain. 'Ëmi catamëtima Cristomishi catamëti camina nashimicë 'ian.

1 Corintios 1:13 ပူးပေါင်းရင်းမြစ်များ

Mateo 28:19

Usa ꞌain camina mitsun camabi menu cuanquin anu ꞌicë unicama ꞌëmi catamënun sinánmiti ꞌain. Usoquin sinánmiquin camina, ëmi ca catamëtia quixun ꞌunántioquin ꞌën Papa Diosmi sinani, ꞌëmiribi sinánan aín Bëru Ñunshin Upími sinania, nashimiti ꞌain.

Mateo 3:6

Cuanxúan atun ꞌuchacama chiquinatia ca Juanën Jordán bacanuxun nashimiacëxa.

Hechos 10:48

Ësoquin catancëxun ca Pedronën a unicama Jesucristomi catamëcë ꞌaísha nashimicë ꞌinun cacëxa. Nashimicë ꞌixun ca Pedro a unicaman atubë pan isa ꞌinun quixun cacëxa.

Hechos 19:5

Usaía Pablo quia cuati ca Nucën ꞌIbu Jesúsmi catamëti a unicamax nashimicë ꞌiacëxa.

Hechos 2:38

Cacëxun ca Pedronën atu cacëxa: —ꞌAtimoquin sinánxunbi camina sinanaquin, upí oquin Nucën Papa Diosmi sinánti ꞌain. Usai ꞌitancëx camina mitsun ꞌuchacama tërë́ncë ꞌinun Jesucristomi catamëti nashimicë ꞌicanti ꞌain. Usai ꞌicëbëtan ca Nucën Papa Diosan aín Bëru Ñumshin Upí abëmi ꞌinun mitsu ꞌinánti ꞌicën.

Romanos 14:9

Aín unicamax bamacëma ꞌaish ꞌianan bamatancëxribi ainan ꞌinun ca Cristo bamaxbi baísquiacëxa.

1 Corintios 1:15

Usa ꞌain camina mitsux Cristomi sinanima —Pablonan ꞌaish cana nashimicë ꞌai —quiax quitima ꞌain.

1 Corintios 10:2

Usaquin nëtë cuinan bëararacë ꞌaish parúnpapa sicaracëtancëx ca nucën raracamax Nucën Papa Diosmi catamëti Moisésbë upí ꞌaish an buáncëx abë cuancëxa.

2 Corintios 11:4

Mitsun camina uni itsían nun ꞌacësabi oquin Jesusan bana ñuixunquinma, a bana bëtsi oquin ñuixuncëxun cuatin. Cuanan camina Nucën Papa Diosan Bëru Ñunshin Upitan sinánmicëma, bëtsi ñunshinan sinánmicë unicaman mitsu ñuixuncëxun a bana cuatin. Cuanan camina Jesucristo cupía Nucën Papa Diosan nu ië́miti a bana pain cuaxunbi ënquin bërí bëtsi bana, unin ñuixuncë, aribishi cuacanin.

Gálatas 1:7

Anúan uni aín ꞌucha tërë́ncë ꞌaish Nucën Papa Diosnan ꞌinux ië́ti bëtsi bana ca ꞌaíma ꞌicën. Usa ꞌaínbi ca uni raírinën mitsu ꞌatimaquin sinánmiquin a bana bëtsi oisa tanquin bëtsi oquin ñuia.

Efesios 4:5

Nucën ꞌIbu Jesucristo axëshi ca aín unicaman ꞌIbu ꞌicën. Ax ca achúshi ꞌicën, amishi catamëti cananuna camáxbi nun ꞌucha tërë́ncë ꞌaish ainan ꞌain. Jesucristomishi catamëcë cupí cananuna nashimicë ꞌain.

Tito 2:14

Jesucristo ca ꞌitsianxmabi nu cupí bamacëxa, nun ꞌuchacama tërë́nxunquin Nucën Papa Diosbë upí ꞌinun ië́mianan nun sinan upí ꞌixúnu bëtsi ñu sinántëcënquinma ax cuëëncësabi oquinshi ꞌanun.