Lucas 9:20 - Nukën 'Ibu Diosan ain unikama 'inan ain bana

²⁰ Cacëxun ca Jesusan aín 'unánmicë unicama cacëxa: —¿Atúxa usai quimainun caramina mitsux 'ëx caraisna ui 'ai quin? Quia ca Pedronën cacëxa: —Mix camina Cristo, Nucën Papa Diosan ënu unun xuti, axa uti nun caíncë, a 'ain.

Kashibo-Kakataibo Biblia

²⁰ Cacëxun ca Jesusan aín ꞌunánmicë unicama cacëxa: —¿Atúxa usai quimainun caramina mitsux ꞌëx caraisna ui ꞌai quin? Quia ca Pedronën cacëxa: —Mix camina Cristo, Nucën Papa Diosan ënu unun xuti, axa uti nun caíncë, a ꞌain.

Lucas 9:20 ပူးပေါင်းရင်းမြစ်များ

Mateo 22:42

—¿Mitsun sináncëx cara Cristo, axa 'apu 'itia judíos unibunën caíncë, ax uisa uni 'ic? ¿Uin rëbúnqui cara ax 'iti 'ic? Cacëxun ca cacëxa: —Ax ca Davitan rëbúnqui 'iti 'icën. Usa 'aish ca Davidbë sënën 'iti 'icën.

Mateo 26:63

Quixuan cacëxbi ca Jesús quiáma 'icën. Quiamoquin ca judíos sacerdotenën cushicaman 'apun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a 'ain?

Mateo 5:47

Mitsun aintsishi sináncë 'aish camina an Nucën Papa Dios 'unáncëma unibu 'icësaribi 'ain. Atun ca aín aintsishi sinania. Usa 'aínbi camina mitsun aintsishima camabi uni sinánti 'ain, Nucën Papa Dios cuëëncësabi oquin.

Marcos 14:61

Quixuan cacëxbi ca Jesús uisaíbi banama 'icën. Quiama oquin ca judíos sacerdotenën cushicaman 'apun amiribishi catëcëancëxa: —¿Mix caramina Cristo, Nucën Papa Dios anu nun rabicë, aín Bëchicë a 'ain?

Marcos 8:29

Cacëxun ca Jesusan aín 'unánmicë unicama cacëxa: —¿Atúxa usai quimainun caramina mitsux 'ëx caraisana ui 'ai quiax quin? Quia ca Pedronën cacëxa: —Mix camina Cristo, axa utinu nun caíncë, a 'ain.

Lucas 22:67

—Mix asérabi ax utinu nun caíncë, Cristo 'ixun camina, asérabi cana a 'ai quixun nu cati 'ain. Cacëxun ca Jesusan cacëxa: —Asérabi cana a 'ai quixun 'ën mitsu cacëxunbi camina 'ën bana ca asérabi 'icë quixun sináncantima 'ain.

Lucas 9:19

Cacëxun ca cacëxa: —Raírinëx ca quia, mix ismina Juan, an uni nashimicë, a 'ain. Raírinëx ca quia, mix ismina Elías a 'ain. Raírinëxribi ca quia, mix ismina an Nucën Papa Dios quicë bana unicama ñuixuncë unicamaxa bama a achúshinëxa baísquicë a 'ain.

Juan 1:41

Jesusan 'itinuax cuanxun ca Andrésnën aín xucën Simón Pedro bariquin mëraxun cacëxa: —Mesías cananuna isan. Mesías quicë bana, ax ca Cristo, axa utia judíos unicaman caíncë a qui quicë 'icën.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë 'ianan Israel unicaman 'apu 'ain.

Juan 11:27

Usaquian cacëxun ca Martanën cacëxa: —Mix camina Nucën Papa Diosan Bëchicë, Cristo, axa utinu nun caíncë a 'ai quixun cana 'unanin.

Juan 20:31

Jesús ax ca asérabi Cristo, Nucën Papa Diosan Bëchicë 'icë quixun 'unanimi ami catamëti mitsux xënibua 'aínbi Nucën Papa Diosnan 'inun cana ënë banacama cuënëon.

Juan 4:29

—'Ëbë banaquin ca achúshi unin 'ëx usai 'icëcama ñuiquin 'ë caxa. Ënëx sapi ca asérabi Cristo 'icën, ca isi ut.

Juan 4:42

Usai 'iquin ca a unicaman a xanu cacëxa: —Minmi nu cacëxun cuaxunbi cananuna bërí nunbi aín bana cuaquin 'unanin, asérabi ca ax Cristo, an camabi menu 'icë uni Nucën Papa Diosnan 'inun ië́miti, a 'icë quixun.

Juan 7:41

Quimainuan raíri —ënëx ca Cristo, axa utinu nun caíncë a 'icë —quicëbëbi ca raírinëx quiacëxa: —Cristo ca Galilea menuax utima 'icën.

Hechos 17:3

Cuënëo bananu ñuicësabi oquin 'unánmianan ca —a bana quicësabi oi 'iti 'aish ca Cristo paë tantancëx bamatancëx baísquiaxa —quixun canan ca —'ën mitsu ñuixuncë Jesús abi ca axa uti nun caíncë Cristo ax 'icë quixun ñuixuancëxa.

Hechos 8:36

Ñuixunbiancëxun ca baca cuëbí 'urama cuanquin, a unin Felipe cacëxa: —Ënu ca baca 'icën. ¿Anuxun caramina 'ë nashimitima 'ain?

Hechos 9:22

Quicancëbëtanbi ca Saulonën aín bana cushiira 'ixun Damasconu 'icë unicama sináncasmamiquin —Jesús ax ca asérabi Cristo, axa ënë menu uti judíos unicaman caíncë a 'icë —quixun bana ñuixuancëxa.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a 'icë —quixun sináncë unicamax ca Nucën Papa Diosan bëchicëribi 'icën. Uicamax cara Nucën Papa Diosmi sinania ax ca aín bëchicëcamamiribi sinania.