Lucas 8:50 - Nukën 'Ibu Diosan ain unikama 'inan ain bana

⁵⁰ Caia cuaquin ca Jesusan cacëxa: —Racuë́axma ca 'it. 'Ën cana mi 'aquinti 'ai quixun ca sinan. Usaquinmi sináncëbë ca pëxcúti 'icën.

Kashibo-Kakataibo Biblia

⁵⁰ Caia cuaquin ca Jesusan cacëxa: —Racuë́axma ca ꞌit. ꞌËn cana mi ꞌaquinti ꞌai quixun ca sinan. Usaquinmi sináncëbë ca pëxcúti ꞌicën.

Lucas 8:50 ပူးပေါင်းရင်းမြစ်များ

Marcos 5:36

Caia cuaquin ca Jesusan a 'apu cacëxa: —Racuë́axma ca 'it. 'Ën cana mi 'aquinti 'ai quixun ca sinan.

Marcos 9:23

Cacëxun ca Jesusan cacëxa: —Minmi 'ë, ca 'axunti 'icë quixun sináncëbëtan cana 'ati 'ain. An 'ëmi catamëquin, 'ën cana asérabi 'axunti 'ai quixun sináncë uni a cana uisa ñu cara abi 'axunti 'ain.

Lucas 8:48

Ñuixuncëxun ca Jesusan cacëxa: —'Ën cana mi pëxcuti 'ai quixun asérabi sinani camina pëxcúan. Chuámashi 'aish ca cuantan.

Lucas 8:51

Usaquin cabiani cuanbaiti a 'apun xubunu bëbaquin ca Pedro, Juan, Jacobo, acama 'imainun xu xanun papa 'imainun aín tita, acamaxëshi abë atsínun atsínmiquin, uni raíricama ëmáinshi bërúnun quixun cacëxa.

Juan 11:25

Cacëxun ca Jesusan cacëxa: —'Ëx cana an uni baísquimiti a 'ain, 'ianan cana anúan uni ainan 'aish Nucën Papa Diosbë 'iti a 'ain. Axa 'ëmi catamëcë uni, ax ca bama 'aíshbi tsónux baísquiti 'icën.

Juan 11:40

Usaquian cacëxunbi ca Jesusan Marta cacëxa: —'Ën cana mi can, asë́rabi 'ëmi catamëquin camina Nucën Papa Diosan aín cushin ñu 'aia isti 'ain. ¿Usa cat?

Romanos 4:17

Nucën Papa Diosan bana a ñuiquian cuënëo ax ca ësai quia: “Mi cupía min rëbúnqui 'itsaira 'inun cana mi aín rarami 'inun 'imin”. Usaquin ca Nucën Papa Diosan amia catamëcë 'ixun Abraham cacëxa. Nucën Papa Dios ax ca an uni bamacëbi tsótëcënun baísquimiti 'ianan an aín sinanëinshi, 'aíma 'icëbi, ñu uniocë a 'icën.

Romanos 4:20

Usai ca 'itima 'icë quixun sinánquinma, Nucën Papa Diosan ca asérabi aín quicësabi oquin 'ati 'icë quixun sinani ami catamëquin ca Abrahamnën Nucën Papa Dios rabiacëxa.