Lucas 8:48 - Nukën 'Ibu Diosan ain unikama 'inan ain bana

⁴⁸ Ñuixuncëxun ca Jesusan cacëxa: —'Ën cana mi pëxcuti 'ai quixun asérabi sinani camina pëxcúan. Chuámashi 'aish ca cuantan.

Kashibo-Kakataibo Biblia

⁴⁸ Ñuixuncëxun ca Jesusan cacëxa: —ꞌËn cana mi pëxcuti ꞌai quixun asérabi sinani camina pëxcúan. Chuámashi ꞌaish ca cuantan.

Lucas 8:48 ပူးပေါင်းရင်းမြစ်များ

Mateo 12:20

Pëcú pëchi sitan oquin pësínpacë a ca xanun 'aisama 'icë putia. Usa 'aínbi ca 'ën Bëchicënën uni 'aisama 'aísha 'uchañu 'aíshbi ainan 'iisa tania cuantánun xutima 'icën. Lamparín bënabuti cuíncësa ca axa ami sinanibi ami cushiiracëma uni ax 'icën. Usa unibi ca ainan 'iaxma cuantánun xutima 'icën. Anun camabi ñu 'aisamacama cëñuti nëtë utámainun ca aín cushínbi ami catamëcë unicama 'aquinti 'icën.

Mateo 8:13

Usaquin unicama catancëxun ca Jesusan capitán cacëxa: —Camina min xubunu cuanti 'ain. 'Ëmi catamëquinmi 'ën usoquin 'axúnun quixun 'ë cacësabi oi ca min uni pëxcutia. Jesús ësai quicëbëshi ca capitanën ñu mëëmicë uni anu 'aíshmabi pëxcüacëxa.

Mateo 9:2

Bëbacëbëa 'itsa uni timë́cëbëtan ca raírinën uni achúshi ñucë nirucuaínquinbi tancëma bacë́tinu racánxun bëacëxa. Bëquin ca —Jesusan ca ënë uni pëxcuti 'icë —quixun aín nuitu mëu sináncëxa. Sinania atun sinan 'unánquin ca Jesusan ñucë uni cacëxa: —Chuámashi ca 'it. Min 'uchacama ca tërë́ncë 'icën.

Mateo 9:22

Ticaia tani niracëti cuainacëquin ca Jesusan a xanu mëraquin cacëxa: —Camina chuámarua 'iti 'ain. 'Ën cana mi pëxcuti 'ai quixun asérabi sinani camina pëxcúan. Cacëxëshi ca pëxcúacëxa.

Marcos 5:34

Cacëxun ca Jesusan cacëxa: —'Ën cana mi pëxcuti 'ai quixun asérabi sinani camina pëxcúan. Usai camina 'itëcëniman. Chuámashi 'aish ca cuantan.

Lucas 17:19

Usai quitancëxun ca Jesusan Samarianu 'icë uni cacëxa: —'Ën mi pëxcuti sinani 'ëmi catamëti camina pëxcúan. Niruquiani ca cuantan.

Lucas 18:42

Cacëxun ca Jesusan cacëxa: —Ca bëpë́quit. 'Ën mi bëpë́xcuti sinani 'ëmi catamëti camina bëpë́xcüan.

Lucas 7:50

Usaía cananmainun ca Jesusan a xanu cacëxa: —'Ën min 'ucha tërë́nti sinani 'ëmi catamëti camina min 'ucha tërëncë 'ain. Chuámashi 'aish camina cuanti 'ain.

Lucas 8:47

Usai quia cuati, —an ca 'unania —quixun sinani racuëti bërërui, anu cuanx aín bëmánon rantin puruni tsóbuquin ca axa pëxcúcë xanun, unicaman cuamainunbi, uisacasquin cara a ticaxa quixun ñuixuanan aín chupa ticaíshia pëxcúcë aribi Jesús ñuixuancëxa.

Hechos 14:9

Usa 'ixun ca a unin tsóxun Pablonëan bana ñuia cuacëxa. Cuatia isquin ca Pablonën, ënë unin ca —Nucën Papa Diosan ca 'ë pëxcuti 'icë —quixun sinania quixun 'unáncëxa.

2 Corintios 6:18

'Imianan cana mitsun Papa 'iti 'ain. 'Icëbë camina mitsux, bëbu 'imainun xanucamaxribi, 'ën bëchicë 'iti 'ain. Usai cana mitsun 'Ibu Dios, cushiira, 'ëx quin.

Hebreos 4:2

A me anu chuámarua 'iti ñui quicë bana a ca nucën raracaman cuacëxa. Cuaquinbi ca —asérabi ca a menunu 'inun nu buánti 'icë —quixun sinánma 'icën. Usa 'aish ca a ñuixuan menu bëbama 'icën. Anu nucën raracama bëbama 'aínbi ca Nucën Papa Diosan nucën rara cásaribi oquin nux Jesucristomi catamëti aín nëtënu abë 'inux ië́ti bana ñuiquin nuribi caxa.