Lucas 7:40 - Nukën 'Ibu Diosan ain unikama 'inan ain bana

⁴⁰ Usaquin sinania 'unánquin ca Jesusan cacëxa: —Simón, cana mi achúshi ñu caisa tanin. Cacëxun ca cacëxa: —Asábi ca, 'ë ca cat.

Kashibo-Kakataibo Biblia

⁴⁰ Usaquin sinania ꞌunánquin ca Jesusan cacëxa: —Simón, cana mi achúshi ñu caisa tanin. Cacëxun ca cacëxa: —Asábi ca, ꞌë ca cat.

Lucas 7:40 ပူးပေါင်းရင်းမြစ်များ

Mateo 26:49

Usaquian unicama cacësabi oquin ca anua Jesús 'icë anu bëbaquin Judas Iscariotenën ax pain anu cuanquin ¿ënu caina 'ain? —caquin Jesús bëtsucucacëxa.

Mateo 7:22

Anun ënë nëtëcama cëñúcë nëtën ca 'itsa unin 'ë cati 'icën: Mix nun 'Ibu 'ain cananuna min cushínbi bana ñuixuan, min cushin ñunshin 'atima uninua chiquíanan cananuna min cushin uni itsin 'acëma ñu 'an.

Lucas 18:18

Aín cushi uni achúshinën ca Jesús ësoquin cacëxa: —Mix camina asérabi upí uni 'ain. Usa 'ixun camina 'ë ñuixunti 'ain, ¿'ëx nëtë́timoi Nucën Papa Diosan nëtënu abë 'inuxun carana añu 'ati 'ai? quixun.

Lucas 5:22

Usaquian sinania 'unánquin ca Jesusan cacëxa: —¿Uisacasquin caramina mitsun usaquin sinanin?

Lucas 5:31

Caia ca Jesusan cacëxa: —Paë tancëma uni, ax ca rucuturuan a ronti cuëënima. Paë tancë uni, ax cuni ca rucuturuan a ronti cuëënia.

Lucas 6:8

Usaquian sináncania 'unánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Lucas 7:39

Usoia isquin ca fariseo uni an Jesús pi unun cacë, an sináncëxa: Ënë unix asérabi an Nucën Papa Dios quicë bana unicama ñuixuncë 'ixun ca uin cara a tamëëtia quixun 'unánan an tamëëcë ax cara uisa xanu 'icë quixun 'unántsianxa. Ënëx ca xanu 'aisama 'icën.

Lucas 7:41

Cacëxun ca Jesusan ësaquin Simón cacëxa: —Ënëx ca ësa 'icën. Achúshi uni ca uni rabëtan curíqui ribíanxa. Achúshinën quinientos curíqui ribínmainun ca bëtsin cincuenta curíquishi ribíanxa.

Juan 13:13

Mitsun camina 'ëx isana mitsun 'Ibu 'ianan an mitsu 'unánmicë a 'ai quixun 'ë cain. Asérabi cana 'ëx usa 'ain.

Juan 16:19

A ñucácatsi quiáxa canania 'unánquin ca Jesusan atu cacëxa: —Ënu mitsubë 'itancëx nëtëtia camina 'ë istima 'ain. 'Ixunbi camina 'itsama nëtë́inshi 'ë istëcënti 'ai quixun 'ën mitsu cacë bana ñui caramina cananin?

Juan 16:30

Bërí cananuna 'unanin, upí oquin camabi ñu 'unánquin camina bana ñuixuanan bëtsi ñuribi 'an. A cupí cananuna mi ñucátëcënquinma, asérabi ca usa 'icë quixun 'unánan mix camina asérabi Nucën Papa Diosnuax uá 'ai quixun 'unanin.

Juan 3:2

Usa 'ixun ca anu ñantan cuanxun Jesús cacëxa: —Unían mix camina cushiira 'ai quixun 'unánun camina uinu 'icë unínbia 'acëma ñu 'ain. Nucën Papa Diosa abëma 'ain ca uinu 'icë unínbi minmi 'acësoquin ñu 'atima 'icën. Usa 'ain cananuna 'unan, Nucën Papa Diosan ca minmi nu 'unánminun ënë menu mi xuacëxa quixun.