Lucas 6:8 - Nukën 'Ibu Diosan ain unikama 'inan ain bana

⁸ Usaquian sináncania 'unánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Kashibo-Kakataibo Biblia

⁸ Usaquian sináncania ꞌunánquin ca Jesusan aín mëcën bamacë uni cacëxa: —Nëri ai ca nëbë́tsi ënu niracët. Cacëx nirucuatsini ca anu niracëacëxa.

Lucas 6:8 ပူးပေါင်းရင်းမြစ်များ

Mateo 9:4

Usaquin sinania 'unánquin ca Jesusan cacëxa: —¿Uisacasquin caramina mitsun usaquin sinanin?

Marcos 3:3

Bërúancëxunbi ca aín mëcën bamacë uni Jesusan cacëxa: —Nirucuatsini ca nëri ut.

Lucas 13:12

Usa 'icë isquin cuënxun ca Jesusan cacëxa: —Min 'insin ca nëtë́axa, camina pëxcúcë 'ain.

Lucas 5:22

Usaquian sinania 'unánquin ca Jesusan cacëxa: —¿Uisacasquin caramina mitsun usaquin sinanin?

Lucas 6:9

Anua nimainun ca Jesusan an Moisésnën cuënëo bana 'unáncë unicama 'imainun fariseo unicama cacëxa: —Ësaquin cana mitsu ñucatin, ¿anun ñu mëëtima nëtën cara unin ñu upí 'ati 'ic? ¿Cara ñu upíma 'ati 'ic? ¿Anun ñu mëëtima nëtën cara unin uni itsi 'insíncë 'aquinti 'ic? ¿Cara bamatanun isëshiti 'ic?

Juan 2:25

An ca unían cacëxunmabi camabi unin sinan 'unáncëxa.

Juan 21:17

Rabë́ oquin catancëxun ca amiribishi catëcëancëxa: —Jonásnën bëchicë, Simón, ¿caramina 'ë nuibatin? Rabë́ 'imainun achúshi oquian —caramina 'ë nuibati —quixun cacëxun ca Simón Pedronën —¿uisoti cara 'ë 'itsoquin ñucatia? —quixun sinani masá nuituquin cacëxa: —'Ën 'Ibu, min camina camabi ñu 'unanin. Usa 'ixun camina 'ën cana mi nuibati quixun 'unanin. Quia ca Jesusan cacëxa: —'Ën carnero ca piminuxun 'at.

Juan 9:4

Bëánquicëbëtan ca unin ñu mëëtima 'icën. Usa 'ain ca nëtën ñu mëëia. Usaribi oquin cana bamacëma pain 'ixun 'ën an 'ë xuá axa quicësabi oquin ñu 'ati 'ain.

Hechos 20:24

Usaquian 'unánmicëxbi cana 'ëx uisai carana 'iti 'ai quixun sinani bënëtiman. Bamanuxunbi Nucën 'Ibu Jesusan cacësabi oquin 'ai cuëënquin sënë́onti cana cuëënin, Nucën Papa Diosan ca nuibaquin unicama ainan 'inun ië́misa tania quixuan camabi unin 'unánun.

Hechos 26:26

'Apu Agripa ënën ca 'ëx a ñui quicë ñucama ënë upí oquin 'unánxa. Unían isnunma ñu 'acëma 'ixun cana 'ën, an ca asérabi 'ën ñuicë ñucama 'unánxa quixun 'unanin. Usa 'ain cana racuë́quinma ënë ñucama a ñuixunin.

Filipenses 1:28

Cuanan cana mitsumi nishquian unin 'atimocëxunbi camina racuë́quin a ëníma Jesucristomi catamëti quixuan unin ñuia cuaisa tanin. Mitsúxmi usai 'icëbëtan ca Nucën Papa Diosan sinánmicëxun axa mimi nishcë unicaman 'unánti 'icën, ainanma 'aish ca atux nëtë́timoi usabi 'inux bamati 'icë quixun. 'Unánan ca mitsux camina ainan 'inux ië́cë 'aish Nucën Papa Diosbë 'iti 'ai quixun 'unánti 'icën.

Hebreos 4:13

Axa an unio 'aish Nucën Papa Diosmi unë́ti uisa ñubi ca 'aíma 'icën. An uni aín ñu 'acë cupí, uisa cara oti 'icë quixun 'unáncë, Nucën Papa Dios, an ca camabi ñua unin 'aia 'unánan aín nuitu mëúa chiquinaquinma sináncë ñubi 'unania.

1 Pedro 4:1

Uni 'ixun ca Cristonën tëmëraquin paë tancëxa. Usa 'ain camina 'unánti 'ain, mitsúnribi camina —sapi cana tëmëraquin paë tanti 'ai —quixun sinánti 'ain. Uin cara Jesucristonan cupí tëmëraquin paë tanxa an ca ñu 'atima 'ai 'uchati ëanxa.

Apocalipsis 2:23

'Anan cana a xanun 'unánmicë 'ixuan an 'atima ñu 'acë unicamaribi aín tuása 'icë acama bamamiti 'ain. 'Ën usaquin 'acëbëtan ca camabi ëmanu 'icë axa 'ëmi catamëcë unicaman 'unánti 'icën, 'ën cana camabi unían sináncë ñu 'unanin, uisaquin cara aín nuitu mëu sinania quixunribi cana 'unanin. 'Unánquin cana an upí oquin sinánquin ñu 'acë uni axa upitax 'inun 'imianan, an 'atima ñu 'acë uni a aín 'ucha cupí uisoquin carana 'ati 'ai usoquin 'ati 'ain.