Lucas 5:14 - Nukën 'Ibu Diosan ain unikama 'inan ain bana

¹⁴ Usaria pëxcutia ca Jesusan cacëxa: —'Ën mi pëxcucë ñuiquin camina uinu 'icë unibi catima 'ain. Caíma cuanxun camina min nami pëxcúcë judíos sacerdote ismiti 'ain. Ismianan camina Nucën Papa Dios rabiquin Moisés quiásabi oquin a ñu 'inánti 'ain, camina asérabi pëxcúa quixuan camabi unin 'unánun.

Kashibo-Kakataibo Biblia

¹⁴ Usaria pëxcutia ca Jesusan cacëxa: —ꞌËn mi pëxcucë ñuiquin camina uinu ꞌicë unibi catima ꞌain. Caíma cuanxun camina min nami pëxcúcë judíos sacerdote ismiti ꞌain. Ismianan camina Nucën Papa Dios rabiquin Moisés quiásabi oquin a ñu ꞌinánti ꞌain, camina asérabi pëxcúa quixuan camabi unin ꞌunánun.

Lucas 5:14 ပူးပေါင်းရင်းမြစ်များ

Mateo 10:18

'Ën bana uni ñuixuncë cupí ca unin mitsumi nishquin judíosma unibunën 'apunu mitsu buánti 'icën, ami mitsu ñui manánuxun. Usocëxunbi camina a 'apucama 'imainun judíosma uniburibi 'ën mitsu 'unánmicë banacama ñuixunti 'ain.

Mateo 12:16

—an ca usoquin ñu 'aia quixun camina 'ë chaniotima 'ai —quixun cacëxa.

Mateo 8:4

Pëxcutia ca Jesusan a uni 'ësëquin cacëxa: —'Ën mi pëxcucë ñuiquin camina uinu 'icë unibi catima 'ain. Caíma cuanxun camina min nami pëxcúcë judíos sacerdote ismiti 'ain. Ismianan camina Nucën Papa Dios rabiquin Moisés quiásabi oquin a ñu 'inánti 'ain, camina asérabi pëxcúa quixun camabi unin 'unánun.

Mateo 9:30

Usaquian cacëx ca bënëtishi bëmëniocacëxa. Bëmëniocatia ca Jesusan cacëxa: —Unían 'ën mi ësoquin 'acë ënë 'unánxunma 'anun camina ui unibi ñuixuntima 'ain.

Marcos 1:44

—'Ën mi pëxcucë ñuiquin camina uinu 'icë unibi catima 'ain. Caquinmabi camina cuanxun min nami pëxcúcë judíos sacerdote ismiti 'ain. Ismianan camina Nucën Papa Dios rabiquin Moisés quiásabi oquin a ñu 'inánti 'ain, camina asérabi pëxcúa quixuan camabi unin 'unánun.

Marcos 6:11

Uinu 'icë ëmanu 'icë unicaman cara mitsu biisama tanan mitsun bana cuaisama tania, aín ëmanuax cuani camina anu 'icë unicaman, mitsun bana cuatíma ca Nucën Papa Diosan iscëx 'aisama 'icë quixun 'unánun, mitsun taxacanu 'icë me cupúcë tacabiani cuanti 'ain. 'Ën cana asérabi mitsu cain, Sodoma ëmanu 'icë unicama 'imainun Gomorra ëmanu 'icë unicama ca aín bana cuaisama tancë cupí Nucën Papa Diosan castícancëxa. Usamaira oquin castícancë ca a ëmanu 'icë unicama an mitsu bicëma cupí ax 'iti 'icën.

Lucas 17:14

Cacëxun isquin ca Jesusan cacëxa: —Ca cuantan. Cuanxun ca judíos sacerdote usaími 'icë ismianan mitsun nami ismitan. Usoquin cacëx cuaníbi ca atun nami chëquicëcama pëxcúacëxa.

Lucas 5:13

Cacëxun aín mëcënan ramëquin ca Jesusan 'insíncë uni cacëxa: —Cana mi 'ati 'ain. Min nami ca upí 'itëcëni motia. Usaquian cacëxëshi moti ca aín ñucë nëtë́acëxa.

Lucas 9:5

Uinu 'icë ëmanu 'icë unicaman cara mitsu biisama tanan mitsun bana cuaisama tania, aín ëmanuax cuani camina anu 'icë unicaman, mitsun bana cuatíma ca Nucën Papa Diosan iscëx 'aisama 'icë quixun 'unánun, mitsun taxacanu 'icë me cupúcë tacabiani cuanti 'ain.