Lucas 4:41 - Nukën 'Ibu Diosan ain unikama 'inan ain bana

⁴¹ Ñunshin 'atimanëxribi ca 'itsa uni 'insíncënuax chiquíacëxa. Chiquiti munuma cuëncëni ca quiacëxa: —Mix camina Diosan Bëchicë 'ain. Quiabi ca Jesusan —ca nëtë́t —caquin ñunshin 'atima banamiquinma nëtë́miacëxa. Atúxa Jesús ax ca Cristo, a Nucën Papa Diosan xucë a 'icë quixun 'unáncë 'aíshbi usai quiti ca Jesús cuëëanma 'icën. Usa 'ain ca atúxa quiabi nëtë́miacëxa.

Kashibo-Kakataibo Biblia

⁴¹ Ñunshin ꞌatimanëxribi ca ꞌitsa uni ꞌinsíncënuax chiquíacëxa. Chiquiti munuma cuëncëni ca quiacëxa: —Mix camina Diosan Bëchicë ꞌain. Quiabi ca Jesusan —ca nëtë́t —caquin ñunshin ꞌatima banamiquinma nëtë́miacëxa. Atúxa Jesús ax ca Cristo, a Nucën Papa Diosan xucë a ꞌicë quixun ꞌunáncë ꞌaíshbi usai quiti ca Jesús cuëëanma ꞌicën. Usa ꞌain ca atúxa quiabi nëtë́miacëxa.

Lucas 4:41 ပူးပေါင်းရင်းမြစ်များ

Mateo 26:63

Quixuan cacëxbi ca Jesús quiáma 'icën. Quiamoquin ca judíos sacerdotenën cushicaman 'apun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a 'ain?

Mateo 4:3

Panancë ca ñunshin 'atimanën 'apun anu uxun 'atima ñu 'amicatsi quixun ësaquin cacëxa: —Asérabi Diosan Bëchicë 'ixun ca ënë maxáxcama pán 'inun cat.

Mateo 8:16

A nëtë́nbi ca bari cuabúcëbëa bëbáquishbucëbëtan a ëmanu 'icë unicaman ñunshin 'atimañu unicama an pëxcunun Jesúsnu bëacëxa. Bëia ca Jesusan aín banáinshi ñunshin 'atimacama uninua chiquíanan uni ñucëcamaribi pëxcüacëxa.

Mateo 8:29

Usa 'ixun ca a isi munuma cuëncë́nquin Jesús cacëxa: —¿Uisati caramina Jesús, Diosan Bëchicë, min nu ubíoin? ¿Anúnmi nu masóti nëtë ucëma pan 'aínbi caramina nu ubíoi uan?

Mateo 8:4

Pëxcutia ca Jesusan a uni 'ësëquin cacëxa: —'Ën mi pëxcucë ñuiquin camina uinu 'icë unibi catima 'ain. Caíma cuanxun camina min nami pëxcúcë judíos sacerdote ismiti 'ain. Ismianan camina Nucën Papa Dios rabiquin Moisés quiásabi oquin a ñu 'inánti 'ain, camina asérabi pëxcúa quixun camabi unin 'unánun.

Marcos 1:25

Quia ca Jesusan cacëxa: —Ca nëtët. Ënë uninuax ca chiquit.

Marcos 1:32

A nëtë́nbi ca bari cuabúcëbëa bëbáquishbucëbëtan a ëmanu 'icë unicaman, uni 'insíncëcamacëñun uni ñunshin 'atimañu acama an pëxcunun Jesúsnu bëacëxa.

Marcos 1:34

Usaria ca Jesusan bëtsi bëtsi 'insínñu unicama pëxcüacëxa, pëxcüanan ca 'itsa uninua ñunshin 'atima chiquíancëxa. Chiquíncëxuan ui cara ax 'icë quixun 'unáncëxun ca Jesusan uisaíbia a ñui banati cuëënquinma ñunshin 'atima banamiama 'icën.

Marcos 3:11

Usaria isi aín bëmánon cuani rantin puruni tsóbuti munuma banaquin ca ñunshin 'atimanën 'ibuacë unicaman ñunshin 'atimanën quimicëxun Jesús cacëxa: —Mix camina Diosan Bëchicë 'ain.

Lucas 4:39

Cacëx anua racácënu cuani, ami bësui ñanáquian, aín 'itsis nëtë́nun cacëxëshi ca Simonan nachi pëxcúacëxa. Usaquian Jesusan 'acëxëshi pëxcuti niruxun ca atu pimiacëxa.

Juan 20:31

Jesús ax ca asérabi Cristo, Nucën Papa Diosan Bëchicë 'icë quixun 'unanimi ami catamëti mitsux xënibua 'aínbi Nucën Papa Diosnan 'inun cana ënë banacama cuënëon.

Santiago 2:19

Min camina Nucën Papa Dios ax ca achúshishi 'icë quixun sinanin. Usaquin sinánti ca asábi 'icën. Usaquinmi sináncë 'aínbi ca ñunshin 'atimacamanribi —usa ca —quixun 'unani ami racuëtan bamai bërëruia.