Lucas 23:9 - Nukën 'Ibu Diosan ain unikama 'inan ain bana

⁹ Usai cuëënquia 'itsaira bana ñucácëxunbi ca Jesusan cáma 'icën.

Kashibo-Kakataibo Biblia

⁹ Usai cuëënquia ꞌitsaira bana ñucácëxunbi ca Jesusan cáma ꞌicën.

Lucas 23:9 ပူးပေါင်းရင်းမြစ်များ

Mateo 27:12

Judíos sacerdotenën cushicamabëa ampan caniacëcë unicamax Pilatomi manáncëbëbi ca Jesús banama 'icën.

Mateo 27:14

Cacëxbi banaquinma ca Jesusan a ñuia quicë bana achúshirabi —usama ca —quixun cáma 'icën. Ax banaiama oquin —¿uisa uni cara ënëx 'ic? —quixun sinani ca Pilato ratúacëxa.

Mateo 7:6

An Nucën Papa Dios timaquin aín bana cuaisama tancë uni camina 'ën mitsu cacë banacama ñuixuntima 'ain, ñuixuncëxbia atux Nucën Papa Dios 'usani ami 'atimati banai mitsumi nishquin mitsu 'atimoti rabanan. Usa unicamax ca an ñu upí pimicëxunbia uni 'uchítinën ami nishquin picësaribi 'icën. 'Ianan ca unían aín cënënu niia cuchin 'aisamaira cupícë ñu a amáquin chuoórucësa 'icën.

Marcos 15:5

Cacëxbia Jesús banacëbëma ca Pilato —¿uisa uni cara ënëx 'ic? —quixun sinani ratúacëxa.

Lucas 13:32

Cacëxun ca Jesusan cacëxa: —Cuanxun camina uni paráncatsa, Herodes, a cati 'ain, cana 'ën 'acësabi oquin ñunshin 'atima unicamanua chiquíanan 'insíncë unicama pëxcuti 'ain. Usa 'ain cana 'ën 'ati ñucama sënë́onti 'ain, bërí, imë́ishi, pëcaratëcëncëbëtanribi nëtë camabi 'ën 'acësabi oquin 'aquin.

Lucas 23:10

Caíma 'imainun ca judíos sacerdotenën cushicama 'imainun an Moisésnën cuënëo bana 'unáncë unicama munuma banai ami manáncëxa.

Juan 19:9

Racuëti aín xubunu atsíntëcënxun ca Jesús cacëxa: —¿Uinu 'icë uni caramina 'ain? Cacëxunbi ca cáma 'icën.

Hechos 8:32

Usaquian cacëx 'iruax abë tsóxun Felipenën iscëx ca a unían 'acë banax ësai quicë 'iacëxa: Unían 'anuxun buáncëxbi ca carnero banaima. Carnero 'icësaribiti ca unin 'anuxun buáncëx ax banacëma 'icën. Aín rani unin tëacëxbi ca carnero banaima. Carnero 'icësaribiti ca ax banacëma 'icën.

1 Pedro 2:23

Unían ami nishquin ñu cacëxunbi ca usaribi oquin cáma 'icën. Usa 'ixun ca unían 'atimoquin tëmëramicëxunbi uni —cana mi cupiti 'ai —quixun cáma 'icën. Cupiti sinánquinma ca —'ën Papa Diosan cuni ca upí oquin isquin mëníoti 'icë —quixun sináncëxa.