Lucas 23:42 - Nukën 'Ibu Diosan ain unikama 'inan ain bana

⁴² Usoquin bëtsi catancëxun ca a unin Jesús cacëxa: —Jesús, min nëtënuax 'apu 'ixun camina 'ë manutima 'ain.

Kashibo-Kakataibo Biblia

⁴² Usoquin bëtsi catancëxun ca a unin Jesús cacëxa: —Jesús, min nëtënuax ꞌapu ꞌixun camina ꞌë manutima ꞌain.

Lucas 23:42 ပူးပေါင်းရင်းမြစ်များ

Lucas 12:8

Ësaquinribi ca Jesusan cacëxa: —'Ën cana mitsu cain, axa an 'ën bana cuacëma unicaman cuanun 'ë ñui —'ëx cana Jesusan uni 'ai —quicë uni, a ñuiquin cana, uni 'inux anuax uá 'ën, aín ángelcaman cuamainun, Nucën Papa Dios —ax ca 'ën uni 'icë —quixun cati 'ain.

Lucas 18:13

Fariseo uníxa usai quimainun ca an 'apu buánmiti curíqui bicë unin, 'uri niracëti manámi bësuima meuishi bësui, masá nuituquin aín nuitu mëëi abë banaquin, —Nucën Papa Dios, 'ëx 'uchañu 'icë camina 'ë nuibaquin 'ën 'uchacama 'ë tërë́nxunti 'ai —quixun caxa.

Lucas 23:41

Asérabi cananuna nux nun 'ucha cupí paë tanin. Usa nux 'aínbi ca ënë uni añu 'uchabi 'acëma 'icën.

Lucas 23:43

Cacëxun ca Jesusan cacëxa: —Asérabi cana 'ën mi cain, ënë nëtë́nbi camina anu 'ëx 'icë anu 'ëbë 'iti 'ain.

Lucas 24:26

¿A bana quicësabi oi cara Cristo, ax aín Papabë 'Apu 'i cuancëma pan 'aish, paë tani tëmërati 'iax?

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë 'ianan Israel unicaman 'apu 'ain.

Juan 20:28

Cacëxun ca Tomásnën —mix camina asérabi 'ën 'Ibu 'ianan 'ën Diosribi 'ai —quixun cacëxa.

Hechos 16:31

Quia ca cacëxa: —Nucën 'Ibu Jesucristomi sinani ca ami catamët. Ami catamëti camina min xubunu 'icë min aintsi 'ibucamabëbi mitsun 'uchacama tërë́ncë 'aish Nucën Papa Diosnan 'iti 'ain.

Hechos 20:21

Ñuixunquin cana judíos unicama 'imainun judíosma unicamaribi Nucën Papa Dios cuëëncësa oi 'inux sinanatía Nucën 'Ibu Jesucristomi catamënun quixun can.

1 Pedro 1:11

Cristo ënë menu ucëma 'aínbi ca aín Bëru Ñunshin Upitan sinánmicë 'ixun, an Nucën Papa Dios quicë bana uni ñuixuncë unicaman 'unáncëxa, tëmërax bamatancëx baísquitancëx ca Cristo aín Papasaribi 'Apu 'aish abë tsóti 'icë quixun. Usaquin 'unánquin ca uisa uni cara Cristo 'iti 'icë quixun 'unántisa tanan uínsaran cara uti 'icë quixun 'unántisa tancëxa.

1 Juan 5:1

An —Jesús ax ca Cristo, axa utia judíos unicaman caían, Nucën Papa Diosan Bëchicë, a 'icë —quixun sináncë unicamax ca Nucën Papa Diosan bëchicëribi 'icën. Uicamax cara Nucën Papa Diosmi sinania ax ca aín bëchicëcamamiribi sinania.