Lucas 23:35 - Nukën 'Ibu Diosan ain unikama 'inan ain bana

³⁵ Usaquian Jesús 'aia ca unicaman isacëxa. Ismainun ca judíos unibunën 'apucamax Jesús ñui 'atimati banai ami cuai ësai canancëxa: —An uni raíri ië́micësaribi oi ië́tibi ca ië́tima. Ax asérabi Cristo a Nucën Papa Diosan ënu xunuxun caíscë 'aish ca axbi ië́ti 'icën.

Kashibo-Kakataibo Biblia

³⁵ Usaquian Jesús ꞌaia ca unicaman isacëxa. Ismainun ca judíos unibunën ꞌapucamax Jesús ñui ꞌatimati banai ami cuai ësai canancëxa: —An uni raíri ië́micësaribi oi ië́tibi ca ië́tima. Ax asérabi Cristo a Nucën Papa Diosan ënu xunuxun caíscë ꞌaish ca axbi ië́ti ꞌicën.

Lucas 23:35 ပူးပေါင်းရင်းမြစ်များ

Mateo 12:18

Ënëx ca 'ëx cuëëncësabi oquin 'anun 'ën caíscë 'ianan 'ën nuibairacë a 'icën. A isi cana cuëënin. 'Ën cushi cana a 'inánti 'ain. 'Ináncëxun ca judíosma unicamaribi uisoquin carana 'ën atúxa upí 'inun 'imiti 'ai quixun ñuixunti 'icën. Ñuixuanan ca 'ën cana camabi unían ñu 'aia isquin uisa carana oti 'ai usoquin 'ati 'ai quixun ñuixunti 'icën.

Mateo 3:17

Usai 'icëbëtan ca Jesusan naínuaxa banaia cuacëxa, ësai qui: “Ënëx ca 'ëx amiira sináncë bacë bëchicë 'icën. Ami sinani cana chuámarua tani cuëënin”.

Lucas 16:14

Usaía quia cuaquin ca fariseo unicaman atux 'itsa curíquiñu 'iti cuëëncë 'ixun, aín bana cuaisama tani a ñui 'atimati banaquin Jesús 'usáncëxa.

Lucas 23:13

Usa 'ain ca Pilatonën, judíos sacerdotenën cushicama 'imainun judíos 'apucama 'imainun unicama camiacëxa.

Lucas 23:39

A Jesús 'acësaribi oquin i curúsocënu matáscë uni rabë́, achúshinën ca ami 'atimati banaquin 'usánquin Jesús cacëxa: —¿Mix caramina Cristoma 'ain? Mix asérabi Cristo 'aish ca mixbi ië́t. Ië́anan ca nuribi ië́mit.

1 Pedro 2:4

Usa 'ain camina axa bamatimoi tsócë, Jesucristo, a sinani ami catamëti 'ain. Judíos unían cuëëncëma 'aíshbi ca anun cuëënquin Nucën Papa Diosan iscëx ax upíira 'icën. Unían xubu 'aquin maxax upí ami xubu raroti caíscë usaribi ca Jesucristo 'icën.