Lucas 23:13 - Nukën 'Ibu Diosan ain unikama 'inan ain bana

¹³ Usa 'ain ca Pilatonën, judíos sacerdotenën cushicama 'imainun judíos 'apucama 'imainun unicama camiacëxa.

Kashibo-Kakataibo Biblia

¹³ Usa ꞌain ca Pilatonën, judíos sacerdotenën cushicama ꞌimainun judíos ꞌapucama ꞌimainun unicama camiacëxa.

Lucas 23:13 ပူးပေါင်းရင်းမြစ်များ

Marcos 15:14

Cuëncëni quia cuaquin ca Pilatonën cacëxa: —¿Añu ñu 'aisama cara ënën 'ax? Cacëxbi ca unicama munuma cuëncëni quitëcëancëxa: —Bamatanun ca i curúsocënu matas.

Lucas 23:35

Usaquian Jesús 'aia ca unicaman isacëxa. Ismainun ca judíos unibunën 'apucamax Jesús ñui 'atimati banai ami cuai ësai canancëxa: —An uni raíri ië́micësaribi oi ië́tibi ca ië́tima. Ax asérabi Cristo a Nucën Papa Diosan ënu xunuxun caíscë 'aish ca axbi ië́ti 'icën.

Lucas 24:20

Usa 'icëbi ca nun sacerdotenën cushicamabëtan nun cushi raíricamanribi a Piláto 'inánxa, ax isa i curúsocënu matáscëx bamanun quixun.

Juan 12:42

Usa 'aínbi ca 'itsaira judíos uni 'imainun aín 'apu raírinënribi Jesús, ax ca Cristo, axa utia atun caíncë, a 'icë quixun sináncëxa. Atun nuitu mëu usaquin sinaníbi ca chiquiracëti banama 'icën, fariseo unicamami racuëti —atun sapi ca anua judíos unicama timë́ti xubunu nu atsínmitëcëntima 'icë —quixun sinani.

Juan 18:38

Cacëxun ca Pilátonën Jesús cacëxa: —¿Uisa cara min Diosan sináncë 'ic? Usaquin catancëx amiribishi ëman chiquíquin ca Pilátonën judíos unicama cacëxa: —'Ën iscëx ca ënë uni 'atima ñu 'acëma 'icën.

Juan 19:4

Usocëbë chiquíquin ca Pilátonën judíos unicama cacëxa: —'Ën iscëx ca ënë uni 'uchacëma 'icën. Usa 'icëmi mitsun 'unánun cana a bëtëcënin.

Juan 3:1

Fariseo uni achúshi ca Nicodemo caquin anëcë 'iacëxa. Ax ca judíos unicaman 'apu achúshi 'iacëxa.

Juan 7:26

Ca is, camabi unin ismainuan cacëxunbi ca 'apucaman uisaquinbi caima. ¿Ënëx ca asérabi Cristo, ax utinu nun caíncë a 'icë quixun cara atun 'unánx?

Juan 7:48

Achúshira nun 'apúnbi ca axa quicë aín banax ca asérabi 'icë quixun sináncëma 'icën. Usaribi oquin ca achúshira fariseo unínbi axa quicë banax ca asérabi 'icë quixun sináncëma 'icën.

Hechos 13:27

Ësaquinribi ca Pablonën Pisidia menu 'icë ëma, Antioquíanu 'icë anua judíos unicama timë́ti xubunuxun cacëxa: —Jerusalénu 'icë unicamabëtan ca aín cushicamanribi Jesús, ax ca Cristo, axa uti atun caíncë, a 'icë quixun 'unánma 'icën. Anun ñu mëëtima nëtën 'icëbë timë́xun an Nucën Papa Dios quicë bana uni ñuixuncë unicaman cuënëo bana iscë 'ixunbi ca uisai quicë cara quixun 'unanimabi —ax ca bamati 'icë —quiacëxa, a bana quicësabi oi.

Hechos 3:17

Ësoquin catancëxun ca Pedronën amiribishi cacëxa: —'Ën xucë́antu, cana mitsu cain, 'ën cana 'unanin, asérabi ca ax Nucën Papa Diosan Bëchicë 'icë quixun 'unánxunmaishi camina mitsun 'apucamabëtanbi, mitsun Jesús uni 'amian,

Hechos 4:5

Sipuonx pëcaracëbë ca judíos unibunën 'apucama 'imainun caniacëcë unicama 'imainun an Moisésnën cuënëo bana 'unáncë unicama, Jerusalénu timë́acëxa.

Hechos 4:8

Ñucácëxun ca Nucën Papa Diosan Bëru Ñumshin Upitan quimicëxun Pedronën cacëxa: —Judíos 'apucama 'imainun caniacëcë unicama, cananuna mitsu cain: