Lucas 22:38 - Nukën 'Ibu Diosan ain unikama 'inan ain bana

³⁸ Cacëxun ca aín 'unánmicë unicaman cacëxa: —Ca is, ënu ca manë xëtocë rabë́ 'icën. Quia ca Jesusan cacëxa: —Ashi ca asábi 'icën.

Kashibo-Kakataibo Biblia

³⁸ Cacëxun ca aín ꞌunánmicë unicaman cacëxa: —Ca is, ënu ca manë xëtocë rabë́ ꞌicën. Quia ca Jesusan cacëxa: —Ashi ca asábi ꞌicën.

Lucas 22:38 ပူးပေါင်းရင်းမြစ်များ

Mateo 26:51

Bicëbëtan ca aín uni achúshinën aín manë xëtocë aín xacánua biquin, judíos sacerdotecaman cushia an ñu mëëxuncë uni mëëquin aín pabí amocüa pabíscacëxa.

Lucas 22:36

Canan ca ësaquinribi cacëxa: —Nucën Papa Diosan bana 'ë ñuiquian cuënëo quiásabi oi ca 'iti 'icën. A banax ca quia: “An ñu 'atima 'acë unicama achúshi ca ax 'icë quiax ca unicamax quiti 'icën”. A bana quiásabi oi ca unicamax 'ë ñui quiti 'icën. Usa 'ain camina bërí min bana ñuixuni cuanquin burasañu 'ixun a buánti 'ain. Curíquiñu 'ixun camina buánti 'ain. Manë xëtocëñuma 'ixun camina min tari maruquin anun curíqui biquin maruti 'ain.

Lucas 22:49

Uisoi cara uaxa quixun isquin ca abë 'icë unicaman Jesús ñucáquin cacëxa: —¿Ënë unicama caranuna manë xëtocën 'ati 'ain?

Juan 18:36

Cacëxun ca Jesusan cacëxa: —Ënë nëtënu 'icë 'apu 'inux cana uáma 'ain. 'Ëx ënë nëtënu 'icë 'apu 'ain ca judíos unicaman 'ë bitima cupí 'ën unicama atubë 'acanantsianxa. Usa 'ain cana ënë nëtënu 'icë 'apu 'inux uáma 'ain.

1 Tesalonicenses 5:8

Usa 'aínbi cananuna nux Nucën Papa Diosan uni 'aish camabi nëtën upí oquin sináncë 'iti 'ain. Cristonën ca ax quicësabi oquin 'ë 'aquinia quixun sinánquin cananuna ami catamëquin uni raíriribi nuibati 'ain, ñunshin 'atimanëan nu ñu 'atima 'anun sinánmitima cupí. Cristomi catamëquin raíri uniribi nuibacë 'aish cananuna suntárunëan 'acánani ami catamëti cupí anun aín shican bëpánti manë chupa pañucësa 'ain. Usai 'iquin, Jesucristo utëcëncëbë cana asaribi upí 'iti 'ai quixun sináncë 'aish, cananuna axa ami nishcë unían 'ati rabanan suntárunën aín maxcá manë mañutinën mapucësaribi 'ain.

1 Pedro 5:9

Usa 'ixun camina ñunshin 'atimanën 'apúan ñu 'atima 'amitisa tancëxunbi Jesucristomi catamëquin usa ñu 'atima 'ain. Camina 'unánti 'ain, mitsu 'acësaribi oquin ca ñunshin 'atimanën 'apun, camabi menu 'icë axa Jesucristomi catamëcë unicama tania quixun.