Lucas 21:25 - Nukën 'Ibu Diosan ain unikama 'inan ain bana

²⁵ Ësaquinribi ca Jesusan cacëxa: —'Ëx utëcënti nëtë ca 'urama 'icë quixun unicaman 'unánun ca naínu 'icë bari, 'uxë, 'ispa acamax bëtsiti 'icën. Usai 'imainuan parúnpapacama xuquirui bëchunia cuati ca camabi menu 'icë unicamax ratuti sináncasmai bënë́ti 'icën.

Kashibo-Kakataibo Biblia

²⁵ Ësaquinribi ca Jesusan cacëxa: —ꞌËx utëcënti nëtë ca ꞌurama ꞌicë quixun unicaman ꞌunánun ca naínu ꞌicë bari, ꞌuxë, ꞌispa acamax bëtsiti ꞌicën. Usai ꞌimainuan parúnpapacama xuquirui bëchunia cuati ca camabi menu ꞌicë unicamax ratuti sináncasmai bënë́ti ꞌicën.

Lucas 21:25 ပူးပေါင်းရင်းမြစ်များ

Mateo 24:29

Usoquin canan ca ësaquinribi Jesusan aín 'unánmicë unicama cacëxa: —Usaía tëmërai anun uni bënë́ti nëtëcama 'icëbë ca bari bëánquinuxun 'aia, 'uxë́nribi ca pëcanuxunma 'aia. 'Isparibi ca rëucunuxun 'aia, naícamë'ëo shaíquicëbë ca anua 'icë ñucamaxribi shaíquinuxun 'aia.

Mateo 27:45

Usa 'ain ca bari xamárucëbëbi me bëánquiacëxa. Bëánquiax ca rabë́ 'imainun achúshi hora bari pëquitëcëancëxa.

Marcos 13:24

Catancëxun ca Jesusan ësaquinribi aín 'unánmicë unicama cacëxa: —Usaía tëmërai anun uni bënë́ti nëtëcama 'icëbë ca bari bëánquinuxun 'aia, 'uxë́nribi ca pëcanuxunma 'aia.

Marcos 13:26

Usaía 'icëbëtan ca uni 'inux Nucën Papa Diosnuax uá, 'ën nëtë cuin mëúxun 'ën cushin pëcabëtsinia unicaman isnuxun 'aia.

Marcos 15:33

Usa 'ain ca bari xamárucëbëbi me bëánquiacëxa. Bëánquiax ca rabë́ 'imainun achúshi hora 'icëbë bari pëquitëcëancëxa.

Lucas 21:24

Uni raíri ca unin abë 'acananquin 'anuxun 'aia, raírinëx ca bëtsi bëtsi menu buáncë 'iti 'icën. Usaquin 'aquin ca judíosma unicaman Jerusalén 'atimonan anu 'ixun aín cuëëncësa oquin 'ati 'icën, atúan usoquin 'ati nëtëa sënë́ncëbëtan.

Lucas 21:26

Naicamë'ëo shaíquicëbë ca anua 'icë ñucamaxribi shaíquinuxun 'aia. Acama isi ca unicamax, uisai cara 'iti 'icë quixun sinani racuëtan bamai sináncasmai bënë́ti 'icën.

Hechos 2:19

'Ën 'imicëx mecama cëñúti nëtë 'icëma pan 'ain cana a isia ratúti ñu naínua unicama ismiti 'ain. Usonan cana menuaribi unin sináncëma ñu, imi 'imainun tsi 'imainun tsin cuin, acamaribi isminuxun 'ain. 'Imainun ca bari bëánquinuxun 'aia. Bari bëánquimainun ca 'uxë imisa 'inuxun 'aia.

Apocalipsis 20:11

Usaquin istancëxun cana anua 'apu tsóti uxua chaira isan, anu tsócë aribi cana isan. Iscëxbi ca ax anu 'ain, me 'imainun naícama 'imainun anu 'icë ñucama nëtë́axa, nëtëti ca anua ax 'iti 'aíma 'iaxa.