Lucas 18:38 - Nukën 'Ibu Diosan ain unikama 'inan ain bana

³⁸ Usai quia cuati cuëníshquin ca cacëxa: —Jesús, Davitan rëbúnqui, nuibaquin ca 'ë 'aquin.

Kashibo-Kakataibo Biblia

³⁸ Usai quia cuati cuëníshquin ca cacëxa: —Jesús, Davitan rëbúnqui, nuibaquin ca ꞌë ꞌaquin.

Lucas 18:38 ပူးပေါင်းရင်းမြစ်များ

Mateo 12:23

Jesusan usoia isi ca anu 'icë unicamax ratuti sináncasmai canancëxa: —¿Ënë unix cara asérabi Davitan rëbúnqui, axa uti nun caíncë, a 'ic?

Mateo 15:22

Bëbaia ca anu 'icë Cananea xanu, an anu cuanquin munuma banaquin Jesús caráishiacëxa: —Mix camina Nucën 'Ibu, Davitan rëbúnqui 'ain. Usa 'ixun camina 'ë 'aquinti 'ain. 'Ën ini tuá ca anua ñunshin 'atima 'ain 'itsaira paë tania.

Mateo 21:15

Unicama pëxcuia isanan anu 'icë xucamax —Davitan rëbúnqui, Nucën 'Ibu, ax ca upíira 'icë —quiáxa cuëëni sharatia isi ca judíos unibunën 'apucama ax nishacëxa.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën 'Ibu ax ca upíira 'icën. Nucën 'Ibu Diosan xucëx ca ënëx bërí aia. A ca camabi unin rabiti 'icën. Nucën 'Ibu Dios, naínu 'icë, aribinu cuëënquin rabinun ca 'acan.

Mateo 9:27

Usobiani anuax cuaniabi ca uni bëxuñu rabëtan Jesús caticabianquin munuma cuëncë́onquin cacëxa: —Davitan rëbúnqui, nu nuibaquin ca nu pëxcut.

Lucas 18:37

Ñucácëxun ca cacancëxa: —Nazaretnu 'icë uni, Jesús, ax ca uaxa, a cënë cuania.

Lucas 18:39

Usaía quia oquin ca ax paían rëcuë́nquiani cuancë unicaman banaxma isa nëtë́nun quixun cacëxa. Cacëxbi ca nëtëtima axa 'icësamaira oi munuma cuëníshtëcëni quiacëxa: —Davitan rëbúnqui, nuibaquin ca 'ë 'aquin.

Romanos 1:3

A cuënëomia banax ca aín Bëchicë, Nucën 'Ibu Jesucristo ñui quicë 'icën. Aín 'unan papa ax ca Davidnën rëbúnqui 'iacëxa.

Apocalipsis 22:16

'Ëx cana Jesús 'ain. Usa 'ixun cana axa 'ëmi catamëcë unicaman ënë ñucama 'unánun 'ën ángel mia canun xuan. 'Ëx cana David, axa judíos unibunën 'apu 'iá, aín rëbúnqui 'ain. Usa 'aíshbi cana 'ëx David 'icëma pan 'ain 'iacën. Pëcaratia xaba 'inúan 'ispon urucë usaribi cana 'ëx 'iti 'ain.