Lucas 13:32 - Nukën 'Ibu Diosan ain unikama 'inan ain bana

³² Cacëxun ca Jesusan cacëxa: —Cuanxun camina uni paráncatsa, Herodes, a cati 'ain, cana 'ën 'acësabi oquin ñunshin 'atima unicamanua chiquíanan 'insíncë unicama pëxcuti 'ain. Usa 'ain cana 'ën 'ati ñucama sënë́onti 'ain, bërí, imë́ishi, pëcaratëcëncëbëtanribi nëtë camabi 'ën 'acësabi oquin 'aquin.

Kashibo-Kakataibo Biblia

³² Cacëxun ca Jesusan cacëxa: —Cuanxun camina uni paráncatsa, Herodes, a cati ꞌain, cana ꞌën ꞌacësabi oquin ñunshin ꞌatima unicamanua chiquíanan ꞌinsíncë unicama pëxcuti ꞌain. Usa ꞌain cana ꞌën ꞌati ñucama sënë́onti ꞌain, bërí, imë́ishi, pëcaratëcëncëbëtanribi nëtë camabi ꞌën ꞌacësabi oquin ꞌaquin.

Lucas 13:32 ပူးပေါင်းရင်းမြစ်များ

Marcos 6:14

Usa 'ain ca uni itsían 'acëma ñua Jesusan 'aia unicaman chaniocëxa. Chanioia cuati ca Galileanu 'icë 'apu, Herodes, quiacëxa: —Ax ca Juan, an uni nashimicë, a 'icën. Bamaxbi ca baísquiaxa. Usa 'ixun ca uni itsían 'acëma ñu 'aia.

Juan 10:32

Bitsia ca Jesusan cacëxa: —'Ën Papan 'ë 'amicëxun cana mitsúnmi isnun 'itsa ñu 'an. ¿'Ën usoquin 'acë uinu 'icë ñu cupí caramina 'ë maxaxan 'acatsi quin?

Juan 19:30

'Amicëx ca Jesús vino cachacë 'atancëx, —'ën 'ati ñu cana cëñuan —qui tëtúbutishi bamacëxa.

Hebreos 2:10

Nucën Papa Diosan ca camabi ñu ainan 'inun uniocëxa. Usoquin 'á 'aish ca, an aín bana cuacë aín bëchicëcamaxa aín nëtënu abë 'iti cuëënia. Usa 'ixun ca axa uni 'aish tëmëranan paë tani bamacë cupíshi Nucën Papa Diosan ainan 'inun uni ië́minun Jesucristo 'imiacëxa.

Hebreos 5:9

Ax tëmëraibi aín Papa Dios cuëëncësabi oi 'iá 'ixun ca an aín bana cuaquin ax quicësabi oquin 'acë unicama a aín 'ucha tërë́nquin Nucën Papa Diosnan 'aish xënibua 'aínbi abë 'inun ië́mia.

Hebreos 7:28

Usa 'ain ca Moisésnën cuënëo bana quicësabi oi Levitan rëbúnqui, 'uchañu 'aíshbi an judíos unicama Nucën Papa Dios ñucáxunti 'ia. Usa 'aínbi ca an Moisés 'inan bana xënibucëbëtan, Nucën Papa Diosan sinanatëcëntimoquin caquin, aín Bëchicë Jesús, axa asérabi 'uchañuma 'iá 'aish usabi 'uchañuma 'ia, an aín unicama a ñucáxunun 'imiacëxa.