Lucas 13:14 - Nukën 'Ibu Diosan ain unikama 'inan ain bana

¹⁴ Usa 'aínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu 'icë 'apu nishacëxa. Nishquin ca anu 'icë unicama cacëxa: —Anun ñu mëëti nëtëx ca mëcën achúshi 'imainun achúshi 'icën. Anun ñu mëëtima nëtën camina utima 'ain, anun ñu mëëti nëtë́inshi camina pëxcucë 'inux uti 'ain.

Kashibo-Kakataibo Biblia

¹⁴ Usa ꞌaínbi ca Jesusan anu ñu mëëti nëtën xanu pëxcüan, axa anu judíos unicama timë́ti xubunu ꞌicë ꞌapu nishacëxa. Nishquin ca anu ꞌicë unicama cacëxa: —Anun ñu mëëti nëtëx ca mëcën achúshi ꞌimainun achúshi ꞌicën. Anun ñu mëëtima nëtën camina utima ꞌain, anun ñu mëëti nëtë́inshi camina pëxcucë ꞌinux uti ꞌain.

Lucas 13:14 ပူးပေါင်းရင်းမြစ်များ

Mateo 12:2

Usoia isquin ca fariseo unicaman Jesús cacëxa: —Ca is, anun ñu mëëtima nëtën usaquin ñu 'ati 'aínmabi ca min 'unánmicë unicaman usoia.

Marcos 5:22

Anu Jesús 'ain ca anua judíos unicama timë́ti xubunu 'icë 'apu achúshi, Jairo cacë, ax uacëxa. Uquin a mërai aín bëmánon rantin puruni

Lucas 6:11

Usaquian 'aia isi xuamati nishi ca uisa caranuna Jesús oti 'ai quiax 'ësë́nani canancëxa.

Lucas 6:7

A uni isquin ca an Moisésnën cuënëo bana 'unáncë unicama 'imainun fariseo unicaman, anun ñu mëëtima nëtën caraisa uni pëxcuia quixun ami manánuxun iscatsi quixun Jesús bërúancëxa.

Lucas 8:41

Caíncëxa bëbaia ca anu judíos unicama timë́cë xubunu 'icë 'apu achúshi, Jairo cacë, an anu cuani a tanáin rantin puruni tsóbuquin Jesús cacëxa: —'Ën ini bëchicë ca aratsushi 'icën, mëcën rabë́ 'imainun rabë́ baritiañu ca ax 'icën. Ca 'insinan 'i bamaia. A pëxcui camina 'ën xubunu cuanti 'ain. Cacëx abë cuania ca 'aisamaira unin Jesús chacatisaira ocëxa.

Hechos 13:15

Tsotan anu 'icë unicamanribia cuamainun Moisésnën cuënëo bana 'imainun an Nucën Papa Dios quicë bana uni ñuixuncë unicamanribia cuënëo bana 'atancëxun ca a xubunu 'icë 'apucaman Pablocëñun Bernabé cacëxa: —'Ën xucë́antu, mitsúnribi unicama 'ësëtisa tanquin camina cati 'ain.

Hechos 18:17

Cacëx cuanquinbi ca anua judíos unicama timë́ti xubunu 'icë 'apu, Sóstenes, a bixun mëëcancëxa. Usoia isquinbi ca Galionën caquinma isëshiacëxa.

Hechos 18:8

Usa 'ain ca anua judíos unicama timë́ti xubunu 'icë 'apu, Crispo, abë aín xubunu 'icë aín aintsi 'ibucamaxribi ami sinani Nucën 'Ibu Jesúsmi catamëacëxa. Usai 'imainun ca Pablonëan bana ñuixunia cuati, 'aisamaira Corintonu 'icë unicamaxribi ami sinani Nucën 'Ibu Jesúsmi catamëti nashimicë 'iacëxa.

Romanos 10:2

Cana mitsu cain, atun ca asérabi Nucën Papa Dios cuëënmisa tania. Usa 'ixunbi ca uisoquin cara atun a cuëënmiti 'icë quixun 'unaníma.