Lucas 10:40 - Nukën 'Ibu Diosan ain unikama 'inan ain bana

⁴⁰ Maríanëan bana cuamainun ca Martanën Jesusan bana cuaquinma piti 'aruanan bëtsi bëtsi ñu 'acëxa. 'Aquin ca anu cuanquin Jesús cacëxa: —Caramina isiman, 'ën xucënan ca 'ë 'aquinima, 'ëinshi cana ñu 'ain. 'Ëa ñu 'aquini unun ca cat.

Kashibo-Kakataibo Biblia

⁴⁰ Maríanëan bana cuamainun ca Martanën Jesusan bana cuaquinma piti ꞌaruanan bëtsi bëtsi ñu ꞌacëxa. ꞌAquin ca anu cuanquin Jesús cacëxa: —Caramina isiman, ꞌën xucënan ca ꞌë ꞌaquinima, ꞌëinshi cana ñu ꞌain. ꞌËa ñu ꞌaquini unun ca cat.

Lucas 10:40 ပူးပေါင်းရင်းမြစ်များ

Mateo 14:15

Usaquin 'acëbëa bari xupíbucëbëtan ca aín 'unánmicë unicaman anu cuanxun Jesús cacëxa: —Bari ca xupíbutia, ënë mex ca anu uni 'icëma me 'icën. Ënu 'iaxma unicama cuantánun camina cati 'ain. Cuanxuan 'uri 'icë ëmacamanua atun piti bitánun camina xuti 'ain.

Mateo 16:22

Usaria quia oquin ca Pedronën Jesús amo nitsinaxun ñu caquin cacëxa: —Usai camina 'itima 'ain, Nucën Papa Diosax ca mixmi usai 'iti cuëëntima 'icën.

Marcos 3:21

Usai 'ia cuabiani ca aín aintsi 'ibu ax —sapi ca ñunshíanxa —quiquiani Jesús bitsi cuancëxa.

Lucas 10:38

Bain cuanía achúshi ëmanu bëbaia ca anu 'icë Marta cacë xanun aín xubunu Jesús atsínmiacëxa.

Lucas 10:41

Cacëxun ca Jesusan cacëxa: —Marta, Marta, mix camina 'itsa ñu 'ati sinani bënëtin.

Lucas 12:29

Añu ñu caramina piti 'ain, añu ñu caramina xëati 'ai quixun camina bënëti masá nuituquin sinántima 'ain.

Lucas 9:55

Cacëx cuainacëquin isquin ca Jesusan ñu caquin cacëxa: —Usaquin cananuna 'atima 'ain. Mitsux 'ënan 'ixunbi camina uisaira cara 'ën uni 'iti 'icë quixun 'unaniman.

Juan 11:1

Betania ëmanu 'icë uni Lázaro cacë, ax ca 'insínñu 'iacëxa. Aín chirabacë rabëtax ca Marta 'imainun María 'iacëxa.

Juan 11:5

Usa 'ain ca —Lázaro ca 'insíanxa —quixun ñuia cuaxbi Jesús, ax Marta, María, Lázaro acama nuibacë 'aíshbi, anua unin usaquin cacë ëma, anu rabë́ nëtën pain 'iacëxa.

Juan 12:2

Cuanxa Jesús atun 'itinu bëban ca Martanën piti 'aruacëxa. 'Aruxuan 'ináncëxun ca Jesúsbëtan Lázaro 'imainun anu 'icë unicaman mesanuxun piacëxa.

Juan 6:27

Axa chëquiti piti binuxuinshi camina ñu 'atima 'ain. Usa 'ain camina ainan 'aish Nucën Papa Diosbë nëtë́timoi 'inuxun 'ëmi catamëquin axa cuëëncësabi oquin 'ati 'ain. Usaími 'inun mitsu 'iminun ca 'ëx uni 'inux anuax uá, Nucën Papa Dios, an 'ë 'imiacëxa.