Lucas 10:28 - Nukën 'Ibu Diosan ain unikama 'inan ain bana

²⁸ Cacëxun ca Jesusan cacëxa: —Upí oquin camina 'ë can. Usoquin 'ai camina ainan 'aish xënibua 'aínbi Nucën Papa Diosbë 'iti 'ain.

Kashibo-Kakataibo Biblia

²⁸ Cacëxun ca Jesusan cacëxa: —Upí oquin camina ꞌë can. Usoquin ꞌai camina ainan ꞌaish xënibua ꞌaínbi Nucën Papa Diosbë ꞌiti ꞌain.

Lucas 10:28 ပူးပေါင်းရင်းမြစ်များ

Mateo 19:17

Cacëxun ca Jesusan cacëxa: —¿Uisa cupí caramina min 'ëx isana upí 'ai quixun 'ë cain? Nucën Papa Diosaxëshi ca asérabi upí 'icën. Mix aín nëtënu abë 'iisa tanquin camina aín bana quicësabi oquin 'ati 'ain.

Marcos 12:34

Usaquian a bana ñuiquin cacëxun ca Jesusan a uni cacëxa: —Nucën Papa Diosan uni 'iisa camina 'ain. Usaquian a uni caia cuaxun ca ui unínbi ñucátëcëanma 'icën.

Lucas 7:43

Cacëxun ca Simonan cacëxa: —'Ën sináncëx ca an 'itsaira curíqui ribíncë, ax bëtsíxa 'icësamaira oi a unimi sinánti 'icën. Quia ca Jesusan cacëxa: —Usa ca.

Romanos 10:4

Cristonëxa ucëbëtan judíos unibunën asérabi ami catamëti 'unánun quixun ca Nucën Papa Diosan aín bana Moisés cuënëomiacëxa. Ui unicamax cara Cristomi catamëtia a ca Nucën Papa Diosan upí isanan ainan 'imia quixuan 'unánun ca a bana judíos unibu 'ináncëxa. Usa 'aínbi ca ax ucëbë judíos unicama ami sinántisama tanxa.

Romanos 3:19

Usa banacama ca judíos unibunën cuanun Nucën Papa Diosan aín unicama cuënëomiacëxa quixun cananuna 'unanin. Aín bana 'ináncëma pain 'ixun ca Nucën Papa Diosan judíos unicama ainan 'inun 'imiacëxa. Ainan 'imitancëxun ca uisaira cara ainan 'aish uni upí 'iti 'icë quixuan 'unánun aín bana judíos unicama 'ináncëxa. A bana isquin ca judíos unicamainshima camabi unin 'unánti 'icën, uisairai 'i cara Nucën Papa Diosan iscëx atun nuitu upíma 'icë quixun.

Romanos 7:10

Ësa ca. A isía ax cuëëncësabi oi, usai aín uni 'inuan Nucën Papa Diosan 'inan bana, ax quicësabi oi 'icëma cupí 'uchocë 'aish cana Nucën Papa Diosbë 'itimoi bamati 'iacën.

Gálatas 3:12

Moisésnën cuënëo banax ca quia: “Nucën Papa Diosbë upí 'inux Moisésnën cuënëo bana quicësabi oi 'iti sináncë unin ca asérabi a banacama quicësabi oquin 'ati 'icën”. Usai quibi ca, ami catamëtishi ca uni Nucën Papa Diosbë upí 'icë quima.