Juan 8:26 - Nukën 'Ibu Diosan ain unikama 'inan ain bana

²⁶ 'Itsa ñu ñuiquin cana mitsu cacëma pain 'ain, uisa ñu 'ai caramina 'uchai quixunmi 'unánun. Caquinma cana an 'ë xuá axa quicë banax asérabi 'ain, an 'ë cacëxun 'ën cuacë, ashi ënë nëtënu 'icë unicama ñuixunin.

Kashibo-Kakataibo Biblia

²⁶ ꞌItsa ñu ñuiquin cana mitsu cacëma pain ꞌain, uisa ñu ꞌai caramina ꞌuchai quixunmi ꞌunánun. Caquinma cana an ꞌë xuá axa quicë banax asérabi ꞌain, an ꞌë cacëxun ꞌën cuacë, ashi ënë nëtënu ꞌicë unicama ñuixunin.

Juan 8:26 ပူးပေါင်းရင်းမြစ်များ

Juan 15:15

Usa 'ain cana 'ën ñu mëëmicë uni camina 'ai quixun mitsu caiman. An ñu mëëxuncë unin ca uisoquin ñu 'ati cara an ñu mëëmicë unin sinania quixun 'unanima. 'Ëbë nuibanancë unicama camina 'ai quixun cana mitsu cain. Usa 'icë cana 'ën Papan 'ë cacë ñucama mitsu 'unánmian.

Juan 16:12

'Ën a mitsu ñuixunti bëtsi banacamaribi ënu 'aínbi camina 'ën bërí ñuixuncëxunbi uisai quicë cara quixun cuacantima 'ain.

Juan 18:20

Ñucácëxun ca Jesusan cacëxa: —'Ën cana camabi unían cuamainun, anua judíos unicama timë́cë xubucamanuxun ñuixuanan anuxun Nucën Papa Dios rabiti xubu anua judíos unicama timë́cë, anuxunribi unë́quinma unicama bana ñuixuan.

Juan 3:11

Asérabi cana mi cain, nun 'unáncë ñu ñuianan nun iscë ñuribi ñui cananuna nux quin. Quiabi camina nun bana ca asérabi 'icë quixun sinaniman.

Juan 7:16

Quia ca Jesusan cacëxa: —'Ën uni ñuixuncë bana ënëx ca 'ënbi sináncëma 'icën. An 'ë xuá, an 'ë sinánmicë ca ënëx 'icën.

Juan 7:28

Ësaía canania cuaquin ca Jesusan anuxun Nucën Papa Dios rabiti xubunuxun bana ñuixuni munuma banaquin cacëxa: —Mitsun camina 'ë 'unan, uinuax carana uan quixun camina 'unanin. Usa 'aínbi cana 'ëx, 'ëxbi ucëma 'ain. Aín banaxa nëtë́timoi asérabi, an xucëx cana uacën. An 'ë xuá a camina mitsun 'unaniman.

Juan 8:25

Cacëxun ca judíos unicaman: —¿Ui caramina mix 'ain? —quixun cacëxa. Cacëxun ca Jesusan cacëxa: —'Ëx carana ui 'ai quixun cana 'itsa oquin mitsu can. A cana 'ëx 'ain.

Juan 8:27

Usaía Jesús quiabi ca, Nucën Papa Dios ñui ca quia quixun a unicaman cuama 'icën.

Juan 8:40

Abrahamnëan 'ásabi oquin camina mitsun 'aiman. Nucën Papa Diosan 'ë 'unánmicë ñu 'ën mitsu ñuixuncëxbi camina 'ë 'acatsi quiax 'ësë́nanin. Usai ca Abraham an Nucën Papa Diosan unimi 'iáma 'icën.

2 Corintios 1:18

Usama cananuna nux 'ain. Nucën Papa Diosan ca 'unania, nux —cananuna cuanti 'ai —quiquin cananuna —asérabi cananuna cuanti 'ai —quixun sinan.