Juan 7:36 - Nukën 'Ibu Diosan ain unikama 'inan ain bana

³⁶ ¿Uisai quicë cara an ësaquin nu cacë bana ënëx 'ic: “Uinu carana 'ëx cuani, anu camina mitsux cuantima 'ain. Usa 'ixun camina bariquinbi cuania 'ë mëratima 'ain”?

Kashibo-Kakataibo Biblia

³⁶ ¿Uisai quicë cara an ësaquin nu cacë bana ënëx ꞌic: “Uinu carana ꞌëx cuani, anu camina mitsux cuantima ꞌain. Usa ꞌixun camina bariquinbi cuania ꞌë mëratima ꞌain”?

Juan 7:36 ပူးပေါင်းရင်းမြစ်များ

Juan 12:34

Usaquian cacëxun ca unicaman Jesús cacëxa: —An Nucën Papa Diosan bana cuënëo uni ñuixuncë unían a bana isquin unicama ñuixunia cananuna cuan, ax ca ësai quia, Cristo ax ca nëtë́timoi xënibua 'aínbi 'iti 'icën. ¿Usa 'aínbi caramina min, axa Nucën Papa Diosnuax uni 'inux uá, ax ca i curúsocënu matáscë 'iti 'icë quixun nu cain? ¿Ui cara Nucën Papa Diosnuaxa uni 'inux uá ax 'ic?

Juan 13:33

Xënibutíma cana bënëtishi mitsubë 'iti 'ain. Mitsubë 'itancëx cuancë camina 'ë barinuxun 'ain. Usa 'ain cana 'ën judíos unicama cacësabi oquin bërí mitsuribi cain, anu 'ëx cuancë anu camina mitsux cuantima 'ain.

Juan 3:4

Usaquian cacëxun ca Nicodemonën cacëxa: —¿Uisax cara bëráma cania 'aish uni bacë́ntëcënti 'ic? ¿Amiribishi cara aín titan pucunu atsíanx bacë́ntëcënti 'ic?

Juan 3:9

Cacëxun ca Nicodemonën Jesús catëcëancëxa: —¿Uisa 'aish cara usai 'iti 'ic?

Juan 6:41

—'Ëx cana Nucën Papa Diosan naínua 'ibúmiquin uni 'inan piti, a 'ai —quiáxa Jesús quicëbë ca judíos unicamax ami nishi Jesús ñui

Juan 6:52

Quixuan cacëx ca judíos unicama ñucacanani quiacëxa: —¿Uisa 'ixun cara ënë unin anu nun pinun nu pimiti 'ic?

Juan 6:60

Usa 'ain ca an Jesusan bana ñuia cuacë unicama 'aisamaira 'ain raírinëx quiacëxa: —Axa usai quicë bana ax ca cuaisama 'icën. ¿Uin cara a cuati 'ic?

Juan 7:34

Uinu carana 'ëx cuani, anu camina mitsux cuantima 'ain. Usa 'ain camina bariquinbi cuania 'ë mëratima 'ain.

Juan 8:21

Jesusan ca amiribishi unicama cacëxa: —'Ëx cana cuantëcënin. Cuancë bariquinbi camina mitsun 'ë mëraiman. Mëraima camina 'uchañu 'aish usabi bamati 'ain. Anu 'ëx cuanti anu camina cuantima 'ain.

1 Corintios 2:14

An sinánmicëma uni an ca Nucën Papa Diosan Bëru Ñunshin Upitan sinánmicë ñu 'unanima. A ñucamax ca an iscëx 'usani ami cuaitisa 'icën. Unin ca a ñu 'unánti 'icën, Nucën Papa Diosan Bëru Ñunshin Upitan 'unánmicëxuinshi.